ໂດຍ: ສ.ບຸດປະຊາ
ນີ້ແມ່ນອີກໜຶ່ງນະໂຍບາຍ ຊຶ່ງເປັນນະໂຍບາຍຂໍ້ທີ 2 ຂອງ 8 ຂໍ້ໃນນະໂຍບາຍແຫ່ງຊາດ ວ່າດ້ວຍການສົ່ງເສີ່ມການລ້ຽງສັດ ແລະ ສັດນໍ້າ ໂດຍລັດຖະບານ ເຫັນໄດ້ເຖິງຄວາມສຳຄັນ ແລະ ຈໍາເປັນຕໍ່ການນໍາໃຊ້ພະລັງງານໄຟຟ້າ, ບັນດາເຄື່ອງອຸປະກອນເຕັກໂນໂລຊີ ເຂົ້າໃນຂະບວນການລ້ຽງສັດ ແລະ ສັດນໍ້າ ເພື່ອເພີ່ມພູນຜົນຜະລິດດ້ານສັດລ້ຽງ ແລະ ສັດນໍ້າ ເພື່ອເປັນສິນຄ້າ; ພ້ອມນີ້, ກໍຍັງຄໍານຶງເຖິງການອຳນວຍໃຫ້ແກ່ການສ້າງລະບົບບໍາບັດສິ່ງເສດເຫຼືອ ຫຼື ມົນລະພິດ ທີ່ເກີດຈາກການລ້ຽງສັດ ແລະ ສັດນໍ້າ.
ໄລຍະຜ່ານມາ, ຜູ້ປະກອບການຟາມລ້ຽງສັດ ທີ່ນໍາໃຊ້ເຕັກໂນໂລຊີທີ່ທັນສະໄໝ ມີຄວາມຈໍາເປັນໃຊ້ໄຟຟ້າສູງຂຶ້ນ ແຕ່ໄດ້ແບກຫາບການຈ່າຍຄ່າກະແສໄຟຟ້າສູງ ຊຶ່ງໄດ້ກະທົບຕໍ່ລາຄາຕົ້ນທຶນການຜະລິດໃຫ້ສູງຂຶ້ນ ແລະ ນໍາໄປສູ່ການເຮັດໃຫ້ລາຄາເບື້ອງຜູ້ບໍລິໂພກ ກໍສູງໄປນໍາ; ອັດຕາການຈ່າຍຄ່າກະແສໄຟຟ້າຂອງຜູ້ປະກອບການຊະນິດດຽວກັນ ກໍຍັງບໍ່ທັນເປັນເອກະພາບ. ຂະນະດຽວກັນ, ການນໍາໃຊ້ອຸປະກອນເຕັກໂນໂລຊີ ເຂົ້າໃນຂະບວນການລ້ຽງສັດ ກໍນັບມື້ມີຄວາມຈໍາເປັນຍິ່ງຂຶ້ນ ເພື່ອເຮັດໃຫ້ສັດທີ່ລ້ຽງເປັນສິນຄ້າ ໄດ້ມີຄຸນນະພາບສູງຂຶ້ນ ໄດ້ຕາມມາດຕະຖານທີ່ກຳນົດ ເປັນຕົ້ນແມ່ນຕາມມາດຕະຖານຂອງ ຄູ່ຄ້າ, ປະເທດທີ່ຮັບຊື້ສັດ ແລະ ຜະລິດຕະພັນສັດ ກໍຄືໃຫ້ໄດ້ຕາມມາດຕະຖານສາກົນ ທີ່ຄູ່ຄ້າຍອມຮັບ. ພ້ອມດ້ວຍກັນ, ການລ້ຽງສັດ ແລະ ສັດນໍ້າ ກໍສິ່ງເສດເຫຼືອ ຫຼື ມົນລະພິດທີ່ເກີດຂຶ້ນ ຊຶ່ງຈໍາເປັນຕ້ອງໄດ້ຮັບການບໍາບັດ ເພື່ອຮັກສາສິ່ງແວດລ້ອມ, ກິ່ນເໝັນທີ່ອາດເກີດຂຶ້ນ ແລະ ສົ່ງຜົນກະທົບຕໍ່ພື້ນທີ່ອ້ອມຂ້າງ.
ສະນັ້ນ, ລັດຖະບານ ຈຶ່ງໄດ້ມີນະໂຍບາຍດ້ານພະລັງງານ, ເຕັກໂນໂລຊີ ແລະ ສິ່ງແວດລ້ອມ ທີ່ກ່ຽວຂ້ອງກັບການລ້ຽງສັດ ແລະ ສັດນໍ້າ ໂດຍໃຫ້ນະໂຍບາຍຫຼຸດຜ່ອນຄ່າກະແສໄຟຟ້າ ໃຫ້ເທົ່າກັບຄ່າກະແສໄຟຟ້າຊົນລະປະທານ ສໍາລັບໂຮງງານຜະລິດອາຫານສັດ, ໂຮງງານຢາສໍາລັບສັດ, ໂຮງຂ້າສັດ, ໂຮງງານປຸງແຕ່ງຜະລິດຕະພັນສັດ, ຟາມລ້ຽງສັດ ແລະ ສັດນໍ້າ ທີ່ໄດ້ຮັບມາດຕະຖານ ຟາມລ້ຽງສັດທີ່ດີ ໂດຍໄດ້ຮັບການຮັບຮອງຈາກກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້; ຍົກເວັ້ນພາສີ-ອາກອນ ນໍາເຂົ້າ ສໍາລັບພາຫານະ, ອຸປະກອນຜະລິດພະລັງງານທົດແທນ ແລະ ແກັສຊີວະພາບ ທີ່ນໍາໃຊ້ເຂົ້າໃນການລ້ຽງສັດ ແລະ ສັດນໍ້າ ໃນ ສປປ ລາວ; ຍົກເວັ້ນພາສີ-ອາກອນນໍາເຂົ້າ ສໍາລັບອຸປະກອນເຕັກໂນໂລຊີ ທີ່ທັນສະໄໝ ທີ່ນໍາໃຊ້ເຂົ້າໃນການ ລ້ຽງສັດ ແລະ ສັດນໍ້າ ໃນ ສປປ ລາວ; ຍົກເວັ້ນພາສີ-ອາກອນ ນໍາເຂົ້າ ວັດຖຸອຸປະກອນ ທີ່ນໍາໃຊ້ເຂົ້າໃນການສ້າງລະບົບບໍາບັດສິ່ງເສດເຫຼືອ ຫຼື ມົນລະພິດ ທີ່ເກີດຈາກການລ້ຽງສັດ ແລະ ສັດນໍ້າ ໃນ ສປປ ລາວ.
ສັງລວມແລ້ວ, ນະໂຍບາຍດ້ານພະລັງງານ, ເຕັກໂນໂລຊີ ແລະ ສິ່ງແວດລ້ອມ ມີຄວາມໝາຍສຳຄັນ ຊຶ່ງຈະຊ່ວຍສ້າງເງື່ອນໄຂ ໃຫ້ຜູ້ປະກອບການຟາມລ້ຽງສັດ, ຜູ້ຜະລິດ ແລະ ສະໜອງປັດໄຈການຜະລິດ ມີການນໍາໃຊ້ພະລັງງານຢ່າງພຽງພໍ ເພື່ອພັດທະນາກິດຈະການ ດ້ວຍລາຄາໄຟຟ້າ ທີ່ສົມເຫດສົມຜົນ, ສາມາດນໍາເຂົ້າອຸປະກອນເຕັກໂນໂລຊີ ທີ່ໃຊ້ໃນຂະບວນການລ້ຽງສັດ ແລະ ສັດນໍ້າ ແລະ ການບໍາບັດສິ່ງເສດເຫຼືອ ຈາກການລ້ຽງສັດ ແລະ ສັດນໍ້າ ຊຶ່ງທັງໝົດນີ້ກໍເພື່ອຫຼຸດຕົ້ນທຶນການຜະລິດ ແລະ ຫຼຸດຜ່ອນການແບກຫາບຂອງຜູ້ບໍລິໂພກ.
