 |
ການເຊັນສັນຍາ ມີມູນຄ່າການກໍ່ສ້າງ ແລະ ສ້ອມແປງ ທັງໝົດ 1,800,000,000 ກີບ ໂດຍມີກຳນົດເວລາການຈັດຕັ້ງປະຕິບັດ ເປັນເວລາ 3 ເດືອນ (ເລີ່ມແຕ່ວັນທີ 6 ກໍລະກົດ 2026 ຫາ ວັນທີ 6 ຕຸລາ 2026), ຊຶ່ງໄດ້ແບ່ງຄວາມຮັບຜິດຊອບໃຫ້ແກ່ 3 ບໍລິສັດ ດັ່ງນີ້: ບໍລິສັດ ອຸດີດີ ກຣຸບ ແລະ ນຳເຂົ້າ-ສົ່ງອອກ ຈຳກັດຜູ້ດຽວ ຮັບເໝົາໂຄງການສ້ອມແປງເສັ້ນທາງໃນຕົວເມືອງໄຊ (ຊ່ວງທີ 1) ມູນຄ່າ 800,000,000 ກີບ. ໜ້າວຽກຫຼັກປະກອບມີ: ສ້ອມແປງຕາບຂຸມຮັງໄກ່ 13 ເສັ້ນທາງ, ຂູດຮື້ໜ້າທາງພ້ອມປູຢາງ 2 ຊັ້ນ 6 ເສັ້ນທາງ ( ເສັ້ນທາງແຕ່ 3 ແຍກບ້ານລ້ອງກໍເດື່ອ ຫາ ທາງ 13N, ເສັ້ນທາງລຽບຮົ້ວເດີ່ນບິນ, ເສັ້ນທາງແຕ່ 3 ແຍກ ປກສ ແຂວງ ຫາ 3 ແຍກ ພະແນກອາກອນ ), ວຽກຍົກລະດັບອັດ
ແໜ້ນທາງຮ່ອມ ແລະ ເກດຮ່ອງລະບາຍນ້ຳ, ສ້ອມແປງຝາປິດຮ່ອງລະບາຍນ້ຳ ແລະ ປັບປຸງດອນກາງທາງ. ບໍລິສັດ ທະນາຊັບ ຮັບເໝົາໂຄງການປັບປຸງ, ກໍ່ສ້າງຮ່ອງລະບາຍນ້ຳ ແລະ ສິ່ງອຳນວຍຄວາມສະດວກການຈາລະຈອນ ໃນຕົວເມືອງໄຊ ປີ 2026 (ຊ່ວງທີ 1) ມູນຄ່າ 600,000,000 ກີບ. ໜ້າວຽກຫຼັກມີ: ກໍ່ສ້າງຮ່ອງລະບາຍນ້ຳແຕ່ແຍກຫ້ອງການບ້ານນາຫວານນ້ອຍ ຫາ ໂຮງຮຽນພູໄຊເກົ່າ (ລວງຍາວ 200 ແມັດ), ກໍ່ສ້າງຮ່ອງລະບາຍນ້ຳຊອຍບ້ານນາຫວານນ້ອຍ, ວາງທໍ່ລອດທາງ ແລະ ຖົມດິນທາງເຂດເດີ່ນບານພູພຽງ ຫາ ໂຮງຮຽນວິຊາຊີບ, ສ້ອມແປງປ້າຍຈາລະຈອນ ແລະ ຕິດຕັ້ງຫຼັກເຂດສະຫງວນທາງ ແລະ ບໍລິສັດ ແກ້ວປະເສີດ ກໍ່ສ້າງ ແລະ ຕິດຕັ້ງຕາໜ່າງໄຟຟ້າ ຈຳກັດ ຮັບເໝົາໂຄງການສ້ອມແປງໄຟຟ້າເຍືອງທາງ ໃນຕົວເມືອງໄຊ (ຊ່ວງທີ 1) ມູນຄ່າ 400,000,000 ກີບ. ໜ້າວຽກຫຼັກແມ່ນ ການສ້ອມແປງ ແລະ ປ່ຽນຖ່າຍດອກໄຟ, ເດີນສາຍໄຟຂຶ້ນເທິງໃນຈຸດທີ່ຖືກລັກຕັດສາຍ ລວມທັງໝົດ 11ເສັ້ນທາງ ແລະ ຈຸດສໍາຄັນ ເຊັ່ນ: ເສັ້ນທາງ 2E ບ້ານລ້ອງກໍເດື່ອ, ທາງຊອຍ 4 ແຍກບ້ານເຈງ, ອ້ອມອານຸສາວະລີ ປະທານ ໄກສອນ ພົມວິຫານ ແລະ ທາງຊອຍຫ້ອງວ່າການແຂວງ.
ພິທີ, ທ່ານ ພິໄລທອງ ຈິດມະນີ ໄດ້ໃຫ້ກຽດໂອ້ລົມ ແລະ ມີຄຳເຫັນຊີ້ນຳ ໂດຍທ່ານໄດ້ເນັ້ນໜັກໃຫ້ບັນດາບໍລິສັດຮັບເໝົາ ຈົ່ງເອົາໃຈໃສ່ປະຕິບັດໜ້າວຽກດ້ວຍຄວາມຮັບຜິດຊອບສູງ, ຖືກຕ້ອງຕາມຫຼັກເຕັກນິກ-ວິຊາການ ເພື່ອໃຫ້ໂຄງການສຳເລັດຕາມກຳນົດເວລາ ແລະ ຮັບປະກັນຄຸນນະພາບໃຫ້ໄດ້ມາດຕະຖານຢ່າງແທ້ຈິງ ແນໃສ່ສ້າງຄວາມເປັນລະບຽບຮຽບຮ້ອຍ ແລະ ສ້າງໂສມໜ້າໃໝ່ໃຫ້ແກ່ຕົວເມືອງໄຊ ແຂວງອຸດົມໄຊ ນັບມື້ດີຂຶ້ນ.ຂ່າວ: ແສງອາທິດ
ຄໍາເຫັນ