(7 ພະຈິກ 1917–7 ພະຈິກ 2024) ຂຶ້ນໃນວັນທີ 8ພະຈິກນີ້ ທີ່ ອອປສ ໂດຍໃຫ້ກຽດປາຖະກະຖາຂອງສະຫາຍຄຳເພັດສົມວໍລະຈິດຄະນະປະຈຳພັກຮອງຫົວໜ້າອົງການ ອອປສ,ມີຄະນະບໍລິຫານງານພັກ, ຄະນະໜ່ວຍພັກ,ຫ້ອງການ, ບັນດາກົມ,ສະຖາບັນຄົ້ນຄວ້າແລະຝຶກອົບຮົມໄອຍະການ, ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.
ສະຫາຍ ຄຳເພັດ ສົມວໍລະຈິດໄດ້ຍົກໃຫ້ເຫັນປະຫວັດມູນເຊື້ອຄວາມເປັນມາການກຳເນີດເກີດຂຶ້ນຂອງລັດທິສັງຄົມນິຍົມ-ຣັດເຊຍຂອງຊົນຊັ້ນກຳມະກອນທຳອິດໃນປະຫວັດສາດຂອງມະນຸດ ແລະ ເຮັດໃຫ້ລັດທິສັງຄົມນິຍົມຈາກທິດສະດີ ກາຍມາເປັນຈິງໃນຊີວິດການເມືອງຂອງໂລກ. ພາຍຫຼັງສົງຄາມໂລກຄັ້ງທີ II ຢຸດຕິລົງ, ຂະບວນການຕໍ່ສູ້ປົດປ່ອຍຊາດໄດ້ຟົດຟື້ນຂຶ້ນທົ່ວໂລກ, ຫຼາຍປະເທດພາຍຫຼັງໄດ້ຮັບການປົດປ່ອຍກໍໄດ້ກ້າວເດີນໄປຕາມເສັ້ນທາງສັງຄົມນິຍົມ ອັນໄດ້ເຮັດໃຫ້ສັງຄົມນິຍົມກາຍເປັນລະບົບໜຶ່ງ ແຕ່ເອີຣົບຮອດອາຊີ ແລະ ອາເມຣິກາລາຕິນ. ສະຫະພາບໂຊວຽດໄດ້ໃຫ້ການສະໜັບສະໜູນຊ່ວຍເຫຼືອຢ່າງໃຫຍ່ຫຼວງຕໍ່ຂະບວນການກອມມູນິດ, ກຳມະກອນ ແລະ ຂະບວນການຕໍ່ສູ້ເພື່ອສັນຕິພາບ, ເອກະລາດ, ປະຊາທິປະໄຕ ແລະ ຄວາມກ້າວໜ້າທາງສັງຄົມໃນທົ່ວໂລກ. ສະນັ້ນ, ເປັນເວລາກວ່າເຄິ່ງສະຕະວັດສັງຄົມນິຍົມ ແລະ ສະຫະພາບໂຊວຽດໄດ້ກາຍເປັນກຳແພງເພັດແຫ່ງສັນຕິພາບໂລກ. ພາຍຫຼັງປະເທດເຮົາໄດ້ຮັບການປົດປ່ອຍຢ່າງສົມບູນ ໃນພາລະກິດແຫ່ງການປົກປັກຮັກສາ ແລະ ສ້າງສາປະເທດຊາດ, ສະຫະພາບໂຊວຽດໄດ້ຕັ້ງໜ້າໃຫ້ການສະໜັບສະໜູນຊ່ວຍເຫຼືອຕໍ່ປະເທດເຮົາຢ່າງໃຫຍ່ຫຼວງ ແລະ ຮອບດ້ານ ເປັນຕົ້ນດ້ານການເມືອງ, ເສດຖະກິດ, ສຶກສາ, ສາທາລະນະສຸກ, ວັດທະນະທຳ, ວິທະຍາສາດເຕັກໂນໂລຊີ, ການປ້ອງກັນຊາດ-ປ້ອງກັນຄວາມສະຫງົບ, ດ້ານການຕ່າງປະເທດ ແລະ ການກໍ່ສ້າງພະນັກງານ. ນອກຈາກນີ້, ການຮ່ວມມື ແລະ ການຊ່ວຍເຫຼືອຊຶ່ງກັນ ແລະ ກັນ ຂອງສະຫະພາບໂຊວຽດມີຫຼາຍກິດຈະກຳທີ່ເປັນພື້ນຖານໃຫ້ແກ່ສປປ ລາວ.
ການປະຕິວັດເດືອນຕຸລາຣັດເຊຍປະສົບຜົນສຳເລັດບໍ່ພຽງແຕ່ເປັນຂີດໝາຍການກຳເນີດຂອງລັດທິສັງຄົມນິຍົມທຳອິດໃນໂລກເທົ່ານັ້ນຫາກຍັງສ້າງປະຖົມປັດໄຈໃຫ້ການກຳເນີດຂອງລະບົບສັງຄົມນິຍົມ, ສາເຫດອັດຕະວິໄສນັ້ນລ້ວນແຕ່ມີຄວາມກ່ຽວຂ້ອງເຖິງການຢຶດໝັ້ນ, ຈົງຮັກພັກດີ, ໝູນໃຊ້, ພັດທະນາຂໍ້ລິເລີ່ມຂອງລັດທິມາກ-ເລນິນໃນວິວັດທະນາການປະຕິວັດສັງຄົມນິຍົມ ແລະ ພາລະກິດການກໍ່ສ້າງລັດທິສັງຄົມນິຍົມໄດ້ສະແດງໃຫ້ເຫັນກຳລັງແຮງຢ່າງພຽງພໍ ແລະ ລັກສະນະດີເລີດຂອງລັດທິສັງຄົມນິຍົມ.
ການປາຖະກະຖາໃນຄັ້ງນີ້, ເພື່ອໃຫ້ຄະນະບໍລິຫານງານພັກ, ຄະນະໜ່ວຍພັກ, ສະມາຊິກພັກ,ພະນັກງານຫຼັກແຫຼ່ງທົ່ວ ອອປສ ໄດ້ຮັບຮູ້ ແລະ ກໍາແໜ້ນໄດ້ເນື້ອໃນຢ່າງເລິກເຊິ່ງ ເພື່ອນໍາໄປເປັນບົດຮຽນເຂົ້າໃນວຽກງານທີ່ຮັບຜິດຊອບ.
(ຂ່າວ-ພາບ: ວັນເພັງ)
ຄໍາເຫັນ