ໂດຍ: ວັນເພັງ
ອົງການອຸຍນີເຊັບ ປະຈຳ ລາວ ຖືສຳຄັນວຽກງານສົ່ງເສີມສິດທິເດັກ ໃນ ສປປ ລາວ ເນື່ອງໃນໂອກາດເປີດຂະບວນການສັກວັກຊິນໝາກແດງນ້ອຍ ແລະ ໝາກແດງໃຫຍ່ ແຫ່ງຊາດ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ເມື່ອບໍ່ດົນມານີ້ທ່ານ ນາງເພຍ ເຣເບລໂລບຣິໂຕຜູ້ຕາງໜ້າອົງການອຸຍນີເຊັບປະຈຳລາວ ໄດ້ໃຫ້ສຳພາດຕໍ່ສື່ມວນຊົນວ່າ: ມາຮອດປັດຈຸບັນ ອົງການອຸຍນີເຊັບໄດ້ເຄື່ອນໄຫວເຮັດວຽກຢູ່ສປປ ລາວໄດ້ 50 ປີແລ້ວໂດຍເຮັດວຽກເພື່ອການສົ່ງເສີມວຽກງານສິດທິເດັກ, ເພື່ອສົ່ງເສີມການສຶກສາຂອງເດັກນ້ອຍແລະ ສຸຂະພາບການເປັນຢູ່ທີ່ດີຂອງແມ່ ແລະເດັກ ທາງອົງການອຸຍນີເຊັບພ້ອມຈະສືບຕໍ່ວຽກງານດັ່ງກ່າວໃຫ້ເກີດຂຶ້ນປະສົບຄວາມເປັນຈິງ ແລະ ຈະສືບຕໍ່ຊ່ວຍເຫຼືອ ສປປ ລາວໃຫ້ບັນລຸເປົ້າໝາຍພັດທະນາວາງໄວ້ໃນອະນາຄົດ.
ຜູ້ຕາງໜ້າອົງການອຸຍນີເຊັບປະຈຳລາວ ຍັງຢືນຢັນວ່າ: ໃນປັດຈຸບັນກໍຄືໃນອະນາຄົດອົງການອຸຍນີເຊັບພ້ອມທີ່ຈະຢູ່ຄຽງຄູ່ກັບລັດຖະບານ ແຫ່ງ ສປປລາວ ເພື່ອສະໜັບສະໜູນລັດຖະບານລາວ, ຊ່ວຍເຫຼືອເດັກນ້ອຍລາວ, ໃຫ້ມີປະສິດທິພາບ ແລະ ໃຫ້ບັນລຸເປົ້າໝາຍການພັດທະນາຂອງເດັກ ໃນອະນາຄົດ. ພ້ອມນັ້ນ, ເວົ້າເຖິງວຽກງານການປ່ຽນແປງດິນຟ້າອາກາດ ຕໍ່ການສຶກສາ ໂດຍກ່ຽວຂ້ອງກັບການພັດທະນາຈະເຮັດແນວໃດເຮັດໃຫ້ທຸກຄົນໄດ້ເຂົ້າເຖິງການຮຽນຮູ້, ເຂົ້າໃຈ ແລະ ແກ້ໄຂບັນຫາພ້ອມໆກັນ. ໃນນັ້ນ, ບັນຫາເລື່ອງຄວາມສະເໝີພາບຍິງ-ຊາຍໂດຍສະເພາະແມ່ນສິດທິເດັກຍິງ ແມ່ນສຳຄັນຫຼາຍທີ່ຕ້ອງໃຫ້ໂອກາດຢູ່ໃນປັດຈຸບັນ ກໍຄືໃນອະນາຄົດ ແລະ ສິ່ງສໍາຄັນທີ່ເປັນອັນຕະລາຍທີ່ສຸດ ໃນປັດຈຸບັນເລື່ອງໄພດີຈີຕອນ, ເຕັກໂນໂລຊີ, ສື່ອອນລາຍທີ່ເດັກນ້ອຍ ແລະ ຜູ້ປົກຄອງຈະຕ້ອງໄດ້ຮຽນຮູ້ ແລະນໍາໃຊ້ມັນໃຫ້ຖືກຕ້ອງ. ພ້ອມນັ້ນ, ບັນຫາເລື່ອງນໍ້າສະອາດ ອົງການອຸຍນີເຊັບ ກໍຢາກໃຫ້ທຸກຄົນໄດ້ເຂົ້າເຖິງນໍ້າສະອາດ ແລະ ສຸຂະພິບານ ພ້ອມບັນຫາການລ້ຽງດູຂອງພໍ່ແມ່ ກໍແມ່ນສຳຄັນທີ່ຕ້ອງໄດ້ເຂົ້າເຖິງຂໍ້ມູນຂ່າວສານ.
