“ໂອກາດຈາກຈີນ” ຈາກຜົນງານດ້ານເສດຖະກິດເຄິ່ງປີຂອງຈີນ

12:36 17/07/2026

ວິທະຍຸໂທລະພາບສູນກາງຈີນ (CMG) ລາຍງານວ່າ: ຕາມການໄລ່ລຽງເບື້ອງຕົ້ນ, ລວມຍອດຜະລິດຕະພັນພາຍໃນ ຫຼື GDP ຂອງຈີນໃນ 6 ເດືອນຕົ້ນປີນີ້ໄດ້ບັນລຸເຖິງ 69,570 ຕື້ຢວນ, ເພີ່ມຂຶ້ນ 4.7% ເມື່ອທຽບໃສ່ໄລຍະດຽວກັນຂອງປີກາຍຕາມລາຄາທີ່ບໍ່ປ່ຽນແປງ ຊຶ່ງຢູ່ແຖວໜ້າໃນບັນດາກຸ່ມເສດຖະກິດຕົ້ນຕໍຂອງໂລກ. ພາຍຫຼັງຈີນໄດ້ເປີດເຜີຍຜົນງານດ້ານເສດຖະກິດເຄິ່ງປີໃນວັນທີ 15 ກໍລະກົດ ຜ່ານມາ, ສື່ມວນຊົນຕ່າງປະເທດຫຼາຍສຳນັກໄດ້ຕິດຕາມ ແລະ ລາຍງານຂ່າວຢ່າງກວ້າງຂວາງ. ຜົນງານດ້ານເສດຖະກິດເຄິ່ງປີສະບັບດັ່ງກ່າວບໍ່ພຽງແຕ່ໄດ້ສ້າງພື້ນຖານທີ່ດີ ໃນການບັນລຸເປົ້າໝາຍໝົດປີ 2026 ທີ່ເປັນປີເລີ່ມປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 ຂອງຈີນເທົ່ານັ້ນ, ຫາກຍັງໄດ້ເພີ່ມຄວາມໝັ້ນໃຈ ແລະ ພະລັງຂັບເຄື່ອນໃຫ້ແກ່ການເຕີບໂຕຂອງເສດຖະກິດທົ່ວໂລກອີກດ້ວຍ.

“ໂອກາດຈາກຈນ” ຈາກຜນງານດານເສດຖະກດເຄງປຂອງຈນ - image 1

“ຄວາມໝັ້ນທ່ຽງ” ເປັນພື້ນຖານສຳລັບການພັດທະນາເສດຖະກິດຂອງຈີນ. ປັດຈຸບັນ, ຂະໜາດເສດຖະກິດຈີນໄດ້ບັນລຸຫຼາຍກວ່າ 140,000 ຕື້ຢວນ, ຂະຫຍາຍຕົວ 4.7% ບົນພື້ນຖານຂະໜາດໃຫຍ່ປານນີ້ ນັບເປັນສິ່ງທີ່ໜ້າຍົກຍ້ອງເນື່ອງຈາກເຮັດໄດ້ຍາກຫຼາຍ. ມູນຄ່າເພີ່ມຂອງອຸດສາຫະກຳຂະໜາດໃຫຍ່ຂອງຈີນໄດ້ບັນລຸການຂະຫຍາຍຕົວເພີ່ມຂຶ້ນເຖິງ 5.4% ເມື່ອທຽບໃສ່ໄລຍະດຽວກັນຂອງປີກາຍ, ຍອດມູນຄ່າການຈຳໜ່າຍສິນຄ້າ ແລະ ການບໍລິການໃນສັງຄົມຈີນເພີ່ມຂຶ້ນ 2.7% ເມື່ອທຽບໃສ່ໄລຍະດຽວກັນຂອງປີກາຍ, ການປະກອບອາຊີບໄດ້ຮັກສາຄວາມໝັ້ນທ່ຽງ ແລະ ລາຄາສິນຄ້າໄດ້ເພີ່ມຂຶ້ນບໍ່ຫຼາຍ. ທັງໝົດນີ້ລ້ວນແຕ່ໄດ້ສະແດງໃຫ້ເຫັນເຖິງຄວາມໝັ້ນທ່ຽງຂອງເສດຖະກິດຈີນ.