ນີ້ແມ່ນອີກໜຶ່ງນະໂຍບາຍ ຊຶ່ງເປັນນະໂຍບາຍຂໍ້ທີ 2 ຂອງ 8 ຂໍ້ໃນນະໂຍບາຍແຫ່ງຊາດ ວ່າດ້ວຍການສົ່ງເສີ່ມການລ້ຽງສັດ ແລະ ສັດນໍ້າ ໂດຍລັດຖະບານ ເຫັນໄດ້ເຖິງຄວາມສຳຄັນ ແລະ ຈໍາເປັນຕໍ່ການນໍາໃຊ້ພະລັງງານໄຟຟ້າ, ບັນດາເຄື່ອງອຸປະກອນເຕັກໂນໂລຊີ ເຂົ້າໃນຂະບວນການລ້ຽງສັດ ແລະ ສັດນໍ້າ ເພື່ອເພີ່ມພູນຜົນຜະລິດດ້ານສັດລ້ຽງ ແລະ ສັດນໍ້າ ເພື່ອເປັນສິນຄ້າ; ພ້ອມນີ້, ກໍຍັງຄໍານຶງເຖິງການອຳນວຍໃຫ້ແກ່ການສ້າງລະບົບບໍາບັດສິ່ງເສດເຫຼືອ ຫຼື ມົນລະພິດ ທີ່ເກີດຈາກການລ້ຽງສັດ ແລະ ສັດນໍ້າ.
ໄລຍະຜ່ານມາ, ຜູ້ປະກອບການຟາມລ້ຽງສັດ ທີ່ນໍາໃຊ້ເຕັກໂນໂລຊີທີ່ທັນສະໄໝ ມີຄວາມຈໍາເປັນໃຊ້ໄຟຟ້າສູງຂຶ້ນ ແຕ່ໄດ້ແບກຫາບການຈ່າຍຄ່າກະແສໄຟຟ້າສູງ ຊຶ່ງໄດ້ກະທົບຕໍ່ລາຄາຕົ້ນທຶນການຜະລິດໃຫ້ສູງຂຶ້ນ ແລະ ນໍາໄປສູ່ການເຮັດໃຫ້ລາຄາເບື້ອງຜູ້ບໍລິໂພກ ກໍສູງໄປນໍາ; ອັດຕາການຈ່າຍຄ່າກະແສໄຟຟ້າຂອງຜູ້ປະກອບການຊະນິດດຽວກັນ ກໍຍັງບໍ່ທັນເປັນເອກະພາບ. ຂະນະດຽວກັນ, ການນໍາໃຊ້ອຸປະກອນເຕັກໂນໂລຊີ ເຂົ້າໃນຂະບວນການລ້ຽງສັດ ກໍນັບມື້ມີຄວາມຈໍາເປັນຍິ່ງຂຶ້ນ ເພື່ອເຮັດໃຫ້ສັດທີ່ລ້ຽງເປັນສິນຄ້າ ໄດ້ມີຄຸນນະພາບສູງຂຶ້ນ ໄດ້ຕາມມາດຕະຖານທີ່ກຳນົດ ເປັນຕົ້ນແມ່ນຕາມມາດຕະຖານຂອງ ຄູ່ຄ້າ, ປະເທດທີ່ຮັບຊື້ສັດ ແລະ ຜະລິດຕະພັນສັດ ກໍຄືໃຫ້ໄດ້ຕາມມາດຕະຖານສາກົນ ທີ່ຄູ່ຄ້າຍອມຮັບ. ພ້ອມດ້ວຍກັນ, ການລ້ຽງສັດ ແລະ ສັດນໍ້າ ກໍສິ່ງເສດເຫຼືອ ຫຼື ມົນລະພິດທີ່ເກີດຂຶ້ນ ຊຶ່ງຈໍາເປັນຕ້ອງໄດ້ຮັບການບໍາບັດ ເພື່ອຮັກສາສິ່ງແວດລ້ອມ, ກິ່ນເໝັນທີ່ອາດເກີດຂຶ້ນ ແລະ ສົ່ງຜົນກະທົບຕໍ່ພື້ນທີ່ອ້ອມຂ້າງ.
