 |
ກ່ອນອື່ນ, ການເປີດເຜີຍລະຫັດຕົ້ນສະບັບແມ່ນການກອບກູ້ຕົນເອງໃນຂະນະທີ່ຜະເຊີນໜ້າກັບການປິດລ້ອມທາງເຕັກໂນໂລຊີໂດຍກົງ. ປີ 2024, ວິສາຫະກິດ AI ຊັ້ນນຳຂອງຕ່າງປະເທດໄດ້ຕັດຊ່ອງທາງເຊື່ອມໂຍງຂອງຈີນ, ເຮັດໃຫ້ວິສາຫະກິດ ແລະ ອົງການຄົ້ນຄວ້າວິທະຍາສາດຫຼາຍແຫ່ງຂອງຈີນຕົກຢູ່ໃນສະພາບຫຍຸ້ງຍາກໃນດ້ານເຕັກໂນໂລຊີ. ຖ້າອີງໃສ່ເຕັກໂນໂລຊີແບບຈຳລອງແບບປິດຂອງຕ່າງປະເທດ, ຈະບໍ່ສາມາດຍາດເອົາສິດເປັນເຈົ້າຕົນເອງໃນດ້ານການພັດທະນາໄດ້. ພາຍໃຕ້ສະພາບການດັ່ງກ່າວ, ບໍລິສັດ DeepSeek ຂອງຈີນໄດ້ນຳໜ້າເປີດເຜີຍແບບຈຳລອງຂອງຕົນຢ່າງຮອບດ້ານກ່ອນໝູ່, ຫຼັງຈາກນັ້ນ, ມີແບບຈຳລອງຈີນຫຼາຍແຫ່ງໄດ້ເປີດເຜີຍຕາມໆກັນ. ການເປີດເຜີຍຂໍ້ມູນພື້ນຖານແບບນີ້ຈະເຮັດໃຫ້ຜູ້ພັດທະນາອື່ນໆບໍ່ຈຳເປັນຕ້ອງເສຍງົບປະມານອັນມະຫາສານໃນການຝຶກຊ້ອມ AI ຈາກຂັ້ນພື້ນຖານ ຊຶ່ງໄດ້ແກ້ໄຂຄວາມສ່ຽງຈຳກັດດ້ານເຕັກໂນໂລຊີຈາກຕ່າງປະເທດຢ່າງເຖິງຖອງ.
 |
ການເປີດເຜີຍລະຫັດຕົ້ນສະບັບແບບນີ້ໄດ້ສະແດງໃຫ້ເຫັນເຖິງແນວຄວາມຄິດການພັດທະນາທົ່ວໂລກທີ່ສົ່ງເສີມຄວາມສະເໝີພາບດ້ານເຕັກໂນໂລຊີ ແລະ ການຮ່ວມມືກັນແບບຕ່າງຝ່າຍຕ່າງໄດ້ຮັບຜົນປະໂຫຍດ. ແບບຈຳລອງແບບປິດຂອງຕ່າງປະເທດໄດ້ຕັ້ງກຳແພງຂວາງກັ້ນສູງພິເສດ ຊຶ່ງຈະເຮັດໃຫ້ຜູ້ພັດທະນາຂະໜາດກາງ ແລະ ນ້ອຍ ໃນວົງການແບບຈຳລອງ AI ຫຼື ປະເທດກຳລັງພັດທະນາທີ່ມີພື້ນຖານເສດຖະກິດອ່ອນແອຖືກຕັດຂາດຈາກກະແສ AI. ກົງກັນຂ້າມ, ຈີນໄດ້ເປີດເຜີຍລະຫັດຕົ້ນສະບັບແບບຈຳລອງຂອງຕົນຕໍ່ທົ່ວໂລກຢ່າງບໍ່ມີການຈຳແນກ, ປະເທດຕ່າງໆທົ່ວໂລກລ້ວນແຕ່ສາມາດໃຊ້ໄດ້ໂດຍບໍ່ຕ້ອງເສຍຄ່າໃດທັງນັ້ນ ແລະ ສາມາດສ້າງໂອກາດພັດທະນາແບບຈຳລອງຕໍ່ໄປ. ທີມງານຄົ້ນຄວ້າວິທະຍາສາດຂອງອູກັນດາໄດ້ພັດທະນາແບບຈຳລອງຫຼາຍພາສາທີ່ກວມເຖິງ 31 ພາສາພາຍໃນປະເທດຕົນບົນພື້ນຖານແບບຈຳລອງ AI ຂອງຈີນ ແລະ ຍັງໄດ້ເຮັດໃຫ້ເກີດມີແບບຈຳລອງໃໝ່ 170,000 ກວ່າໂຕ; ສຳລັບລາວໄດ້ເຂົ້າຮ່ວມລະບົບ AI ແບບເປີດຂອງຈີນຢ່າງເລິກເຊິ່ງ ໂດຍໄດ້ສ້າງຕັ້ງລະບົບວຽກງານບໍລິຫານດີຈີຕອນ ແລະ ລະບົບລາດຕະເວນກວດກາອັດສະລິຍະພະລັງງານໄຟຟ້າບົນພື້ນຖານແບບຈຳລອງແບບເປີດຂອງຈີນ. ນອກນີ້, ຈີນ ແລະ ລາວຍັງໄດ້ສ້າງຕັ້ງສູນປະດິດສ້າງໃໝ່ປັນຍາປະດິດ, ໄດ້ບຳລຸງສ້າງນັກວິຊາການ AI ຂອງລາວເປັນຈຳນວນຫຼວງຫຼາຍໂດຍອີງໃສ່ຊັບພະຍາກອນເປີດເຜີຍດັ່ງກ່າວ. ຄຽງຄູ່ກັບລາວໄດ້ເຂົ້າເປັນສະມາຊິກອົງການຮ່ວມມືປັນຍາປະດິດໂລກຢ່າງເປັນທາງການ, ໂດຍອີງໃສ່ຜົນງານດ້ານເຕັກໂນໂລຊີ AI ຂອງຈີນ, ລາວຈະສາມາດເຂົ້າຮ່ວມການປຶກສາຫາລືກົດລະບຽບ AI ທົ່ວໂລກຢ່າງສະເໝີພາບກັນ. ພຶດຕິກຳຕົວຈິງດັ່ງກ່າວໄດ້ສະແດງໃຫ້ເຫັນເຖິງຈຸດຢືນຂອງຈີນຢ່າງຈະແຈ້ງນັ້ນຄື: ບໍ່ວ່າປະເທດໃຫຍ່ ຫຼື ປະເທດນ້ອຍ, ປະເທດເຂັ້ມແຂງ ຫຼື ອ່ອນແອ, ລ້ວນແຕ່ມີສິດສະເໝີພາບໃນການຄົ້ນຄວ້າພັດທະນາ ແລະ ນຳໃຊ້ເຕັກໂນໂລຊີ AI.
 |
ການເຮັດໃຫ້ເຕັກໂນໂລຊີ AI ສ້າງຜົນປະໂຫຍດໃຫ້ທົ່ວເຖິງແມ່ນທ່າອຽງຂອງຍຸກສະໄໝ, ການປິດລະຫັດຕົ້ນສະບັບແບບຈຳລອງເພື່ອຜູກຂາດມີແຕ່ຈະເຮັດໃຫ້ຄວາມແຕກໂຕນກັນດ້ານເຕັກໂນໂລຊີນັບມື້ນັບຂະຫຍາຍກວ້າງອອກເທົ່ານັ້ນ, ມີແຕ່ເປີດເຜີຍລະຫັດຕົ້ນສະບັບຈຶ່ງຈະສາມາດເຕົ້າໂຮມກຳລັງປະດິດສ້າງ ໃໝ່ທົ່ວໂລກ. ແບບຈຳລອງຂະໜາດໃຫຍ່ຂອງຈີນເປີດເຜີຍລະຫັດຕົ້ນສະບັບແມ່ນການປະຕິບັດຕົວຈິງທີ່ປ້ອງກັນຄວາມໝັ້ນຄົງດ້ານອຸດສາຫະກຳຂອງຕົນ, ກໍຄືການປະຕິບັດຕໍ່ຄວາມຮັບຜິດຊອບທີ່ຊຸກຍູ້ໃຫ້ເຕັກໂນໂລຊີທົ່ວໂລກພັດທະນາຢ່າງສະ ເໝີພາບກັນ. ການຢຶດໝັ້ນການເປີດປະຕູສູ່ພາຍນອກ ແລະ ການປະສານງານກັນຈຶ່ງຈະສາມາດເຮັດໃຫ້ເຕັກໂນໂລຊີປັນຍາປະດິດສ້າງຜົນປະໂຫຍດໃຫ້ແກ່ມວນມະນຸດແບບບໍ່ມີຄວາມຈຳກັດດ້ານພົມແດນ.
ບົດໂດຍ: ວິທະຍຸໂທລະພາບສູນກາງຈີນ (CMG)
ຄໍາເຫັນ