ຄວາມໝັ້ນທ່ຽງຂອງເສດຖະກິດຍັງໄດ້ສະແດງໃຫ້ເຫັນເຖິງຄວາມໜຽວ ແໜ້ນດ້ານການພັດທະນາອີກ. ຍົກການຄ້າຂາເຂົ້າ-ຂາອອກເປັນຕົວຢ່າງ: 6 ເດືອນຕົ້ນປີນີ້, ການປະທະກັນໃນພາກພື້ນຕ່າງໆຂອງໂລກໄດ້ເກີດຂຶ້ນເລື້ອຍໆ ແລະ ຈັງຫວະການເຕີບໂຕດ້ານການຄ້າທົ່ວໂລກໄດ້ຊ້າລົງ, ແຕ່ສິນຄ້າຂາເຂົ້າ-ຂາອອກປະເພດຈັບຕ້ອງໄດ້ຂອງຈີນພັດຍັງຄົງສວນກະແສດ້ວຍການເຕີບໂຕເພີ່ມຂຶ້ນ 16.9%, ຂະໜາດການຄ້ານຳເຂົ້າຂອງຈີນໄດ້ບັນລຸຫຼາຍກວ່າ 10,000 ຕື້ຢວນໃນ 6 ເດືອນຕົ້ນປີເປັນຄັ້ງທຳອິດໃນປະຫວັດສາດຂອງຈີນ. ປັດຈຸບັນ, ຈີນໄດ້ຍົກເວັ້ນພາສີນຳເຂົ້າສິນຄ້າໃຫ້ 63 ປະເທດທີ່ສົ່ງເຂົ້າຈີນ, ຂະໜາດການຄ້ານຳເຂົ້າຂອງຈີນໄດ້ເປັນອັນດັບ 2 ຂອງໂລກເປັນ 17 ປີຕິດຕໍ່ກັນ. ຕະຫຼາດໃຫຍ່ຂອງຈີນໄດ້ເພີ່ມຄວາມແນ່ນອນໃຫ້ແກ່ຕ່ອງໂສ້ອຸດສາຫະກຳທົ່ວໂລກ ດ້ວຍການເປີດປະຕູສູ່ພາຍນອກທີ່ແທ້ຈິງ.

ສິ່ງທີ່ສົມຄວນໄດ້ຮັບຄວາມສົນໃຈຫຼາຍກວ່າຄື: ຄຸນນະພາບຂອງ “ຄວາມໃໝ່ອ່ຽມ”. ທຸກມື້, ຈະຜະລິດແຜງວົງຈອນລວມ 1.5 ຕື້ແຜ່ນ, ມີໂຮງງານຕົ້ນແບບແຫ່ງການຜະລິດອັດສະລິຍະຫຼາຍທີ່ສຸດໃນໂລກ ແລະ ເສດຖະກິດດີຈີຕອນໄດ້ປະກອບສ່ວນຫຼາຍກວ່າ 40% ຕໍ່ການຂະຫຍາຍຕົວຂອງເສດຖະກິດ. ພະລັງຂັບເຄື່ອນໃໝ່ໄດ້ຫັນຈາກ “ຄວາມສາມາດບົ່ມຊ້ອນ” ກາຍເປັນ “ກຳລັງຕົ້ນຕໍ” ທີ່ຊຸກຍູ້ການພັດທະນາເສດຖະກິດຈີນ. ສື່ມວນຊົນສາກົນລາຍງານວ່າ: “ເສດຖະກິດຈີນໄດ້ພັດທະນາຕາມທິດໃໝ່ ແລະ ມີຄຸນນະພາບດີກວ່າເກົ່າ ໄດ້ເພີ່ມພະລັງຂັບເຄື່ອນໃໝ່ໃຫ້ແກ່ເສດຖະກິດໂລກ ທີ່ເພີ່ມຂຶ້ນຊັກຊ້າ”.