ເນື່ອງໃນໂອາກດວັນເດັກນ້ອຍສາກົນວັນທີ 1 ມິຖຸນາ 2024 ໃກ້ມາເຖິງນີ້ທ່ານ ນາງເພຍ ເຣເບລໂລບຣິໂຕ ຍັງໄດ້ກ່າວເຖິງເດັກນ້ອຍວ່າ:ເດັກນ້ອຍຄືອະນາຄົດຄືຄວາມຫວັງຂອງທົ່ວໂລກບໍ່ວ່າຈະເປັນເດັກນ້ອຍຢູ່ສປປ ລາວ ຫຼື ຢູ່ໃນໂລກນີ້ ຢາກໃຫ້ເດັກນ້ອຍທຸກຄົນມີສະຕິ ບໍ່ວ່າຈະເກີດຫຍັງຂຶ້ນ. ພ້ອມນັ້ນ, ຖ້າພວກເຮົາ ຕັ້ງໃຈເຮັດວຽກຮ່ວມກັນກໍສາມາດເຮັດໃຫ້ອະນາຄົດທີ່ດີຕໍ່ເດັກນ້ອຍໄດ້. ສະນັ້ນ, ພວກເຮົາຈະໄດ້ຮ່ວມມືຮ່ວມໃຈກັນເຮັດໃຫ້ເປົ້າໝາຍດັ່ງກ່າວບັນລຸຜົນເປັນຈິງໃນອະນາຄົດທີ່ວາງໄວ້. ຂໍໃຫ້ເດັກນ້ອຍທຸກຄົນມີສຸຂະພາບທີ່ດີ ແລະ ແຂງແຮງ ເດັກນ້ອຍໃນວັນນີ້ ຄືຜູ້ສືບທອດທີ່ດີໃນວັນໜ້າ.
ອົງການອຸຍນີເຊັບ ປະຈຳ ລາວ ຖືສຳຄັນວຽກງານສົ່ງເສີມສິດທິເດັກ ໃນ ສປປ ລາວ ເນື່ອງໃນໂອກາດເປີດຂະບວນການສັກວັກຊິນໝາກແດງນ້ອຍ ແລະ ໝາກແດງໃຫຍ່ ແຫ່ງຊາດ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ເມື່ອບໍ່ດົນມານີ້ທ່ານ ນາງເພຍ ເຣເບລໂລບຣິໂຕຜູ້ຕາງໜ້າອົງການອຸຍນີເຊັບປະຈຳລາວ ໄດ້ໃຫ້ສຳພາດຕໍ່ສື່ມວນຊົນວ່າ: ມາຮອດປັດຈຸບັນ ອົງການອຸຍນີເຊັບໄດ້ເຄື່ອນໄຫວເຮັດວຽກຢູ່ສປປ ລາວໄດ້ 50 ປີແລ້ວໂດຍເຮັດວຽກເພື່ອການສົ່ງເສີມວຽກງານສິດທິເດັກ, ເພື່ອສົ່ງເສີມການສຶກສາຂອງເດັກນ້ອຍແລະ ສຸຂະພາບການເປັນຢູ່ທີ່ດີຂອງແມ່ ແລະເດັກ ທາງອົງການອຸຍນີເຊັບພ້ອມຈະສືບຕໍ່ວຽກງານດັ່ງກ່າວໃຫ້ເກີດຂຶ້ນປະສົບຄວາມເປັນຈິງ ແລະ ຈະສືບຕໍ່ຊ່ວຍເຫຼືອ ສປປ ລາວໃຫ້ບັນລຸເປົ້າໝາຍພັດທະນາວາງໄວ້ໃນອະນາຄົດ.
