 |
ພະອາຈານ ຫວາງ ພົມມະວົງ ຮອງປະທານ ອພສ ແຂວງບໍລິຄຳໄຊ ຜ່ານຮ່າງລາຍງານການເຄື່ອນໄຫວການຈັດຕັ້ງມະຕິກອງປະຊຸມໃຫຍ່ຄັ້ງທີ 7 ແລະ ທິດທາງແຜນການ 5 ປີໃນຕໍ່ໜ້າ ໂດຍົກໃຫ້ເຫັນຫຼາຍວຽກງານທີ່ພົ້ນເດັ່ນ,ລວມທັງຂໍ້ຄົງຄ້າງ. ຄະນະ ອພສ ທຸກຂັ້ນພາຍໃນແຂວງ ໄດ້ເອົາໃຈໃສ່ເທດສະໜາສັ່ງສອນໃຫ້ພະສົງ-ສາມະເນນ ຕັ້ງໝັ້ນໃນພະທັມ-ວິໄນຢ່າງເຄັ່ງຄັດ ແລະ ລະບຽບກົດໝາຍຂອງບ້ານເມືອງ, ເພື່ອເຮັດໃຫ້ພະສົງ-ສາມະເນນມ ມີລະບຽບວິໄນ, ຢຶດໝັ້ນໃນສິນທັມເປັນຫຼັກໃນການດໍາລົງຊີວິດ, ສ້າງຄວາມສາມັກຄີລະຫວ່າງ ສາສະນິກະຊົນຕ່າງສາສະໜາ, ໃຫ້ມີຄວາມສາມັກຄີຮັກແພງເຊິ່ງກັນແລະກັນ ແລະ ດ້ານອື່ນໆກໍມີຜົນສໍາເລັດ.
ໃນປັດຈຸບັນ, ແຂວງບໍລິຄໍາໄຊ ມີທີ່ປຶກສາ 1 ອົງ, ມີຄະນະກຳມະການ ສູນກາງ ອພສ 2 ອົງ, ອພສ ຂັ້ນແຂວງທັງໝົດ 25 ອົງ, ຄະນະຈໍາ ອພສ 7 ອົງ,ມີພະສົງສາມະເນນທັງໝົດ 3,211 ອົງ, ໃນນັ້ນມີພະສົງ 1,443 ອົງ, ສາມະເນນ 1,768 ອົງ, ພໍ່ຂາວ-ແມ່ຂາວ ແລະ ສັງກະລິບໍ່ມີ. ມີໂຮງຮຽນ 2 ແຫ່ງ ຄື: ມຕ ສົງຄຳເກີດ ປັດຈຸບັນມີຄູສອນທັງໝົດ 24 ອົງ/ທ່ານ, ສອນ ຢູ່ ມສ ສົງປາກຊັນ 18 ອົງ/ທ່ານ, ສອນຢູ່ໂຮງຮຽນ ມຕ ສົງຄໍາເກີດ 6 ອົງ.
 |
ກອງປະຊຸມໃຫຍ່ ເຫັນດີຮັບຮອງເອົາ ຄະນະບໍລິຫານງານ ອພສ ແຂວງ ບໍລິຄຳໄຊ ຊຸດໃໝ່ 25 . ໃນນັ້ນ, ເປັນຄະນະປະຈຳ ອພສ ແຂວງ 9 ອົງ ແລະ ເປັນຄະນະກັມມະການ ອພສ ແຂວງ 16 ອົງ ເຫັນດີ ພະອາຈານ ຄໍາປັນ ອິນທະວົງ ເປັນປະທານ ອພສ ແຂວງ ບໍລິຄຳໄຊ, ພະອາຈານ ຫວາງ ພົມມະວົງ ແລະ ພະອາຈານ ພັນ ພົມພຸດທະວົງ ເປັນຮອງ ປະທານ ອພສ ແຂວງ ບໍລິຄຳໄຊ.
(ຂ່າວ-ພາບ: ສາຍສະໝອນ)
ຄໍາເຫັນ