ໂດຍການເຂົ້າຮ່ວມຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ, ມີບັນດາສະຫາຍກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ກຳມະການສູນກາງພັກ ແລະ ບັນດາສະຫາຍອະດີດການນໍາຂອງພັກ ພ້ອມດ້ວຍບັນດາສະຫາຍການນໍາຂັ້ນສູງຈາກພາກສ່ວນກ່ຽວຂ້ອງເຂົ້າຮ່ວມ.
ໃນພິທີ, ສະຫາຍ ວິໄລວົງ ບຸດດາຄໍາ ກຳມະການສູນກາງພັກ ໄດ້ຂຶ້ນຜ່ານມະຕິຕົກລົງ ວ່າດ້ວຍການປະດັບຫຼຽນກາພັກປປລ70ປີໃຫ້ແກ່ບັນດາສະຫາຍການນໍາແລະອະດີດການນໍາ ຊຶ່ງລວມມີ 5 ຊຸດ ໂດຍປະດັບໃຫ້ 37 ສະຫາຍ ດັ່ງນີ້:
ຊຸດທີ 1: ປະດັບໃຫ້ ສະຫາຍ ຈູມມາລີ ໄຊຍະສອນ ແລະ ສະຫາຍ ບຸນຍັງ ວໍລະຈິດ ອະດີດເລຂາທິການໃຫຍ່ ຄະນະບໍລິຫານງານສູນກາງພັກ ອະດີດປະທານປະເທດ ໂດຍແມ່ນສະຫາຍ ທອງລຸນ ສີສຸລິດ ເປັນຜູ້ຂຶ້ນປະດັບຫຼຽນໃຫ້.
ຊຸດທີ 2: ປະດັບໃຫ້ ສະຫາຍ ທອງລຸນ ສີສຸລິດ ໂດຍສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ເປັນຜູ້ຂຶ້ນປະດັບໃຫ້.
ຊຸດທີ3: ປະດັບໃຫ້ບັນດາສະຫາຍກໍາມະການກົມການເມືອງສູນກາງພັກ ແລະ ອະດີດກໍາມະການກົມການເມືອງສູນກາງພັກ ຈໍານວນ 16 ສະຫາຍ ຊຶ່ງປະກອບມີ ສະຫາຍ ທອງສິງ ທໍາມະວົງ, ສະຫາຍ ພັນຄໍາ ວິພາວັນ, ສະຫາຍ ອາຊາງ ລາວລີ, ສະຫາຍ ສົມສະຫວາດ ເລັ່ງສະຫວັດ, ສະຫາຍ ຈັນສີ ໂພສີຄໍາ, ສະຫາຍ ນາງ ປານີ ຢາທໍ່ຕູ້, ສະຫາຍ ບຸນທອງ ຈິດມະນີ, ສະຫາຍ ໄຊສົມພອນ ພົມວິຫານ, ສະຫາຍ ສອນໄຊ ສີພັນດອນ, ສະຫາຍ ພົນເອກ ຈັນສະໝອນ ຈັນຍາລາດ, ສະຫາຍ ຄໍາພັນ ພົມມະທັດ, ສະຫາຍ ສິນລະວົງ ຄຸດໄພທູນ, ສະຫາຍ ກິແກ້ວ ໄຂຄໍາພິທູນ, ສະຫາຍ ພົນເອກ ວິໄລ ຫຼ້າຄໍາຟອງ, ສະຫາຍ ນາງ ສີໃສ ລືເດດມູນສອນ, ສະຫາຍ ສະເຫຼີມໄຊ ກົມມະສິດ; ສະຫາຍ ທອງລຸນ ສີສຸລິດ ໄດ້ຂຶ້ນປະດັບຫຼຽນໃຫ້ 16 ສະຫາຍນີ້.
ຊຸດທີ 4: ປະດັບໃຫ້ບັນດາສະຫາຍຄະນະເລຂາທິການສູນກາງພັກ ແລະ ອະດີດຄະນະເລຂາທິການສູນກາງພັກ ຈໍານວນ 8 ສະຫາຍ ໂດຍແມ່ນ ສະຫາຍ ບຸນທອງ ຈິດມະນີ ເປັນຜູ້ຂຶ້ນປະດັບໃຫ້ ຊຶ່ງປະກອບມີ ສະຫາຍ ແສງນວນ ໄຊຍະລາດ, ສະຫາຍ ສົມແກ້ວ ສີລາວົງ, ສະຫາຍ ສົມບັດ ເຢຍລີເຮີ, ສະຫາຍ ຄໍາພັນ ເຜີຍຍະວົງ, ສະຫາຍ ອານຸພາບ ຕຸນາລົມ, ສະຫາຍ ທອງສະລິດ ມັງໜໍ່ເມກ, ສະຫາຍ ນາງ ສູນທອນ ໄຊຍະຈັກ, ສະຫາຍ ນາງ ວຽງທອງ ສີພັນດອນ.
ຊຸດທີ 5: ປະດັບໃຫ້ບັນດາສະຫາຍຮອງປະທານສະພາແຫ່ງຊາດ, ອະດີດຮອງປະທານສະພາແຫ່ງຊາດ ແລະ ອະດີດດານນໍາຂອງພັກ-ລັດ ຈໍານວນ 8 ສະຫາຍ ໂດຍແມ່ນ ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ ເປັນຜູ້ຂຶ້ນປະດັບໃຫ້ ຊຶ່ງປະກອບມີ ສະຫາຍ ບົວສອນ ບຸບຜາວັນ, ສະຫາຍ ສົມພັນ ແພງຄໍາມີ, ສະຫາຍ ບຸນປອນ ບຸດຕະນະວົງ, ສະຫາຍ ສົມດີ ດວງດີ, ສະຫາຍ ຈະເລີນ ເຢຍປາວເຮີ, ສະຫາຍ ສົມມາດ ພົນເສນາ, ສະຫາຍ ຄໍາໃບ ດຳລັດ, ສະຫາຍ ສຸວອນ ເລືອງບຸນມີ.
ການປະດັບຫຼຽນໃນຄັ້ງນີ້,ເປັນການຍ້ອງຍໍສັນລະເສີນຄຸນງາມຄວາມດີແລະຜົນງານອັນໃຫຍ່ຫຼວງຂອງບັນດາການນຳ, ອະດີດການນຳພັກ-ລັດທີ່ໄດ້ອຸທິດຕົນເຂົ້າໃນການປະຕິບັດໜ້າທີ່ນຳພາ-ຊີ້ນຳໃນການປົກປັກຮັກສາ, ສ້າງສາພັດທະນາປະເທດຊາດແລະພາລະກິດປ່ຽນແປງໃໝ່ໃນໄລຍະຜ່ານມາເຮັດໃຫ້ປະເທດຊາດໄດ້ຮັບການພັດທະນາຢ່າງຕໍ່ເນື່ອງ, ເສດຖະກິດ-ສັງຄົມມີການຂະຫຍາຍຕົວ,ປະຊາຊົນນັບມື້ໄດ້ຮັບການປັງປຸງໃຫ້ຊີວິດການເປັນຢູ່ດີຂຶ້ນ ແລະ ມີຄວາມຢູ່ດີກິນດີໃນເທື່ອລະກ້າວ.
(ຂ່າວ: ສຸກສະຫວັນ, ພາບ: ພູວຽງຄໍາ)
ຄໍາເຫັນ