ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດກອງປະຊຸມຂະແໜງພື້ນຖານໂຄງລ່າງຄັ້ງທີ 15 ປະຈໍາປີ 2023 ຂຶ້ນເມື່ອບໍ່ດົນມານີ້ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ງາມປະສົງ ເມືອງມະນີ ລັດຖະມົນຕີ ກະຊວງ ຍທຂ, ທ່ານ ຈຸນຢາ ນາກາໂນ ຮອງອັກຄະລັດຊະທູດຢີ່ປຸ່ນ ປະຈໍາລາວ, ທ່ານ ອາເລັກແຊນເດີ ເຄຣມເມີ ຫົວໜ້າຫ້ອງການທະນາຄານໂລກ ປະຈໍາ ລາວ,ທ່ານ ນາງ ໂຊໂນມິ ທານາກາ ຫົວ
ໜ້າຫ້ອງການທະນາຄານພັດທະນາອາຊີ ປະຈໍາ ລາວ, ມີບັນດາຄູ່ຮ່ວມພັດທະນາທີ່ໃຫ້ການສະໜັບສະໜູນ ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.
ກອງປະຊຸມ ຈັດຂຶ້ນເພື່ອເປັນການສືບຕໍ່ ຈາກຜົນຂອງກອງປະຊຸມຂະແໜງໂຄງລ່າງພື້ນຖານຄັ້ງທີ 14 ທີ່ໄດ້ຈັດຂຶ້ນໃນປີ 2022 ຜ່ານມາ ທັງເປັນການຜັນຂະຫຍາຍທິດທາງຂອງລັດຖະບານທີ່ໄດ້ແບ່ງຄວາມຮັບຜິດຊອບໃຫ້ ຂະແໜງການໂຍທາທິການ ແລະ ຂົນສົ່ງ ໃນ 4 ແຜນວຽກຈຸດສຸມຕົ້ນຕໍຄື: ພັດທະນາພື້ນຖານໂຄງລ່າງ ແລະ ລະບົບໂລຈີສຕິກ ຕາມແລວທາງເສດຖະກິດ; ພັດທະນາລະບົບຂົນສົ່ງຫຼາຍຮູບແບບ; ສ້າງເງື່ອນໄຂອໍານວຍຄວາມສະດວກເພື່ອດຶງດູດການລົງທຶນ ແລະ ຊຸກຍູ້ການພັດທະນາ ແລະ ເລັ່ງພັດທະນາຜູ້ປະກອບການດ້ານການຂົນສົ່ງ, ຫຼຸດຜ່ອນຂອດຂັ້ນດ້ານການຂົນສົ່ງ ແລະ ຕົ້ນທຶນການຂົນສົ່ງ. ພ້ອມນັ້ນ, ຍັງເປັນວາລະໜຶ່ງທີ່ສໍາຄັນໃນກະກຽມເນື້ອໃນເພື່ອປະກອບເຂົ້າເປັນບົດລາຍງານຂອງຂະແໜງ ຍທຂ ໃນກອງປະຊຸມໂຕະມົນລະດັບຊາດ ປະຈໍາປີ 2023 ໃນເດືອນກຸມພາ 2024.
ກອງປະຊຸມໃນຄັ້ງນີ້ຜູ້ເຂົ້າຮ່ວມ ໄດ້ຮັບຟັງຜົນການສະຫຼຸບຕີລາຄາກາງສະໄໝ ແຜນພັດທະນາ 5 ປີ 2021-2025 ຂອງກະຊວງໂຍທາທິການ ແລະ ຂົນສົ່ງ; ຮັບຟັງສະພາບລວມຄວາມຄືບໜ້າການຈັດຕັ້ງປະຕິບັດແຜນວຽກຈຸດສຸມ ແລະ ປຶກສາຫາລືບັນຫາຂໍ້ຄົງຄ້າງ ແລະ ສິ່ງທ້າທາຍ ຂອງຂະແໜງການຍ່ອຍປະກອບມີ: ການພັດທະນາພື້ນຖານໂຄງລ່າງ; ການພັດທະນາການຂົນສົ່ງ ແລະ ການພັດທະນາຕົວເມືອງ, ນໍ້າປະປາ ແລະ ສຸຂະພິບານ.
ປຶກສາຫາລື ເປັນເອກະພາບທິດທາງ ແລະ ບຸລິມະສິດ ຂອງຂະແໜງການ ຍທຂ 2024-2025 ເພື່ອໃຫ້ບັນລຸຄາດໝາຍ ແລະ ເປັນເອກະພາບ ຕໍ່ກັບທິດທາງ ແລະ ກອບແນວຄວາມຄິດ ເພື່ອກະກຽມໃຫ້ການສ້າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 10 ແລະ ແຜນພັດທະນາ 5 ປີ ຂອງຂະແໜງການ ຍທຂ ແລະ ແລກປ່ຽນຄໍາຄິດເຫັນ ກ່ຽວກັບບັນຫາສິ່ງທ້າທາຍຕ່າງໆຂອງຂະແໜງການ ຍທຂ ເພື່ອພ້ອມກັນແກ້ໄຂວຽກງານດັ່ງກ່າວໃນຕໍ່ໜ້າ.
