 |
ໃນພິທີ, ທ່ານ ນາງ ພະວົງສຸກ ສຸນາບັນດິດ ຮອງຫົວໜ້າກົມຈັດຕັ້ງ ແລະ ພະນັກງານໄດ້ກ່າວເພື່ອເປັນການລະນຶກເຖິງຄຸນງາມຄວາມດີ ກໍຄືຜົນສຳເລັດໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ ແລະ ເພື່ອໃຫ້ທັນກັບການສະເຫຼີມສະຫຼອງວັນສະຖາປະນາ ສປປ ລາວ ຄົບ ຮອບ 50 ປີທີ່ຈະຈັດຂຶ້ນໃນວັນທີ 2 ທັນວາ 2025 ນີ້. ການມອບຫຼຽນກາລະນຶກໃນຄັ້ງນີ້ມີທັງໝົດ 1,238 ຄົນ ຍິງ 317 ຄົນ, ໃນນີ້ມີພະນັກງານບໍານານຈໍານວນ 357 ຄົນ ຍິງ 79 ຄົນ ແລະ ພະນັກງານປະຈຳການ ຈຳນວນ 881 ຄົນ ຍິງ 238 ຄົນ ໂດຍແມ່ນທ່ານລັດຖະມົນຕີ, ຮອງລັດຖະມົນຕີຜັດປ່ຽນກັນຂຶ້ນປະດັບຫຼຽນກາລະນຶກດັ່ງກ່າວ, ການມອບຫຼຽນໃນຄັ້ງນີ້ເພື່ອສະແດງຄວາມຮູ້ບຸນຄຸນ, ຄຸນງາມຄວາມດີໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດໄລຍະຜ່ານມາ.
 |
ຂ່າວ-ພາບ: ບຸນຕອມ
ຄໍາເຫັນ