OPEC + ເຫັນດີ ເພີ່ມການຜະລິດນໍ້າມັນໃນເດືອນມິຖຸນາໜ້ານີ້

ຂ່າວຕ່າງປະເທດລາຍງານໃນທ້າຍເດືອນເມສາຜ່ານມາວ່າ: ຜົນການສຶກສາຈາກມະຫາວິທະຍາໄລ Hebrew ຂອງເຢຣູຊາເລັມ ປະເທດອິສຣາແອນ ທີ່ພິມໃນວາລະສານ Nature Communications ພົບວ່າ, ແມ່ບໍ່ພຽງແຕ່ຖ່າຍທອດການປົກປ້ອງຊົ່ວຄາວໃຫ້ກັບລູກນ້ອຍຂອງຕົນເທົ່ານັ້ນ, ແຕ່ຍັງມີບົດບາດກຳນົດການພັດທະນາລະບົບພູມຕ້ານທານຂອງລູກໃນອີກຫຼາຍປີຂ້າງໜ້າ.

ຂ່າວຊີອາໄອລາຍງານໃນວັນທີ 3 ພຶດສະພາ ຜ່ານມາວ່າ: ແຫຼ່ງຂ່າວຈາກຄະນະ​ກຳມະການພັດທະນາ​ ແລະ ​​ປະຕິ​ຮູບ​ແຫ່ງ​ຊາດ​ຈີນ ໃຫ້ຮູ້ວ່າ: ຫວ່າງມໍ່ໆມານີ້, ຈີນໄດ້ອອກບັນຊີລາຍຊື່ ແລະ ງົບປະມານສໍາລັບພັນທະບັດໄລຍະຍາວພິເສດຊຸດທີ 2 ໃນປີນີ້ ມູນຄ່າ 91.5 ຕື້ຢວນ ເພື່ອສະໜັບສະໜູນການປ່ຽນຖ່າຍເຄື່ອງອຸປະກອນ ແລະ ການທົດແທນຄືນເຄື່ອງອຸປະໂພກ-ບໍລິໂພກ.

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກະຊວງການເງິນມາເລເຊຍໄດ້ເປີດເຜີຍວ່າ,ລັດຖະບານມາເລເຊຍກຳລັງເພີ່ມທະວີມາດຕະການຢ່າງຕັ້ງໜ້າເພື່ອຄວບຄຸມການໃຊ້ຈ່າຍທີ່ບໍ່ຈຳເປັນ ແລະເພື່ອຮັກສາສະຖຽນລະພາບທາງເສດຖະກິດທ່າມກາງຄວາມຜັນຜວນຂອງໂລກທີ່ເພີ່ມຂຶ້ນ.

ວິທະຍຸກະຈາຍສຽງຫວຽດນາມລາຍງານວ່າ: ໃນ​ວັນ​ທີ 3 ພຶດ​ສະ​ພາ ຜ່ານມາ, ກົມ​ສະ​ຖິ​ຕິ (ກະ​ຊວງ​ການ​ຕ່າງ ​ເງິ​ນ ຫວຽດ​ນາມ) ໄດ້​ປະ​ກາດ​ບົດ​ລາຍ​ງານ​ສະ​ພາບ​ການ​ເສດ​ຖະ​ກິດ-​ສັງ​ຄົມ ເດືອນ​ເມ​ສາ ແລະ 4 ເດືອນ​ຕົ້ນ​ປີ 2026. ໃນ​ສະ​ພາບ​ການ​ເສດ​ຖະ​ກິດ​ໂລກ ​ມີ​ການ​ຜັນ​ແປຫຼາຍ​ຢ່າງ, ມີ​ຂົງ​ເຂດ​ເສດ​ຖະ​ກິດ​ປາຍ​ແຫຼມ​ຈຳ​ນວນ​ໜຶ່ງ​ຂອງ ຫວຽດ​ນາມ ຍັງ​ຮັກ​ສາ​ທ່າ​ເຕີບ​ໂຕ​ຢ່າງ​ຕັ້ງ​ໜ້າ.