ຄຽງຄູ່ກັບຈີນຈັດຕັ້ງປະຕິບັດແຜນພັດທະນາ 5 ປີຄັ້ງທີ 15, ກຳລັງຂັບເຄື່ອນທີ່ເກີດຂຶ້ນຢູ່ພາຍໃນເສດຖະກິດຈະເສີມຂະຫຍາຍບົດບາດຢ່າງແຂງແຮງຕື່ມອີກ. ນີ້ຈະສາມາດເຂົ້າໃຈໄດ້ວ່າ: ຍ້ອນຫຍັງວົງການພາຍນອກໄດ້ສະແດງຄວາມເຫັນຢ່າງຫຼວງຫຼາຍກ່ຽວກັບ “ໂອກາດຈາກຈີນ 2.0” ແລະ ຍ້ອນຫຍັງ CEO ທົ່ວໂລກນັບມື້ນັບຫຼາຍໄດ້ຈັດເອົາແຜ່ນດິນໃຫຍ່ຈີນເປັນ 1 ໃນ 3 ຈຸດໝາຍປາຍທາງດ້ານການລົງທຶນທີ່ດີຂອງໂລກ. ຍ້ອນວ່າ, ພຶດຕິກຳຕົວຈິງພິສູດເລື້ອຍໆວ່າ: ຈີນແມ່ນພື້ນຖານທີ່ໝັ້ນແກ່ນ ແລະ ແຫຼ່ງພະລັງຂັບເຄື່ອນທີ່ດີຂອງການເຕີບໂຕຂອງເສດຖະກິດໂລກ.

ຄໍາເຫັນ

ຂ່າວຕ່າງປະເທດ

ຫວຽດນາມ ພົບເຫັນ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ 256 ອັດຖິ

14/08/2026 10:28

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ກອງບັນຊາການນະຄອນໂຮ່ຈິມິນ ໃຫ້ຮູ້ວ່າ, ນັບແຕ່ວັນທີ 23 ມິຖຸນາ ມາຮອດປັດຈຸບັນ, ບັນດາກຳລັງປະຕິບັດໜ້າທີ່ຄົ້ນຫາ, ທ້ອນໂຮມ ອັດຖິນັກຮົບເສຍສະຫຼະຊີວິດເພື່ອຊາດ, ຢັ້ງຢືນຊື່ ແລະ ນາມສະກຸນນັກຮົບເສຍສະຫຼະຊີວິດເພື່ອຊາດ ຢູ່ສວນສາທາລະນະ ເລທິຣຽງ ຕາແສງຮວ່າຮຶງ ນະຄອນໂຮ່ຈິມິນ ໄດ້ພົບເຫັນ ແລະ ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ 256 ອັດຖິ.