ຜູ້ຕາງໜ້າອົງການອຸຍນີເຊັບປະຈຳລາວ ຍັງຢືນຢັນວ່າ: ໃນປັດຈຸບັນກໍຄືໃນອະນາຄົດອົງການອຸຍນີເຊັບພ້ອມທີ່ຈະຢູ່ຄຽງຄູ່ກັບລັດຖະບານ ແຫ່ງ ສປປລາວ ເພື່ອສະໜັບສະໜູນລັດຖະບານລາວ, ຊ່ວຍເຫຼືອເດັກນ້ອຍລາວ, ໃຫ້ມີປະສິດທິພາບ ແລະ ໃຫ້ບັນລຸເປົ້າໝາຍການພັດທະນາຂອງເດັກ ໃນອະນາຄົດ. ພ້ອມນັ້ນ, ເວົ້າເຖິງວຽກງານການປ່ຽນແປງດິນຟ້າອາກາດ ຕໍ່ການສຶກສາ ໂດຍກ່ຽວຂ້ອງກັບການພັດທະນາຈະເຮັດແນວໃດເຮັດໃຫ້ທຸກຄົນໄດ້ເຂົ້າເຖິງການຮຽນຮູ້, ເຂົ້າໃຈ ແລະ ແກ້ໄຂບັນຫາພ້ອມໆກັນ. ໃນນັ້ນ, ບັນຫາເລື່ອງຄວາມສະເໝີພາບຍິງ-ຊາຍໂດຍສະເພາະແມ່ນສິດທິເດັກຍິງ ແມ່ນສຳຄັນຫຼາຍທີ່ຕ້ອງໃຫ້ໂອກາດຢູ່ໃນປັດຈຸບັນ ກໍຄືໃນອະນາຄົດ ແລະ ສິ່ງສໍາຄັນທີ່ເປັນອັນຕະລາຍທີ່ສຸດ ໃນປັດຈຸບັນເລື່ອງໄພດີຈີຕອນ, ເຕັກໂນໂລຊີ, ສື່ອອນລາຍທີ່ເດັກນ້ອຍ ແລະ ຜູ້ປົກຄອງຈະຕ້ອງໄດ້ຮຽນຮູ້ ແລະນໍາໃຊ້ມັນໃຫ້ຖືກຕ້ອງ. ພ້ອມນັ້ນ, ບັນຫາເລື່ອງນໍ້າສະອາດ ອົງການອຸຍນີເຊັບ ກໍຢາກໃຫ້ທຸກຄົນໄດ້ເຂົ້າເຖິງນໍ້າສະອາດ ແລະ ສຸຂະພິບານ ພ້ອມບັນຫາການລ້ຽງດູຂອງພໍ່ແມ່ ກໍແມ່ນສຳຄັນທີ່ຕ້ອງໄດ້ເຂົ້າເຖິງຂໍ້ມູນຂ່າວສານ.
ເນື່ອງໃນໂອາກດວັນເດັກນ້ອຍສາກົນວັນທີ 1 ມິຖຸນາ 2024 ໃກ້ມາເຖິງນີ້ທ່ານ ນາງເພຍ ເຣເບລໂລບຣິໂຕ ຍັງໄດ້ກ່າວເຖິງເດັກນ້ອຍວ່າ:ເດັກນ້ອຍຄືອະນາຄົດຄືຄວາມຫວັງຂອງທົ່ວໂລກບໍ່ວ່າຈະເປັນເດັກນ້ອຍຢູ່ສປປ ລາວ ຫຼື ຢູ່ໃນໂລກນີ້ ຢາກໃຫ້ເດັກນ້ອຍທຸກຄົນມີສະຕິ ບໍ່ວ່າຈະເກີດຫຍັງຂຶ້ນ. ພ້ອມນັ້ນ, ຖ້າພວກເຮົາ ຕັ້ງໃຈເຮັດວຽກຮ່ວມກັນກໍສາມາດເຮັດໃຫ້ອະນາຄົດທີ່ດີຕໍ່ເດັກນ້ອຍໄດ້. ສະນັ້ນ, ພວກເຮົາຈະໄດ້ຮ່ວມມືຮ່ວມໃຈກັນເຮັດໃຫ້ເປົ້າໝາຍດັ່ງກ່າວບັນລຸຜົນເປັນຈິງໃນອະນາຄົດທີ່ວາງໄວ້. ຂໍໃຫ້ເດັກນ້ອຍທຸກຄົນມີສຸຂະພາບທີ່ດີ ແລະ ແຂງແຮງ ເດັກນ້ອຍໃນວັນນີ້ ຄືຜູ້ສືບທອດທີ່ດີໃນວັນໜ້າ.
ຄໍາເຫັນ