ການນຳໃຊ້ສື່ສິ່ງພິມ, ສື່ເອເລັກໂຕຣນິກ ແລະ ສື່ອອນລາຍ ມີຄວາມວ່ອງໄວຂຶ້ນ ແລະ ເຂົ້າເຖິງມະຫາຊົນໄດ້ກວ້າງຂວາງກວ່າເກົ່າ; ການຮັກສາບົດບາດກະບອກສຽງທີ່ແຫຼມຄົມພັກ-ລັດ ຊຶ່ງສື່ມວນຊົນຍັງຄົງຮັກສາໄດ້ບົດບາດການເປັນເວທີຂອງມະຫາຊົນ ແລະ ສາຍໃຍລະຫວ່າງພັກກັບປະຊາຊົນ. ພວກເຮົາໄດ້ນໍາໜ້າໃນການເຜີຍແຜ່ແນວທາງນະໂຍບາຍ, ມະຕິກອງປະຊຸມໃຫຍ່ ແລະ ວາລະແຫ່ງຊາດຕ່າງໆ ໃຫ້ສັງຄົມຮັບຮູ້ຢ່າງເລິກເຊິ່ງ. ການປົກປ້ອງແນວຄິດ ແລະ ຕອບໂຕ້ຂໍ້ມູນບິດເບືອນ ໃນທ່າມກາງສະພາບການທີ່ອິດທິກຳ ລັງປໍລະປັກສືບຕໍ່ກົນອຸບາຍຫັນປ່ຽນໂດຍສັນຕິ, ສື່ມວນຊົນ ໄດ້ກາຍເປັນແນວໜ້າໃນການຕິດຕາມ ແລະ ຕອບໂຕ້ການໂຄສະນາບິດເບືອນ, ໃສ່ຮ້າຍປ້າຍສີຜ່ານສື່ອອນລາຍໄດ້ຢ່າງທັນການໃນຫຼາຍເຫດການ.
ສະຫາຍ ສົມສະຫວາດ ພົງສາ ກ່າວຕື່ມວ່າ: ເພື່ອຮັບປະກັນການຫັນປ່ຽນຢ່າງແຂງແຮງ, ຍົກສູງບົດບາດສື່ມວນຊົນໃຫ້ກາຍເປັນ “ອາວຸດທາງປັນຍາ” ແລະ “ອໍານາດນິ້ມນວນ” ທີ່ຊົງອິດທິພົນຂອງພັກຢ່າງແທ້ຈິງ. ວຽກງານຈຸດສຸມໃນ 5 ປີຕໍ່ໜ້າ (2026-2030) ໂດຍໃຫ້ສອດຄ່ອງກັບທິດທາງລວມ 5 ປີ ຂອງຄະນະພັກ ຄອສພ ແລະ ແຜນແມ່ບົດຫັນເປັນດີຈີຕອນຂອງຊາດ ທຸກສຳນັກຂ່າວ, ວິທະຍຸ, ໂທລະພາບ ແລະ ໜັງສືພິມ ຕ້ອງຫຼຸດຜ່ອນການລາຍງານຂ່າວແບບ "ອ່ານຕາມເອກະສານ" ລົງຢ່າງໜ້ອຍ 50% ຕ້ອງຫັນໄປສູ່ການລາຍງານແບບ "ວາລະສານຂໍ້ມູນ ແລະ ການຂຽນບົດວິເຄາະ-ວິຈານ, ຂ່າວສານການເມືອງ, ມະຕິ ແລະ ກົດໝາຍຕ່າງໆ ຕ້ອງຖືກແປງເປັນຮູບແບບ "ເນື້ອຫາຂະໜາດນ້ອຍ" ເຊັ່ນ: ວີດີໂອສັ້ນ ຄວາມຍາວບໍ່ເກີນ 1-2 ນາທີ, ພອດແຄັສ (Podcast) ແລະ ອິນໂຟກຣາບຟິກ (Infographics) ເພື່ອໃຫ້ເຂົ້າເຖິງງ່າຍ, ມີສິລະປະ ແລະ ແທດເໝາະກັບຈິດຕະສາດຂອງໄວໜຸ່ມ; ສ້າງຕັ້ງ "ໜ່ວຍປະຕິບັດການຕອບໂຕ້ໄວ" ເພື່ອແກ້ໄຂຈຸດອ່ອນເລື່ອງການຕອບໂຕ້ຫາງສຽງສັງຄົມທີ່ຊັກຊ້າ, ຄອສພ ຕ້ອງຮ່ວມກັບບັນດາສຳນັກຂ່າວຢ່າງແໜ້ນແຟ້ນ, ຕ້ອງສ້າງຕັ້ງກົນໄກເຄືອຂ່າຍອາສາສະໝັກດີຈີຕອນ. ໜ່ວຍງານນີ້, ຕ້ອງເຮັດວຽກແບບ 24 ຊົ່ວໂມງ ໂດຍນຳໃຊ້ເຕັກໂນໂລຊີ Social Listening ເພື່ອຈັບກະແສສັງຄົມ. ເມື່ອມີຂ່າວປອມ ຫຼື ຂ່າວບິດເບືອນເກີດຂຶ້ນ, ໜ່ວຍງານນີ້ຕ້ອງສາມາດອອກຂ່າວແກ້ໄຂ, ກວດສອບຄວາມຈິງ ແລະ ນໍາພາທິດຫາງສຽງໃຫ້ໄດ້ພາຍໃນ 2-4 ຊົ່ວໂມງ; ເລັ່ງລັດການນຳໃຊ້ປັນຍາປະດິດ (AI) ເຂົ້າໃນກອງບັນນາທິ ການ ຊຶ່ງໃນ 5 ປີຕໍ່ໜ້າ ຕ້ອງເລີ່ມໂຄງການທົດລອງນໍາໃຊ້ AI ເຂົ້າໃນການຜະລິດສື່, ຈັດຊຸດຝຶກອົບຮົມການໃຊ້ Al ໃຫ້ນັກຂ່າວເພື່ອຊ່ວຍໃນການແປພາສາ, ການສະຫຼຸບເນື້ອໃນກອງປະຊຸມ ແລະ ການສ້າງພາບປະກອບ ຊຶ່ງຈະຊ່ວຍຫຼຸດຜ່ອນເວລາ ແລະ ທົດແທນການຂາດແຄນບຸກຄະລາກອນໄດ້ຢ່າງມະຫາສານ. ພ້ອມກັນນັ້ນ, ຕ້ອງເລີ່ມອອກແບບແພລດຟອມລວມສູນຂ່າວສານຂອງພັກ-ລັດ (Super App) ເພື່ອໃຫ້ປະຊາຊົນສາມາດໂຫຼດແອັບດຽວ ແຕ່ເຂົ້າເຖິງທຸກໜ້າຂ່າວສື່ຂອງລັດໄດ້; ຝຶກອົບຮົມ ແລະ ບຳລຸງສ້າງ "ນັກຂ່າວແບບປະສົມປະສານ" ຕ້ອງຍຸດຕິການສັບຊ້ອນພະນັກງານແບບຕາບຈູນ. ພາຍໃນ 5 ປີນີ້, ຕ້ອງຮ່ວມມືກັບປະເທດເພື່ອນມິດຍຸດທະສາດ (ຫວຽດນາມ, ຈີນ) ແລະ ພາກເອກະຊົນ ເປີດຊຸດອົບຮົມແບບເລັ່ງລັດເພື່ອສ້າງນັກຂ່າວຮຸ່ນໃໝ່ ໃຫ້ກາຍເປັນມືອາຊີບທີ່ສາມາດຂຽນຂ່າວໄດ້, ຖ່າຍຮູບ-ຖ່າຍວີດີໂອເປັນ, ຕັດຕໍ່ດ້ວຍມືຖືໄດ້; ພັດທະນາຕົວແບບທຸລະກິດສື່ໃໝ່ ເພື່ອແກ້ໄຂບັນຫາງົບປະມານ, ໃນສົກປີໜ້າ, ສື່ມວນຊົນຂອງລັດ ຕ້ອງທົດລອງສ້າງກົນໄກການຮ່ວມມືລັດ-ເອກະຊົນ ອົງການສື່ ສາມາດເປີດຮັບການເປັນຜູ້ສະໜັບສະໜູນເຂົ້າໃນສື່ສິ່ງພິມ, ລາຍການວິທະຍຸ, ໂທລະພາບ ຫຼື ແພລດຟອມອອນລາຍຢ່າງຖືກຕ້ອງຕາມລະ ບຽບການ ເພື່ອນຳລາຍຮັບນັ້ນມາປັບປຸງຂອດການບໍລິການ ແລະ ອຸປະກອນເຊັ່ນ: ກ້ອງຖ່າຍຮູບ ແລະ ສະຫວັດດີການຂອງນັກຂ່າວ ຮັບປະກັນຄວາມຍືນຍົງທາງການເງິນ.
ຄໍາເຫັນ