ຂ່າວລະບຸວ່າ: ກ່ອນໜ້ານັ້ນບັນດາສະມາຊິກໄດ້ອະນຸມັດການເຂົ້າເປັນສະມາຊິກ WTO ຂອງ ໂຄໂມໂຣສ ໃນເດືອນກຸມພາຂອງປີຜ່ານມາແລະ ທ່ານ ສຸລຕານ ຊູຊົວ ເອກອັກຄະລັດຖະທູດ ໂຄໂມໂຣສ ໄດ້ສະເໜີເອກະສານຍອມຮັບອະນຸສັນຍາການເຂົ້າເປັນສະມາຊິກ WTO ຂອງປະເທດນີ້ຕໍ່ທ່ານນາງ ເອັນໂກຊິ ໂອໂກນໂຢ ແອວວີລາ ຜູ້ອຳນວຍການໃຫຍ່ WTO ໃນກອງປະຊຸມໃຫຍ່ໃນວັນທີ 22 ກໍລະກົດ ຜ່ານມາ. ພາຍຫຼັງ 30 ວັນ, ໂຄໂມໂຣສ ໄດ້ກາຍເປັນສະມາຊິກຂອງ WTO ຢ່າງເປັນທາງການ. ພ້ອມກັນນັ້ນ, ໂຄໂມໂຣສ ຍັງໄດ້ຍື່ນເອກະສານຮັບຮູ້ຂໍ້ຕົກລົງກ່ຽວກັບການຊ່ວຍເຫຼືອອາຊີບຫາປາ ຊຶ່ງໄດ້ເຮັດໃຫ້ຈຳນວນປະເທດຮັບຮູ້ຂໍ້ຕົກລົງນີ້ມີ 82 ປະເທດ.
ທ່ານນາງ ເອັນໂກຊິ ໂອໂກນໂຢ ແອວວີລາ ຜູ້ອຳນວຍການໃຫຍ່ WTO ໃຫ້ຮູ້ວ່າ: ການເຄື່ອນໄຫວດັ່ງກ່າວຈະແມ່ນພາຫະນະເພື່ອຫັນເປັນທັນສະໄໝ, ຫັນເປັນເສດຖະກິດ ແລະ ເສີມສ້າງບັນດາວາລະການເຊື່ອມໂຍງພາກພື້ນຂອງ ໂຄໂມໂຣສ ໃນທະວີບອາຟຣິກາ.
ມາຮອດປັດຈຸບັນ ມີລັດຖະບານ 22 ປະເທດ, ໃນນັ້ນມີ8 ປະເທດອາຟຣິກາ ຍັງຄົງເຈລະຈາເພື່ອຂໍເຂົ້າເປັນສະມາຊິກ WTO.
ຄໍາເຫັນ