ທ່ານ ວັນໄຊ ພອງສະຫວັນ ກ່າວວ່າ: ໃນ 5 ປີ (2026-2030) ຕໍ່ໜ້າ ອົງການກວດກາແຫ່ງລັດຈະເພີ່ມທະວີການນໍາພາຂອງພັກ ທີ່ເຂັ້ມແຂງຕໍ່ວຽກງານກວດກາ, ຄະນະພັກ, ອົງການລັດທຸກຂັ້ນ ຕ້ອງເຫັນຄວາມສໍາຄັນ ແລະ ເອົາໃຈໃສ່ຕໍ່ວຽກງານກວດກາ ຖືເອົາວຽກງານກວດກາເພື່ອປ້ອງກັນ ແລະ ສະກັດກັ້ນການລະເມີດລະບຽບກົດໝາຍໃນການນໍາພາ ແລະ ການຄຸ້ມຄອງບໍລິຫານລັດ ທັງຮັບປະກັນການນໍາພາຂອງພັກທີ່ເຂັ້ມແຂງ ແລະ ການຄຸ້ມຄອງບໍລິຫານລັດໃຫ້ມີຄວາມໂປ່ງໃສ, ມີປະສິດທິພາບ ແລະ ມີຄວາມຍືນຍົງ ສ້າງຄວາມເຊື່ອໝັ້ນຂອງປະຊາຊົນ ແລະ ສັງຄົມຕໍ່ການນໍາພາຂອງພັກ ແລະ ການຄຸ້ມຄອງບໍລິຫານຂອງອົງການລັດ, ຖືວຽກງານກວດກາແມ່ນໜຶ່ງໃນພາລະບົດບາດຂອງອົງການຄຸ້ມຄອງບໍລິຫານລັດ ທັງເປັນແບບແຜນເຮັດວຽກທີ່ຈໍາເປັນຂາດບໍ່ໄດ້ຂອງຜູ້ນໍາພາ ແລະ ຄຸ້ມຄອງບໍລິຫານລັດທຸກຂັ້ນ ຢູ່ແຕ່ລະບ່ອນຕ້ອງດໍາເນີນການຕິດຕາມ-ກວດກາຢ່າງເປັນລະບົບຕໍ່ເນື່ອງ ໂດຍເນັ້ນໃສ່ຂົງເຂດສໍາຄັນ ຂົງເຂດທີ່ມີຄວາມສ່ຽງ ເຊັ່ນ: ໂຄງການພັດທະນາຂອງລັດ, ການຄຸ້ມຄອງນໍາໃຊ້ຊັບສິນສາທາລະນະ, ການຄຸ້ມຄອງດ້ານການເງິນ ແລະ ການນໍາໃຊ້ງົບປະມານ, ປັບປຸງ ແລະ ພັດທະນາລະບົບກົດໝາຍ, ລະບຽບການ ແລະ ກົນໄກການກວດກາໃຫ້ຄົບຖ້ວນ, ທັນສະໄໝ ເພື່ອໃຫ້ການກວດກາດໍາເນີນໄປຕາມຫຼັກນິຕິທໍາ, ສ້າງ ແລະ ປັບປຸງນິຕິກຳໃຫ້ໄດ້ຢ່າງໜ້ອຍ 10 ສະບັບ, ໃນນັ້ນລວມທັງສ້າງໃໝ່ ແລະ ປັບ ປຸງນິຕິກຳເກົ່າທີ່ມີແລ້ວ, ເພີ່ມທະວີຄວາມໂປ່ງໃສ ແລະ ຕ້ານການສໍ້ລາດບັງຫຼວງທຸກຮູບແບບ ຢູ່ໃນກົງຈັກການຈັດຕັ້ງ ແລະ ພະນັກງານໃນທຸກຂັ້ນ, ປັບປຸງກົງຈັກການຈັດຕັ້ງ ແລະ ພັດທະນາວຽກງານກວດກາໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝ, ມີປະສິດທິຜົນ, ບຳລຸງສ້າງພະນັກງານກວດກາໃຫ້ມີຄວາມຮູ້, ຄວາມຊໍານານດ້ານວິຊາການ ແລະ ຄວາມເປັນມືອາຊີບ.
