 |
ໂອກາດນີ້, ທ່ານ ລັດຕະນະພອນໄຊ ວົງຄໍາຊາວ ຮອງຫົວໜ້າອົງການໄອຍະການປະຊາຊົນແຂວງໄຊສົມບູນ ໄດ້ຂຶ້ນຜ່ານບົດສະຫຼຸບທັງສອງພາກ ຊຶ່ງໃນໄລຍະ 6 ເດືອນຜ່ານມາ ອົງການໄອຍະການປະຊາຊົນແຂວງ ໄດ້ຕັ້ງໜ້າເຮັດວຽກການເມືອງ-ແນວຄິດ ໃຫ້ແກ່ສະມາຊິກພັກ, ພະນັກງານລັດຖະກອນ ເປັນຕົ້ນແມ່ນການຈັດຕັ້ງເຊື່ອມຊຶມບັນດາມະຕິ, ຄໍາສັ່ງຕ່າງໆຂອງຄະນະນະບໍລິຫານງານສູນກາງພັກ, ມະຕິກອງປະຊຸມໃຫຍ່ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ຂອງແຂວງ ເປັນປົກກະຕິ, ພ້ອມນີ້ ອົງການໄອຍະການປະຊາຊົນແຂວງ ແລະ ເຂດໄດ້ຮັບຄໍາຮ້ອງ ແລະ ໃບສະເໜີຕ່າງໆ ທັງໝົດ 5 ສະບັບ, ແກ້ໄຂໄດ້ 5 ສະບັບ ເທົ່າກັບ 100%, ໄດ້ຮັບບົດລາຍງານຕ່າງໆ ທັງໝົດ 35 ເລື່ອງ, ແກ້ໄຂໄດ້ 35 ເລື່ອງ ເທົ່າກັບ 100%, ພ້ອມນີ້ ການແກ້ໄຂຄະດີອາຍາ ແລະ ຄະດີແພ່ງ ຂັ້ນຕົ້ນ ລວມທັງໝົດ 85 ເລື່ອງ, ຊຶ່ງມີຄະດີຄ້າງມາແຕ່ປີ 2024 ຈໍານວນ 3 ເລື່ອງ, ໄດ້ຮັບສໍານວນຄະດີອາຍາຂັ້ນຕົ້ນເຂົ້າໃໝ່ປີ 2025 ຈໍານວນ 82 ເລື່ອງ ແລະ ແກ້ໄຂແລ້ວ 84 ເລື່ອງ ເທົ່າກັບ 98,82%, ຄະດີກໍາລັງຄົ້ນຄວ້າ 1 ເລື່ອງ ເທົ່າກັບ 1.18%. ສໍາລັບການແກ້ໄຂຄະດີອາຍາ ແລະ ຄະດີແພ່ງ ຂັ້ນອຸທອນ ແມ່ນສາມາດແກ້ໄຂສໍາເລັດ 100%. ນອກນີ້, ກໍໄດ້ຕິດຕາມກວດກາການຈັດຕັ້ງປະຕິບັດຄໍາຕັດສິນ, ຄໍາພິພາກສາຂອງສານທີ່ໃຊ້ໄດ້ເດັດຂາດ ເຊິ່ງຄະດີອາຍາທັງໝົດ 314 ເລື່ອງ, ຄະດີຄ້າງຈໍານວນ 243 ເລື່ອງ, ຄະດີເຂົ້າໃໝ່ ຈໍານວນ 71 ເລື່ອງ, ຄະດີປະຕິບັດສໍາເລັດ 5 ເລື່ອງ, ພວມຈະປະຕິບັດ 309 ເລື່ອງ. ໃນນີ້, ມີຄະດີທີ່ບໍສາມາດປະຕິບັດໄດ້ 2 ເລື່ອງ, ຄະດີໂຈະການຈັດຕັ້ງປະຕິບັດ 35 ເລື່ອງ. ນອກນີ້, ໄດ້ປະຕິບັດຄ່າເສຍຫາຍທາງແພ່ງ ພາຍໃນ 6 ເດືອນຜ່ານມາໄດ້ 43 ລ້ານກີບ, ຄ້າງມາ 33,500,000 ກີບ, ລວມທັງໝົດ 76,500,000 ກີບ, ມອບໃຫ້ຄູ່ຄວາມແລ້ວ 43,000,000 ກີບ, ຄ້າງມາ 33,500,000ກີບ, ປະຕິບັດຄ່າປັບໃໝທັງໝົດພາຍໃນ 6 ເດືອນ ຈໍານວນ 43,450,000 ກີບ. ນອກນີ້, ຄະດີແພ່ງລວມທັງໝົດມີ 56 ເລື່ອງ, ຄະດີຄ້າງມາຈໍານວນ 36 ເລື່ອງ, ຄະດີເຂົ້າໃໝ່ຈໍານວນ 20 ເລື່ອງ, ຄະດີປະຕິບັດສໍາເລັດ 1 ເລື່ອງ, ຄະດີພວມຈັດຕັ້ງປະຕິບັດ 55 ເລື່ອງ. ນອກນີ້, ປະຕິບັດໄດ້ຄ່າອາກອນລັດ 2%, ຄ່າທໍານຽມສານ, ຄ່າຂໍອຸທອນ ແລະ ຂໍລົບລ້າງພາຍໃນ 6 ເດືອນໄດ້ຈໍານວນ 10,695,000ກີບ. ນອກນັ້ນ, ຍັງໄດ້ເກັບກໍາສະຖິຕິຜູ້ຖືກຫາ ທັງໝົດ 172 ຄົນ ຍິງ 23 ຄົນ, ຜູ້ຖືກຫາຄົນຕ່າງປະເທດ 1 ຄົນ, ນັກໂທດທັງໝົດ 186 ຄົນ ຍິງ 24 ຄົນ, ນັກໂທດຄົນຕ່າງປະເທດ 1 ຄົນ, ຜູ້ຝາກດັດສ້າງ ທັງໝົດ 55 ຄົນ ຍິງ 1 ຄົນ. ໃນນີ້, ຜູ້ຝາກດັດສ້າງປ່ອຍຕົວ 13 ຄົນ ຍິງ 1 ຄົນ ພ້ອມນີ້ວຽກງານດ້ານອື່ນໆ ກໍສາມາດຈັດຕັ້ງປະຕິບັດສໍາເລັດຕາມຄາດໝາຍ. ຈາກນັ້ນ ບັນດາຜູ້ເຂົ້າຮ່ວມກອງປະຊຸມ ກໍໄດ້ພ້ອມກັນຂຶ້ນ ປະກອບຄໍາຄິດ-ຄໍາເຫັນ ຢ່າງກົງໄປກົງມາ ດ້ວຍຄວາມຮັບຜິດຊອບສູງ ທັງນີ້ ກໍເພື່ອພ້ອມກັນແກ້ໄຂໜ້າວຽກທີ່ເຫັນວ່າຍັງມີຈຸດອ່ອນ ແລະ ຂໍ້ຄົງຄ້າງ ເພື່ອຈະໄດ້ພ້ອມກັນປັບປຸງແກ້ໄຂໃນຕໍ່ໜ້າໃຫ້ດີຂຶ້ນກວ່າເກົ່າ.
(ພາບ-ຂ່າວ: ນາງ ຕູດ ຄໍາພໍໃຈ)
ຄໍາເຫັນ