 |
ທ່ານ ໄຊຊະນະ ໂຄດພູທອນ ໄດ້ປາຖະກະຖາຍົກໃຫ້ເຫັນເຖິງຂະບວນການເຄື່ອນໄຫວວັນປະກາດເອກກະລາດໃນວັນທີ 12 ຕຸລາ 1945 ເປັນເທື່ອທຳອິດທີ່ປະຊາຊົນລາວໄດ້ກາຍເປັນເຈົ້າຂອງປະເທດຊາດ ຊຶ່ງການປະກາດເອກກະລາດ ໄດ້ເຮັດໃຫ້ຊາວໂລກໄດ້ຮັບຮູ້ກ່ຽວກັບຄວາມເປັນຊາດລາວຂອງພວກເຮົາ ກໍຄືຮັບຮູ້ອະທິປະໄຕ ແລະ ເຂດນ້ຳແດນດິນຂອງປະເທດລາວ ພ້ອມດຽວກັນນັ້ນຍັງໄດ້ຮັບຮູ້ລັດຖະບານຊົ່ວຄາວຂອງລາວ ແລະ ຮັບຮູ້ວ່າຊາດລາວ, ຄົນລາວ ກໍເປັນຄົນທີ່ມີກຽດ, ມີສັກສີເໝືອນກັບຄົນຊາດອື່ນໆ ແລະ ມີອິດສະຫຼະພາບເປັນຂອງຕົນເອງ ແລະ ມີການພັດທະນາຕົນເອງ ເພື່ອຄວາມຢູ່ດີກິນດີ ແລະ ມີການພັດທະນາຈະເລີນກ້າວໜ້າ. ຍ້ອນແນວນັ້ນ ພວກເຮົາຈຶ່ງກຳນົດເອົາວັນທີ 12 ຕຸລາ 1945 ເປັນວັນປະຫວັດສາດທີ່ມີຄວາມສຳຄັນຂອງຊາດ, ເປັນວັນແຫ່ງຄວາມເອກອ້າງທະນົງໃຈຕໍ່ຄວາມອາດຫານຊານໄຊໃນການຕໍ່ສູ້ບົນຈິດໃຈຍອມຕາຍດີກວ່າຍອມເປັນຂ້ອຍຂ້າ, ຕາຍເພື່ອຄວາມເປັນເອກະລາດ ດີກວ່າຢູ່ພາຍໃຕ້ການປົກຄອງຂອງຕ່າງຊາດ. ຈາກນັ້ນ, ມາມຮວັນທີ 12 ຕຸລາ 1945 ຈຶ່ງກາຍເປັນມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດ ຊຶ່ງໄຊຊະນະດັ່ງກ່າວລ້ວນແຕ່ຢູ່ພາຍໃຕ້ການນຳພາ - ຊີ້ນຳຂອງພັກປະຊາຊົນປະຕິວັດລາວ.
ໃນການຈັດຕັ້ງປາຖະກະຖາຄັ້ງນີ້: ກໍເພື່ອເຮັດໃຫ້ພະນັກງານ, ສະມາຊິກພັກ ທົ່ວ ອອປສ ມີຄວາມຮັບຮູ້ເຊື່ອມຊຶມ ແລະ ເຂົ້າໃຈຢ່າງເລິກເຊິ່ງຕໍ່ກັບວັນສຳຄັນດັ່ງກ່າວ ມີຄວາມຈົງຮັກພັກດີຕໍ່ພັກ, ຕໍ່ລັດ, ຕໍ່ປະເທດຊາດ, ເສີມຂະຫຍາຍທາດແທ້ມູນເຊື້ອປະຕິວັດ ແລະ ຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ມີຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທຳປະຕິວັດ ແລະ ກາຍເປັນພະນັກງານຜູ້ສືບທອດທີ່ດີຂອງພັກ ແລະ ພ້ອມກັນສືບຕໍ່ປົກປັກຮັກສາ ແລະ ສ້າງສາປະເທດຊາດ ໃຫ້ຈະເລີນຮຸ່ງເຮືອງຂຶ້ນໄປເລື້ອຍໆ.
(ຂ່າວ-ພາບ: ຕຸໄລເພັດ)
ຄໍາເຫັນ