ການສົ່ງອອກລົດຂອງຈີນ ສືບຕໍ່ຮັກສາທ່າອຽງເພີ່ມຂຶ້ນ

14/08/2026 10:27

ວິທະຍຸ,ໂທລະພາບສູນກາງຈີນ (CMG) ລາຍງານໃນວັນທີ 13 ສິງຫານີ້ວ່າ: ແຫຼ່ງຂ່າວຈາກສະມາຄົມອຸດສາຫະກຳລົດຈີນໃຫ້ຮູ້ໃນວັນທີ 12 ສິງຫາ ຜ່ານມາວ່າ, ການສົ່ງອອກລົດຂອງຈີນຍັງສືບຕໍ່ຮັກສາທ່າອຽງເພີ່ມຂຶ້ນຢ່າງແຂງແຮງ, ສະເພາະເດືອນກໍລະກົດຜ່ານມາ ໄດ້ສົ່ງອອກລົດຫຼາຍກວ່າ 1.04 ລ້ານຄັນ, ເພີ່ມຂຶ້ນ 81.3% ເມື່ອທຽບໃສ່ເດືອນກໍລະກົດປີກາຍ. ໃນນັ້ນ, ລົດໃຊ້ພະລັງງານໃໝ່ມີເຖິງ 553,000 ກວ່າຄັນ, ເພີ່ມຂຶ້ນ 145.5%.

ຄື້ນຄວາມຮ້ອນໃນທະເລ ກຳລັັງເປັນໄພຂົ່ມຂູ່ຕໍ່ສຸຂະພາບຂອງມະນຸດ

14/08/2026 10:20

ສຳນັກຂ່າວສານຊິນຮວາລາຍງານໃນວັນທີ 11 ສິງຫາ ຜ່ານມາວ່າ: ການຄົ້ນຄວ້າໃໝ່ທີ່ດຳເນີນຮ່ວມກັນໂດຍມະຫາວິທະຍາໄລ Adelaide ຂອງອົສຕຣາລີ ແລະ ມະຫາວິທະຍາໄລຮ່ອງກົງ (ຈີນ) ເປີດເຜີຍວ່າ, ຄື້ນຄວາມຮ້ອນໃນມະຫາສະໝຸດກຳລັງກາຍເປັນໄພຂົ່ມຂູ່ທີ່ເພີ່ມຂຶ້ນຕໍ່ສຸຂະພາບຂອງມະນຸດ, ບໍ່ພຽງແຕ່ສົ່ງຜົນກະທົບຕໍ່ປະກາລັງທີ່ກຳລັງຈະສູນພັນ ຫຼື ປະລິມານສັດນໍ້າທີ່ຫຼຸດລົງເທົ່ານັ້ນ. ໂດຍທີມນັກຄົ້ນຄວ້າກຳລັງຮຽກຮ້ອງໃຫ້ຄື້ນຄວາມຮ້ອນໃນມະຫາສະໝຸດເປັນບັນຫາສາທາລະນະສຸກທີ່ສຳຄັນ, ໂດຍເຕືອນບໍ່ໃຫ້ມອງຂ້າມຜົນກະທົບຂອງມັນຕໍ່ມະນຸດເຖິງວ່າຈະມີຫຼັກຖານທີ່ເພີ່ມຂຶ້ນຂອງຜົນກະທົບຢ່າງກວ້າງຂວາງ.

ໂລກປະສົບກັບເດືອນກໍລະກົດທີ່ຮ້ອນທີ່ສຸດເປັນອັນດັບສອງເທົ່າທີ່ເຄີຍມີມາ

14/08/2026 10:17

ສຳນັກຂ່າວສານຊິນຮວາລາຍງານໃນວັນທີ 12 ສິງຫາ ຜ່ານມາວ່າ: ອົງການອຸຕຸນິຍົມວິທະຍາໂລກ (WMO) ອ້າງອີງຂໍ້ມູນຈາກອົງການຕິດຕາມກວດກາການປ່ຽນແປງສະພາບອາກາດ Copernicus (C3S) ລາຍງານວ່າ, ໂລກໄດ້ປະສົບກັບເດືອນກໍລະກົດທີ່ຮ້ອນທີ່ສຸດເປັນອັນດັບສອງເທົ່າທີ່ເຄີຍມີມາ. ອຸນຫະພູມພື້ນຜິວໂລກໂດຍສະເລ່ຍໃນເດືອນກໍລະກົດສູງກວ່າ 1.47 ອົງສາ ເມື່ອທຽບກັບຄ່າສະເລ່ຍກ່ອນຍຸກອຸດສາຫະກຳໃນປີ 1850-1900, ຍ້ອນວ່າພື້ນທີ່ສ່ວນໃຫຍ່ຂອງຊີກໂລກເໜືອໄດ້ປະສົບກັບຄື້ນຄວາມຮ້ອນທີ່ຮຸນແຮງ, ໄພແຫ້ງແລ້ງທີ່ຍາວນານ ແລະ ໄຟໄໝ້ປ່າ, ໃນຂະນະທີ່ພາກພື້ນອື່ນໆມີຝົນຕົກໜັກ ແລະ ນໍ້າຖ້ວມ.

