ເພື່ອປະຕິບັດຕາມດຳລັດ ຂອງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ວ່າດ້ວຍການປະດັບຫຼຽນກາມິດຕະພາບ, ປະດັບຫຼຽນໄຊອິດສະຫຼະ ຊັ້ນ II ແລະ ຊັ້ນ III ໃຫ້ແກ່ກົມ ກອງ, ການນຳ ແລະ ບຸກຂອງແຂວງນາມດິງ ສສ ຫວຽກນາມ, ທີ່ມີຜົນງານ, ຄຸນງາມຄວາມດີ ໃນການປະກອບສ່ວນ ພົວພັນຮ່ວມມື ແລະ ຊ່ວຍເຫຼືອທຶນຮອນ ເພື່ອພັດທະນາແຂວງອຸດົມໄຊ ແລະ ສະເຫຼີມສະຫຼອງວັນສໍາຄັນຕ່າງໆ ໃນໄລຍະຜ່ານມາ. ດັ່ງນັ້ນ, ການນໍາແຂວງອຸດົມໄຊ ໄດ້ຕົກລົງເຫັນດີໃນການຄົ້ນຄ້ວາ ແລະ ນໍາສະເໜີ ລັດຖະບານ ແຫ່ງ ສປປ ລາວ, ປະດັບຫຼຽນໄຊ ອິດສະຫຼະ ຊັ້ນ II ແລະ ຊັ້ນ III ໃຫ້ບັນດາກົມ ກອງ ແລະ ບຸກຄົນດີເດັ່ນດັ່ງນີ້: ເຫັນດີປະດັບຫຼຽນກາມິດຕະພາບໃຫ້ແກ່ພະແນກສຶກສາ ແລະ ກໍ່ສ້າງແຂວງນາມດິງ, ປະດັບຫຼຽນໄຊອິດສະຫຼະຊັ້ນ II ໃຫ້ອະດີດການນໍາ ຈໍານວນ 1 ສະຫາຍ, ປະດັບຫຼຽນໄຊອິດສະຫຼະ ຊັ້ນ III ໃຫ້ 9 ສະຫາຍ. ຊຶ່ງປະດັບໂດຍສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ ເລຂາພັກແຂວງ ເຈົ້າແຂວງອຸດົມໄຊ.
ພິທີດັ່ງກ່າວຈັດຂຶ້ນໃນວັນທີ18 ມີນານີ້ ທີ່ຫ້ອງວ່າການພັກ ແຂວງນາມດິງ ສສຫວຽດນາມ ໂດຍມີການນຳທັງສອງແຂວງເຂົ້າຮ່ວມ.
(ຂ່າວ: ແສງອາທິດ)
ຄໍາເຫັນ