(ຂ່າວ-ພາບ: ຍທຂ)
ໜ້າຫ້ອງການທະນາຄານພັດທະນາອາຊີ ປະຈໍາ ລາວ, ມີບັນດາຄູ່ຮ່ວມພັດທະນາທີ່ໃຫ້ການສະໜັບສະໜູນ ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.
ກອງປະຊຸມ ຈັດຂຶ້ນເພື່ອເປັນການສືບຕໍ່ ຈາກຜົນຂອງກອງປະຊຸມຂະແໜງໂຄງລ່າງພື້ນຖານຄັ້ງທີ 14 ທີ່ໄດ້ຈັດຂຶ້ນໃນປີ 2022 ຜ່ານມາ ທັງເປັນການຜັນຂະຫຍາຍທິດທາງຂອງລັດຖະບານທີ່ໄດ້ແບ່ງຄວາມຮັບຜິດຊອບໃຫ້ ຂະແໜງການໂຍທາທິການ ແລະ ຂົນສົ່ງ ໃນ 4 ແຜນວຽກຈຸດສຸມຕົ້ນຕໍຄື: ພັດທະນາພື້ນຖານໂຄງລ່າງ ແລະ ລະບົບໂລຈີສຕິກ ຕາມແລວທາງເສດຖະກິດ; ພັດທະນາລະບົບຂົນສົ່ງຫຼາຍຮູບແບບ; ສ້າງເງື່ອນໄຂອໍານວຍຄວາມສະດວກເພື່ອດຶງດູດການລົງທຶນ ແລະ ຊຸກຍູ້ການພັດທະນາ ແລະ ເລັ່ງພັດທະນາຜູ້ປະກອບການດ້ານການຂົນສົ່ງ, ຫຼຸດຜ່ອນຂອດຂັ້ນດ້ານການຂົນສົ່ງ ແລະ ຕົ້ນທຶນການຂົນສົ່ງ. ພ້ອມນັ້ນ, ຍັງເປັນວາລະໜຶ່ງທີ່ສໍາຄັນໃນກະກຽມເນື້ອໃນເພື່ອປະກອບເຂົ້າເປັນບົດລາຍງານຂອງຂະແໜງ ຍທຂ ໃນກອງປະຊຸມໂຕະມົນລະດັບຊາດ ປະຈໍາປີ 2023 ໃນເດືອນກຸມພາ 2024.
ກອງປະຊຸມໃນຄັ້ງນີ້ຜູ້ເຂົ້າຮ່ວມ ໄດ້ຮັບຟັງຜົນການສະຫຼຸບຕີລາຄາກາງສະໄໝ ແຜນພັດທະນາ 5 ປີ 2021-2025 ຂອງກະຊວງໂຍທາທິການ ແລະ ຂົນສົ່ງ; ຮັບຟັງສະພາບລວມຄວາມຄືບໜ້າການຈັດຕັ້ງປະຕິບັດແຜນວຽກຈຸດສຸມ ແລະ ປຶກສາຫາລືບັນຫາຂໍ້ຄົງຄ້າງ ແລະ ສິ່ງທ້າທາຍ ຂອງຂະແໜງການຍ່ອຍປະກອບມີ: ການພັດທະນາພື້ນຖານໂຄງລ່າງ; ການພັດທະນາການຂົນສົ່ງ ແລະ ການພັດທະນາຕົວເມືອງ, ນໍ້າປະປາ ແລະ ສຸຂະພິບານ.
ປຶກສາຫາລື ເປັນເອກະພາບທິດທາງ ແລະ ບຸລິມະສິດ ຂອງຂະແໜງການ ຍທຂ 2024-2025 ເພື່ອໃຫ້ບັນລຸຄາດໝາຍ ແລະ ເປັນເອກະພາບ ຕໍ່ກັບທິດທາງ ແລະ ກອບແນວຄວາມຄິດ ເພື່ອກະກຽມໃຫ້ການສ້າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 10 ແລະ ແຜນພັດທະນາ 5 ປີ ຂອງຂະແໜງການ ຍທຂ ແລະ ແລກປ່ຽນຄໍາຄິດເຫັນ ກ່ຽວກັບບັນຫາສິ່ງທ້າທາຍຕ່າງໆຂອງຂະແໜງການ ຍທຂ ເພື່ອພ້ອມກັນແກ້ໄຂວຽກງານດັ່ງກ່າວໃນຕໍ່ໜ້າ.
(ຂ່າວ-ພາບ: ຍທຂ)
ຄໍາເຫັນ