ດັດຊະນີລາຄາຜູ້ບໍລິໂພກຂອງຍີ່ປຸ່ນ ໃນເດືອນກໍລະກົດ ຫຼຸດລົງເຫຼືອ 7.2%

14/08/2026 10:11

ຂ່າວຕ່າງປະເທດລາຍງານວ່າ: ເຈົ້າໜ້າທີ່ຍີ່ປຸ່ນໄດ້ເປີດເຜີຍຂໍ້ມູນໃນວັນທີ 13 ສິງຫາ ນີ້ວ່າ, ດັດຊະນີລາຄາຜູ້ຜະລິດ (PPI) ຂອງຍີ່ປຸ່ນ ຊຶ່ງເປັນມາດຕະການວັດແທກຕົ້ນທຶນສິນຄ້າຢູ່ໜ້າໂຮງງານ, ໄດ້ເພີ່ມຂຶ້ນ 7.2% ໃນເດືອນກໍລະກົດ ເມື່ອທຽບກັບປີກ່ອນ ຊຶ່ງຫຼຸດລົງເລັກນ້ອຍຈາກລະດັບ 7.3% ໃນເດືອນມິຖຸນາ ແລະ ຕໍ່າກວ່າຄວາມຄາດຫວັງຂອງນັກວິເຄາະ ທີ່ 7.4%.

ຫວຽດນາມ ເສົາຄ້ຳຍຸດທະສາດໃນ 5 ພື້ນຖານເສດຖະກິດດີເດັ່ນອາຊຽນ

14/08/2026 09:57

ວິທະຍຸກະຈາຍສຽງຫວຽດນາມລາຍງານໃນວັນທີ 13 ສິງຫາ ຜ່ານມາວ່າ: ດ້ວຍຂອບຂະໜາດ, ພື້ນຖານອຸດສາຫະກຳ, ໂຄງປະກອບປະຊາກອນ ແລະ ຕະຫຼາດບໍລິໂພກ ນັບມື້ນັບເປີດກວ້າງ, 5 ພື້ນຖານເສດຖະກິດ ລວມມີ: ມາເລເຊຍ, ອິນໂດເນເຊຍ, ໄທ, ຫວຽດນາມ ແລະ ຟີລິບປິນ ພວມກຳນົດຖານະບົດບາດຢູ່ອາຊີຕາເວັນອອກສ່ຽງໃຕ້ໃນແຜນທີ່ທຶນທົ່ວໂລກກໍຄືວົງຈອນເຕີບໂຕຕໍ່ໄປຂອງອາຊຽນ. ໃນນັ້ນ, ຫວຽດນາມ ພົ້ນເດັ່ນຂຶ້ນຄືໜຶ່ງໃນບັນດາກຳລັງໜູນຢ່າງແຮງທີ່ສຸດໃນການເຕີບໂຕເສດຖະກິດ. ໂດຍໄດ້ຮັບການຕີລາຄາຂອງນັກເສດຖະກິດທົ່ວໂລກ.