ສະນັ້ນ, ລັດຖະບານ ຈຶ່ງໄດ້ມີນະໂຍບາຍດ້ານພະລັງງານ, ເຕັກໂນໂລຊີ ແລະ ສິ່ງແວດລ້ອມ ທີ່ກ່ຽວຂ້ອງກັບການລ້ຽງສັດ ແລະ ສັດນໍ້າ ໂດຍໃຫ້ນະໂຍບາຍຫຼຸດຜ່ອນຄ່າກະແສໄຟຟ້າ ໃຫ້ເທົ່າກັບຄ່າກະແສໄຟຟ້າຊົນລະປະທານ ສໍາລັບໂຮງງານຜະລິດອາຫານສັດ, ໂຮງງານຢາສໍາລັບສັດ, ໂຮງຂ້າສັດ, ໂຮງງານປຸງແຕ່ງຜະລິດຕະພັນສັດ, ຟາມລ້ຽງສັດ ແລະ ສັດນໍ້າ ທີ່ໄດ້ຮັບມາດຕະຖານ ຟາມລ້ຽງສັດທີ່ດີ ໂດຍໄດ້ຮັບການຮັບຮອງຈາກກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້; ຍົກເວັ້ນພາສີ-ອາກອນ ນໍາເຂົ້າ ສໍາລັບພາຫານະ, ອຸປະກອນຜະລິດພະລັງງານທົດແທນ ແລະ ແກັສຊີວະພາບ ທີ່ນໍາໃຊ້ເຂົ້າໃນການລ້ຽງສັດ ແລະ ສັດນໍ້າ ໃນ ສປປ ລາວ; ຍົກເວັ້ນພາສີ-ອາກອນນໍາເຂົ້າ ສໍາລັບອຸປະກອນເຕັກໂນໂລຊີ ທີ່ທັນສະໄໝ ທີ່ນໍາໃຊ້ເຂົ້າໃນການ ລ້ຽງສັດ ແລະ ສັດນໍ້າ ໃນ ສປປ ລາວ; ຍົກເວັ້ນພາສີ-ອາກອນ ນໍາເຂົ້າ ວັດຖຸອຸປະກອນ ທີ່ນໍາໃຊ້ເຂົ້າໃນການສ້າງລະບົບບໍາບັດສິ່ງເສດເຫຼືອ ຫຼື ມົນລະພິດ ທີ່ເກີດຈາກການລ້ຽງສັດ ແລະ ສັດນໍ້າ ໃນ ສປປ ລາວ.
ສັງລວມແລ້ວ, ນະໂຍບາຍດ້ານພະລັງງານ, ເຕັກໂນໂລຊີ ແລະ ສິ່ງແວດລ້ອມ ມີຄວາມໝາຍສຳຄັນ ຊຶ່ງຈະຊ່ວຍສ້າງເງື່ອນໄຂ ໃຫ້ຜູ້ປະກອບການຟາມລ້ຽງສັດ, ຜູ້ຜະລິດ ແລະ ສະໜອງປັດໄຈການຜະລິດ ມີການນໍາໃຊ້ພະລັງງານຢ່າງພຽງພໍ ເພື່ອພັດທະນາກິດຈະການ ດ້ວຍລາຄາໄຟຟ້າ ທີ່ສົມເຫດສົມຜົນ, ສາມາດນໍາເຂົ້າອຸປະກອນເຕັກໂນໂລຊີ ທີ່ໃຊ້ໃນຂະບວນການລ້ຽງສັດ ແລະ ສັດນໍ້າ ແລະ ການບໍາບັດສິ່ງເສດເຫຼືອ ຈາກການລ້ຽງສັດ ແລະ ສັດນໍ້າ ຊຶ່ງທັງໝົດນີ້ກໍເພື່ອຫຼຸດຕົ້ນທຶນການຜະລິດ ແລະ ຫຼຸດຜ່ອນການແບກຫາບຂອງຜູ້ບໍລິໂພກ.
ຄໍາເຫັນ