ຂ່າວສານຊີອາໄອລາຍງານວ່າ: ພາຍໃຕ້ສະພາບການທີ່ຊ່ອງທາງການເດີນເຮືອດັ້ງເດີມ ມີຄວາມສ່ຽງດ້ານຄວາມປອດໄພທີ່ນັບມື້ນັບເພີ່ມຫຼາຍຂຶ້ນ ຍ້ອນການປະທະກັນລະຫວ່າງອາເມຣິກາ-ອິສຣາແອນ ກັບ ອີຣານ, ສື່ມວນຊົນຕ່າງໆ ເປັນຕົ້ນ: ໜັງສືພິມ Daily Mirror ຂອງສີລັງກາ, ວາລະສານ The Diplomat ຂອງອາເມຣິກາ ແລະ ເວັບໄຊ “ສັງເກດນະໂຍບາຍຈີນ” ຂອງແອັດສະປາຍ ໄດ້ຕີລາຄາຢ່າງຕັ້ງໜ້າຕໍ່ທ່າກ່ຳປັ່ນທີ່ລົງທຶນໂດຍຈີນ ແລະ ຂະບວນລົດໄຟດ່ວນຈີນ-ເອີຣົບ ໂດຍເຫັນວ່າ ຄວນຮັບຮູ້ຄືນໃໝ່ຕໍ່ຄຸນຄ່າທາງຍຸດທະສາດ ແລະ ຄວາມໝາຍຕົວຈິງຂອງຂໍ້ລິເລີ່ມການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ທີ່ສະເໜີໂດຍຜູ້ນຳສູງສຸດຂອງຈີນ.

ຂ່າວສານຊີອາໄອລາຍງານວ່າ: ໃນວັນ​ທີ 25 ເມ​ສາ​ ຜ່ານມາ (ຕາມ​ເວ​ລາ​ທ້ອ​ງ​ຖິ່ນ), ກອງ​ປະ​ຊຸມ​ໃຫຍ່​ສະ​ມາ​ຊິກ​ປະ​ຈຳ​ປີ​ ຄັ້ງ​ທີ 87 ຂອງ​ສະ​ຫະ​ພັນ​ດອກ​ປີກ​ໄກ່​ໂລກ ຫຼື BWF ທີ່​ຈັດ​ຂຶ້ນ​ຢູ່​ນະ​ຄອນ​ຮໍ​ເຊັນ​​ຂອງ​ດານ​ມາກ ໄດ້ລົງຄະແນນສຽງ​ຜ່ານ​ຮ່າງ​ມະ​ຕິ​ການ​ປະ​ຕິ​ຮູບ​ລະ​ບຽບການ​ນັບ​ຄະ​ແນນ​ການ​ແຂ່ງ​ຂັນ​ດອກ​ປີກ​ໄກ່. ລະ​ບຽບ​ໃໝ່​ຈະ​ນຳ​ໃຊ້ “​ການ​ນັບແບບ​ 15 ຄະ​ແນນໃນ 3 ນັດ” ໂດຍ​ໄດ້​ຜ່ານ​ການ​ລົງຄະແນນສຽງ​ຢ່າງ​ເປັນ​ທາງ​ການ​ ໃນນັ້ນ 198 ສຽງ​ເຫັນ​ດີ ແລະ 43 ສຽງ​ຄັດ​ຄ້ານ.