ສິງກະໂປ ຍົກການຄາດຄະເນການເຕີບໂຕທາງເສດຖະກິດ ຂຶ້ນເປັນ 4.5-5.5%

14/08/2026 09:55

ສຳນັກຂ່າວສານຊິນຮວາລາຍງານໃນວັນທີ 11 ສິງຫາຜ່ານມາວ່າ: ກະຊວງການຄ້າ ແລະ ອຸດສາຫະກຳສິງກະໂປໄດ້ປັບປຸງການຄາດຄະເນການເຕີບໂຕທາງເສດຖະກິດປີ 2026 ຂຶ້ນຈາກ 2-4% ເປັນ 4.5-5.5%, ໂດຍອີງໃສ່ຜົນການດຳເນີນງານທີ່ດີກ່ວາທີ່ຄາດໄວ້ໃນເດືອນມັງກອນ-ມິຖຸນາ 2026, ທ່າອ່ຽງສະຖານະການທີ່ີດີຂຶ້ນໃນໄລຍະທີ່ເຫຼືອຂອງປີນີ້ ຍັງສະທ້ອນໃຫ້ເຫັນເຖິງປະລິມານທຶນທີ່ໃຊ້ຈ່າຍກ່ຽວຂ້ອງກັບປັນຍາປະດິດ (AI) ທົ່ວໂລກເພີ່ມຂຶ້ນຢ່າງໄວວາ.

ຄົ້ນພົບຄວາມງາມຢ່າງໜ້າອັດສະຈັນຂອງເມືອງ Yichun ທາງພາກກາງຂອງຈີນ ໂດຍຜ່ານການທ່ອງທ່ຽວ

13/08/2026 12:04

ໃນແຂວງຈຽງຊີ, ເມື່ອບໍ່ດົນມານີ້ ໄດ້ມີກຸ່ມນັກສຶກສາຕ່າງປະເທດຈາກ 11 ປະເທດໄປທ່ຽວຊົມເມືອງYichunເພື່ອສຳຜັດກັບມໍລະດົກທາງທຳມະຊາດ ແລະ ວັດທະນະທຳທີ່ຫຼາກຫຼາຍ ເຮັດໃຫ້ເຂົາເຈົ້າເຂົ້າໃຈທ້ອງຖິ່ນໄດ້ດີຂຶ້ນ.

ອັງກິດ ປະເຊີນກັບໄພແຫ້ງແລ້ງຮຸນແຮງ

13/08/2026 10:04

ຂ່າວຕ່າງປະເທດລາຍງານໃນວັນທີ 11 ສິງຫາ ຜ່ານມາວ່າ: ກຸ່ມໄພແຫ້ງແລ້ງແຫ່ງຊາດຂອງອັງກິດ (NDG) ໄດ້ອອກຄຳເຕືອນໃນວັນທີ 10 ສິງຫາ ຜ່ານມາວ່າ: ພື້ນທີ່ເກືອບສາມສ່ວນສີ່ຂອງອັງກິດກຳລັງປະເຊີນກັບສະພາບໄພແຫ້ງແລ້ງ ຫຼັງຈາກສະຖານະການຮ້າຍແຮງຂຶ້ນຍ້ອນສະພາບອາກາດແຫ້ງແລ້ງໃນຕົ້ນເດືອນສິງຫາ.

ຍອດເກີນດຸນການຄ້າສາກົນຂອງຣັດ ເພີ່ມຂຶ້ນ 14% ໃນເຄິ່ງທຳອິດຂອງປີນີ້

12/08/2026 10:27

ສຳນັກຂ່າວສານຊິນຮວາລາຍງານໃນວັນທີ 11 ສິງຫາຜ່ານມາວ່າ: ສຳນັກງານພາສີຂອງຣັດເຊຍໄດ້ລາຍງານວ່າ, ຍອດເກີນດຸນການຄ້າສາກົນຂອງຣັດເຊຍໃນໄລຍະເດືອນມັງກອນ-ມິຖຸນາ 2026 ແມ່ນ 73.4 ຕື້ໂດລາ, ເພີ່ມຂຶ້ນປະມານ 14% ເມື່ອທຽບກັບປີກ່ອນ.

ເພີ່ມເຕີມ