ບົດລາຍງານສະແດງໃຫ້ເຫັນວ່າ: ໃນໄລຍະຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 ຂອງຈີນ, ອຸດສາຫະກໍາພະລັງງານໄດ້ບັນລຸການພັດທະນາແບບຄູ່ກັນທັງໃນດ້ານການສະໜອງຢ່າງປອດໄພ ແລະ ການຫັນປ່ຽນຮູບແບບການພັດທະນາຕາມທິດສີຂຽວ ແລະ ກາກບອນຕໍ່າ. ພ້ອມດຽວກັນນີ້ອຸດສາຫະກໍາພະລັງງານໃໝ່ໄດ້ບັນລຸການພັດທະນາແບບກ້າວກະໂດດ, ສັງເກດໄດ້ຈາກກຳລັງຕິດຕັ້ງໄຟຟ້າພະລັງງານລົມ ແລະ ພະລັງງານແສງຕາເວັນໄດ້ເພີ່ມຂຶ້ນຈາກ 530 ລ້ານກິໂລວັດໃນປີ 2020 ຂຶ້ນເປັນ 1 ຕື້ 840 ລ້ານກິໂລວັດໃນປີ 2025, ຍອດປະລິມານກຳລັງຕິດຕັ້ງໄຟຟ້ານິວເຄລຍເປັນອັນດັບທີ 1 ຂອງໂລກ, ຂະນະທີ່ກຳລັງຕິດຕັ້ງໄຟຟ້າຊີວະພາບເປັນອັນດັບທີ 1 ຂອງໂລກເປັນເວລາ 7 ປີລຽນຕິດ.
ໃນຕໍ່ໜ້າ, ການພັດທະນາອຸດສາຫະກໍາພະລັງງານຂອງຈີນຈະອອກແຮງຊຸກຍູ້ການເພີ່ມປະສິດທິພາບຊຶ່ງກັນ ແລະ ກັນ ລະຫວ່າງປັນຍາປະດິດ ແລະ ພະລັງງານ ເພື່ອເປັນສິ່ງຄໍ້າປະກັນຢ່າງຮອບດ້ານໃຫ້ແກ່ການສ້າງລະບົບພະລັງງານທັນສະໄໝຮູບແບບໃໝ່ທີ່ມີຄວາມສະອາດ, ກາກບອນຕໍ່າ, ປອດໄພ ແລະ ມີປະສິດທິພາບສູງ.
ຄໍາເຫັນ