ວິທະຍຸກະຈາຍສຽງຫວຽດນາມລາຍງານ ໃນວັນທີ 26 ເມສາ ຜ່ານມາວ່າ: ເສດ​ຖະ​ກິດ ຫວຽດ​ນາມ ຮັກ​ສາ​ທ່າ​ເຕີບ​ໂຕ​ຢ່າງແຂງ​ແຮງ​ໃນ​ສະ​ພາບ​ຄວາມ​ຂາດ​ສະ​ຖຽນ​ລະ​ພາບ​ທົ່ວ​ໂລກ. ການ​ເຕີບ​ໂຕ​ໄດ້​ຮັບ​ການ​ປັບ​ປຸງ​ຍ້ອນ​ຂະ​ແໜງ​ການ​ຜະ​ລິດ​ກຳ​ນົດ​ທິດ​ການ​ສົ່ງ​ອອກ​ຢ່າງ​ແຮງ, ການ​ລົງ​ທຶນ​ໂດຍ​ກົງ​ຈາກ​ຕ່າງ​ປະ​ເທດ (FDI) ຍືນ​ຍົງ ແລະ ຄວາມ​ຕ້ອງ​ການ​ພາຍ​ໃນ​ມີ​ຄວາມເປັນປົກກະຕິ.

ຂ່າວຕ່າງປະເທດລາຍງານ ໃນວັນທີ 22 ເມສາ ຜ່ານມາວ່າ: ອົງການບໍລິການດ້ານບັນຍາກາດ, ທໍລະນີຟີຊິກ ແລະ ດາລາສາດ ຂອງຟີລິບປິນ (PAGASA) ລາຍງານວ່າ, ຟີລິບປິນໄດ້ຍົກລະດັບການເຕືອນໄພກ່ຽວກັບປະກົດການແອວນິໂຢ ໂດຍໄດ້ເຕືອນວ່າ, ອາດຈະເກີດສະພາບແຫ້ງແລ້ງ ແລະ ໄພແຫ້ງແລ້ງອາດຈະເກີດຂຶ້ນໃນບາງພື້ນທີ່ໃນໄລຍະສອງສາມເດືອນຂ້າງໜ້າໄປຈົນເຖິງຕົ້ນປີ 2027. ອົງການດັ່ງກ່າວລະບຸວ່າ: ມີໂອກາດ 79% ທີ່ປະກົດການແອວນີໂຢ ຈະເກີດຂຶ້ນລະຫວ່າງເດືອນມິຖຸນາ ແລະ ສິງຫາ.

ຂ່າວຕ່າງປະເທດລາຍງານ ໃນວັນທີ 22 ເມສາ ຜ່ານມາວ່າ: ລາຄາຜະລິດຕະພັນນົມທົ່ວໂລກຍັງສືບຕໍ່ຫຼຸດລົງໃນການປະມູນຄັ້ງຫຼ້າສຸດທີ່ຈັດຂຶ້ນໃນຫວ່າງມໍ່ໆມານີ້, ທ່າມກາງລະດັບການສະໜອງທີ່ຢູ່ໃນລະດັບສູງ ບວກກັບຄວາມເຄັ່ງຕຶງທາງດ້ານພູມິສາດການເມືອງທີ່ກຳລັງກົດດັນຄວາມຕ້ອງການ ແລະ ເຮັດໃຫ້ຕົ້ນທຶນເພີ່ມຂຶ້ນ.

ຂ່າວສານຊີອາໄອລາຍງານວ່າ: ໃນວັນ​ທີ 23 ເມ​ສາ​ ຜ່ານມາ, ຫ້ອງວ່າ​ການ​ຖະ​ແຫຼງ​ຂ່າວ​ລັດ​ຖະ​ບານ​ຈີນ​ໄດ້​ຈັດ​ກອງ​ປະ​ຊຸມຖ​ະ​ແຫຼງ​ຂ່າວໃຫ້​ຮູ້​ວ່າ: ໃນ​ໄລ​ຍະ​ຈັດ​ຕັ້ງ​ປະ​ຕິ​ບັດ​ແຜນ​ພັດ​ທະ​ນາ​ເສດ​ຖະ​ກິດ​-ສັງ​ຄົມ​ແຫ່ງ​ຊາດ​ 5 ປີ​ຄັ້ງ​ທີ 14 ແຕ່​ປີ 2021-2025,