ໃນໄລຍະຜ່ານມາ, ເນື່ອງໃນໂອກາດສະເຫຼີມສະຫຼອງ ວັນເຊັນສົນທິສັນຍາມິດຕະພາບການຮ່ວມມື ລາວ-ຫວຽດນາມ ຄົບຮອບ 45 ປີ (18 ກໍລະກົດ 1977-18 ກໍລະກົດ 2022) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5 ກັນຍາ 1962-5 ກັນຍາ 2022).
ພິທີດັ່ງກ່າວ, ໄດ້ຈັດຂຶ້ນໃນວັນທີ 14 ມັງກອນຜ່ານມາ, ທີ່ແຂວງກວາງຈິ ສສ ຫວຽດນາມ, ໂດຍ ອົງການປົກຄອງແຂວງຈຳປາສັກ ສປປ ລາວ ຮ່ວມກັບ ຄະນະກຳມະການປະຊາຊົນແຂວງກວາງຈິ ສສ ຫວຽດນາມ ຊຶ່ງອີງຕາມລັດຖະດໍາລັດ ຂອງປະທານປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 217/ປປທ, ລົງວັນທີ 20 ພະຈິກ 2023; ອີງຕາມໃບມອບສິດຂອງທ່ານນາຍົກລັດຖະມົນຕີ ສປປ ລາວ, ເລກທີ 247/ນ.ຍ, ກໍຄືລັດຖະບານ ມອບສິດໃຫ້ ເຈົ້າແຂວງຈໍາປາສັກ ຕາງໜ້າໃຫ້ລັດຖະບານລາວ ແລະ ຕາງໜ້າໃຫ້ອົງການປົກຄອງແຂວງຈຳປາສັກ ເປັນກຽດປະດັບຫຼຽນໄຊແຮງງານ ຊັ້ນ I ໃນຄັ້ງນີ້ ໂດຍທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ ປະທານສະມາຄົມມິດຕະພາບລາວ-ຫວຽດນາມແຂວງ ແລະ ຕາງໜ້າໃຫ້ ຄະນະພັກ-ຄະນະກຳມະການປະຊາຊົນແຂວງກວາງຈິ ຂື້ນຮັບໂດຍ ທ່ານ ຮວ່າງ ນາມ ຮອງປະທານຄະນະກຳມະການປະຊາຊົນແຂວງກວາງຈິ ແລະ ຄະນະ, ມີພາກສ່ວນກ່ຽວຂ້ອງຂອງສອງຝ່າຍເຂົ້າຮ່ວມ.
(ຂ່າວ: ທັດຊະນະ)
ຄໍາເຫັນ