ຄາດໝາຍສູ້ຊົນ: ຄາດໝາຍດ້ານການເສີມສ້າງລະບົບກວດກາ, ສືບຕໍ່ປັບປຸງ ແລະ ພັດທະນາກົນໄກການກວດກາໃຫ້ຄົບຖ້ວນ ແລະ ທັນສະໄໝ ໂດຍການປັບປຸງກົດໝາຍ, ລະບຽບ ແລະ ຂໍ້ກຳນົດຕ່າງໆ ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ, ຄາດໝາຍດ້ານການຍົກສູງປະສິດທິຜົນຂອງວຽກງານກວດກາ, ການກວດກາໃຫ້ຄວບຄຸມໃນທຸກຂົງເຂດວຽກງານ, ການຄຸ້ມຄອງບໍລິຫານລັດທຸກຂັ້ນ, ຄາດໝາຍການປ້ອງກັນ ແລະ ຕ້ານການສໍ້ລາດບັງຫຼວງ, ສືບຕໍ່ໂຄສະນາເຜີຍແຜ່ກົດໝາຍ, ຂໍ້ກໍານົດ, ລະບຽບການຕ່າງໆ ເພື່ອປູກຈິດສໍານຶກໃຫ້ພະນັກງານ, ສະມາຊິກພັກ ແລະ ປະຊາຊົນເຂົ້າໃຈເຖິງຜົນຮ້າຍຂອງການສໍ້ລາດບັງຫຼວງ ແລະ ເຂົ້າຮ່ວມໃນຂະບວນການຕ້ານການສໍ້ລາດບັງຫຼວງໃຫ້ກວ້າງຂວາງ, ຄາດໝາຍດ້ານການພັດທະນາ ຄະນະກວດກາ ແລະ ພະນັກງານກວດກາ, ພັດທະນາວຽກງານກວດກາໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝ ແລະ ມີປະສິດທິຜົນ, ຍົກລະດັບຄຸນນະພາບຂອງພະນັກງານກວດກາດ້ວຍການຝຶກອົບຮົມ, ພັດທະນາທັກສະວິຊາການ, ຄວາມເປັນມືອາຊີບ, ສືບຕໍ່ປັບປຸງ ແລະ ພັດທະນາກົນໄກການກວດກາໃຫ້ຄົບຖ້ວນ ແລະ ທັນສະໄໝ ໂດຍການປັບ ປຸງກົດໝາຍ, ລະບຽບ ແລະ ຂໍ້ກຳນົດຕ່າງໆ ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ ເພື່ອເຮັດໃຫ້ວຽກງານກວດກາ ເປັນກົນໄກສໍາຄັນໃນການຄຸ້ມຄອງລັດໃຫ້ໂປ່ງໃສມີປະສິດທິພາບ ປະສິດທິຜົນ.
(ຂ່າວ: ແສງຈັນ; ພາບ: ສຳນານ)
ຄາດໝາຍສູ້ຊົນ: ຄາດໝາຍດ້ານການເສີມສ້າງລະບົບກວດກາ, ສືບຕໍ່ປັບປຸງ ແລະ ພັດທະນາກົນໄກການກວດກາໃຫ້ຄົບຖ້ວນ ແລະ ທັນສະໄໝ ໂດຍການປັບປຸງກົດໝາຍ, ລະບຽບ ແລະ ຂໍ້ກຳນົດຕ່າງໆ ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ, ຄາດໝາຍດ້ານການຍົກສູງປະສິດທິຜົນຂອງວຽກງານກວດກາ, ການກວດກາໃຫ້ຄວບຄຸມໃນທຸກຂົງເຂດວຽກງານ, ການຄຸ້ມຄອງບໍລິຫານລັດທຸກຂັ້ນ, ຄາດໝາຍການປ້ອງກັນ ແລະ ຕ້ານການສໍ້ລາດບັງຫຼວງ, ສືບຕໍ່ໂຄສະນາເຜີຍແຜ່ກົດໝາຍ, ຂໍ້ກໍານົດ, ລະບຽບການຕ່າງໆ ເພື່ອປູກຈິດສໍານຶກໃຫ້ພະນັກງານ, ສະມາຊິກພັກ ແລະ ປະຊາຊົນເຂົ້າໃຈເຖິງຜົນຮ້າຍຂອງການສໍ້ລາດບັງຫຼວງ ແລະ ເຂົ້າຮ່ວມໃນຂະບວນການຕ້ານການສໍ້ລາດບັງຫຼວງໃຫ້ກວ້າງຂວາງ, ຄາດໝາຍດ້ານການພັດທະນາ ຄະນະກວດກາ ແລະ ພະນັກງານກວດກາ, ພັດທະນາວຽກງານກວດກາໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝ ແລະ ມີປະສິດທິຜົນ, ຍົກລະດັບຄຸນນະພາບຂອງພະນັກງານກວດກາດ້ວຍການຝຶກອົບຮົມ, ພັດທະນາທັກສະວິຊາການ, ຄວາມເປັນມືອາຊີບ, ສືບຕໍ່ປັບປຸງ ແລະ ພັດທະນາກົນໄກການກວດກາໃຫ້ຄົບຖ້ວນ ແລະ ທັນສະໄໝ ໂດຍການປັບ ປຸງກົດໝາຍ, ລະບຽບ ແລະ ຂໍ້ກຳນົດຕ່າງໆ ໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມ ເພື່ອເຮັດໃຫ້ວຽກງານກວດກາ ເປັນກົນໄກສໍາຄັນໃນການຄຸ້ມຄອງລັດໃຫ້ໂປ່ງໃສມີປະສິດທິພາບ ປະສິດທິຜົນ.
(ຂ່າວ: ແສງຈັນ; ພາບ: ສຳນານ)
ຄໍາເຫັນ