ຊະນະສີສານ ຮອງອໍານວຍການອົງການແພຣນສາກົນ ປະຈໍາ ສປປ ລາວ, ທ່ານ ນາງ ຢູຣິ ມີຊູກາມິ ຜູ້ຕາງໜ້າອົງການແພຣນສາກົນປະຈໍາ ປະເທດ ຍີ່ປຸ່ນໄດ້ນໍາເອົາເຄື່ອງຊ່ວຍເຫຼືອມາມອບໃຫ້ຄອບຄົວຜູ້ທີ່ໄດ້ຮັບຜົນກະທົບຈາກໄພພິບັດທໍາມະຊາດ (ພາຍຸຢາກິ) ເຮັດໃຫ້ເກີດມີນໍ້າຖ້ວມບ້ານເຮືອນຂອງພໍ່ແມ່ປະຊາຊົນທີ່ຢູ່ລຽບຕາມແມ່ນໍ້າທາ ແລະ ສາຍນໍ້າຕ່າງໆໃນລະຫວ່າງວັນທີ 8-11 ກັນຍາ 2024 ທີ່ຜ່ານມາ, ໂດຍການເຂົ້າຮ່ວມຂອງທ່ານ ກາງ ມະນີຫວ່າງ ຮອງເຈົ້າເມືອງ, ມີທ່ານ ໂພເພັດ ບຸນທອງ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ມີຫົວໜ້າ-ຮອງຫົວໜ້າຂະແໜງການກ່ຽວຂ້ອງຂັ້ນແຂວງ, ຂັ້ນເມືອງ ແລະ ຕາງໜ້າອົງການຈັດຕັ້ງບ້ານເຂົ້າຮ່ວມ.
ພິທີ ທ່ານ ແສງສັນຕິສິດ ຊະນະສີສານ ໃຫ້ຮູ້ວ່າ: ການຊ່ວຍເຫຼືອຄັ້ງນີ້ ເພື່ອເປັນການບັນເທົາຄວາມທຸກຍາກ-ລໍາບາກ ໃຫ້ຄອບຄົວຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມບ້ານເຮືອນ ແລະ ຄູ-ອາຈານ, ນ້ອງນັກຮຽນທີ່ຢູ່ຫໍພັກພາຍໃນບ້ານເປົ້າໝາຍໃຫ້ມີຄວາມສະດວກສະບາຍໃນການຮຽນ-ການສອນ, ການກິນຢູ່ພັກເຊົາຕ່າງໆ. ເຄືອງທີ່ນໍາມາມອບໃນຄັ້ງນີ້ ແມ່ນໄດ້ມາຈາກປະເທດຍີ່ປຸ່ນໂດຍຜ່ານອົງການແພຣນສາກົນປະຈໍາປະເທດຍີ່ປຸ່ນ ເປັນຜູ້ສະໜອງທຶນໃຫ້ແກ່ອົງການແພຣນສາກົນປະຈໍາ ສປປ ລາວ ເພື່ອມອບຕໍ່ໃຫ້ພໍ່ແມ່ປະຊາຊົນທີ່ຖືກຜົນກະທົບໄພນໍ້າຖ້ວມ ຢູ່ເມືອງຜາອຸດົມໃນໄລຍະຜ່ານມາຈໍານວນ 13 ບ້ານ, 255 ຄອບຄົວ, ມີ 1,315 ຄົນ, ຍິງ 619 ຄົນ, ຊຶ່ງປະກອບມີ ເຂົ້າສານ, ອາຫານແຫ້ງ, ເຄື່ອງໃຊ້ພາຍໃນຄົວເຮືອນ, ຊຸດສຸຂະອະນາໄມ ແລະ ອຸປະກອນຕ່າງໆ. ລວມມູນຄ່າການຊ່ວຍເຫຼືອທັງໝົດ 2 ຕື້ 451 ລ້ານກວ່າກີບ, ຮັບໂດຍທ່ານ ກາງ ມະນີຫວ່າງ ພ້ອມທັງໄດ້ສະແດງຄວາມຂອບອົກຂອບໃຈ ນໍາອົງການແພຣນສາກົນປະຈໍາປະເທດຍີ່ປຸ່ນ ກໍຄື ລັດຖະບານຍີ່ປຸ່ນ ແລະ ປະຊາຊົນຍີ່ປຸ່ນ ທີ່ໄດ້ໃຫ້ການອູ້ມຊູຊ່ວຍເຫຼືອປະຊາຊົນລາວຕະຫຼອດມາ ແລະ ທ່ານໄດ້ຮຽກຮ້ອງໃຫ້ຄອບຄົວທີ່ໄດ້ຮັບການຊ່ວຍເຫຼືອໃນຄັ້ງນີ້ໃຫ້ມີຄວາມບຸກບືນຫ້າວຫັນໃນການສ້າງສາພັດທະນາຄອບຄົວໃຫ້ດີຂຶ້ນເປັນກ້າວໆ
(ພາບ-ຂ່າວ: ໂສພາ ທິບພະວົງ)
ຄໍາເຫັນ