ຈຸດສຸມບ້ານນາປົ່ງ ແລະ ຈຸດສຸມບ້ານຄຳທອງ ເມືອງຄົງເຊໂດນ ແຂວງສາລະວັນ ໄດ້ຮັບຮອງເປັນຕົວເມືອງນ້ອຍໃນຊົນນະບົດ ເປັນບ້ານທຳອິດຂອງເມືອງຂອງແຂວງສາລະວັນຊຶ່ງໄດ້ຈັດພິທີປະກາດ ໃນວັນທີ 25 ທັນວາ ຜ່ານມາ, ໂດຍໃຫ້ກຽດເຂົ້າຮ່ວມຂອງ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທຳ-ສັງຄົມ, ທ່ານ ສະໄໝ ໂພທິສານ ເຈົ້າເມືອງຄົງເຊໂດນ, ມີການນຳແຂວງ, ການນຳຂອງເມືອງທົ່ວແຂວງ, ພະນັກງານອາວຸໂສບຳນານ, ການນໍາຂອງພະແນກການ, ອົງການທຽບເທົ່າອ້ອມຂ້າງແຂວງ, ຂະແໜງການກ່ຽວຂ້ອງ, ນັກທຸລະກິດ, ຜູ້ປະກອບການ ຕະຫຼອດຮອດອໍານາດການປົກຄອງ ແລະ ພໍ່ແມ່ປະຊາຊົນພາຍໃນກຸ່ມບ້ານດັ່ງກ່າວ ເຂົ້າຮ່ວມ.
ໃນພິທີປະກາດທັງສອງຈຸດສຸມ ແມ່ນໄດ້ມີການລາຍງານຜົນສຳເລັດຂອງການສ້າງບ້ານເປັນຕົວເມືອງໃນຊົນນະບົດ ໂດຍໄດ້ອີງໃສ່ການປະເມີນຕາມດຳລັດ 348/ລບ, ມີ 16 ມາດຖານ ເຫັນວ່າໄດ້ຕາມຄາດໝາຍເປັນສ່ວນຫຼາຍ ໂດຍສະເພາະບ້ານນາປົ່ງ ທີ່ເປັນໃຈກາງທາງດ້ານເສດຖະກິດ ມີ 3 ທ່າແຮງຕົ້ນຕໍ ເຊັ່ນ: ການປູກຝັງ, ລ້ຽງສັດ ແລະ ຄ້າຂາຍ-ບໍລິການ ຕາມແຄມເສັ້ນທາງ ເລກທີ 13 ໃຕ້, ມີຫົວໜ່ວຍຜະລິດເປັນສິນຄ້າທີ່ໝັ້ນຄົງ ຄື: ການບໍລິການປີ້ງໄກ່, ການລ້ຽງໝູເປັນສິນຄ້າ, ມີເສັ້ນທາງຄົມມະນາຄົມ ທີ່ເຊື່ອມຈອດກັບບັນດາບ້ານ, ເມືອງ ໄດ້ຢ່າງສະດວກສະບາຍ, ມີຕະຫຼາດຖາວອນ 1 ແຫ່ງ ແລະ ມີການບໍລິການຊື້-ຂາຍ ຢ່າງເປັນຂະບວນຟົດຟື້ນ, ທັງເປັນບ້ານ ທີ່ຂຶ້ນກັບເຂດປົກຄຸມຂອງໂຮງໝໍເມືອງຄົງເຊໂດນ, ການຊົມໃຊ້ລະບົບໄຟຟ້າ, ນ້ຳປະປາຊຸມຊົນ ແລະ ມີໂຮງຮຽນອະນຸບານ 1 ແຫ່ງ, ປະຖົມສົມບູນ 1 ແຫ່ງ ແລະ ໂຮງຮຽນມັດທະຍົມ 1 ແຫ່ງ ທັງສາມາດເຂົ້າເຖິງດ້ານການບໍລິການເຕັກນິກກະສິກຳ, ການປູກ-ການລ້ຽງຊຶ່ງປະຊາຊົນສ່ວນໃຫຍ່ໃນບ້ານນາປົ່ງ ມີອາຊີບຖາວອນໃນການດໍາເນີນກິດຈະການ ສະເລ່ຍລາຍຮັບ 13 ລ້ານກີບຕໍ່ຄົນຕໍ່ປີ ຊຶ່ງປະກອບມີ 5 ບ້ານ ທີ່ເຊື່ອມໂຍງກັນ ແລະ ເປັນຈຸດສຸມໜຶ່ງ ດ້ານຂອດການບໍລິການ ຊື້-ຂາຍ ມີການພົວພັນກັນ ຄື: ບ້ານນາປົ່ງ, ບ້ານດິນກອກ, ບ້ານກຸດມີໄຊ, ບ້ານໂຮງເລື່ອຍມີໄຊ ແລະ ບ້ານນາໂພ, ລວມມີພົນລະເມືອງ 5.134 ຄົນຍິງ 2.676 ຄົນ ກວມເອົາ 100% ຂອງມາດຖານ ແລະ ເງື່ອນໄຂ.
ສຳລັບຈຸດສຸມກຸ່ມບ້ານຄຳທອງ ແມ່ນໄດ້ຮັບນາມມະຍົດບ້ານຕ່າງໆ ເຊັ່ນ: ບ້ານພັດທະນາ, ບ້ານສາມັກຄີປອງດອງ, ບ້ານສະເໝີພາບຍິງ-ຊາຍ, ບ້ານວັດທະນະທຳ ແລະ ອື່ນໆ, ມີຫົວໜ່ວຍການຜະລິດເປັນສິນຄ້າທີ່ໝັ້ນຄົງ, ເປັນໃຈກາງທາງດ້ານເສດຖະກິດ, ມີເສັ້ນທາງທີ່ເຊື່ອມຈອດຫຼາຍບ້ານ ແລະ ມີຕະຫຼາດຖາວອນ 1 ແຫ່ງ ທີ່ບໍລິການຊື້-ຂາຍ ແລກປ່ຽນສິນຄ້າຢ່າງຟົດຟື້ນ, ທັງສາມາດເຂົ້າເຖິງການບໍລິການລາວໂທລະຄົມມະນາຄົມ, ສັນຍານໂທລະສັບກວມທຸກພື້ນທີ່ ແລະ ເຂົ້າເຖິງການບໍລິການສິນເຊື່ອຂອງທະນາຄານ ກູ້ຢືມເພື່ອທຳການຜະລິດ ແລະ ເປັນບ້ານທີ່ນອນໃນທີ່ປົກຄຸມຂອງໂຮງໝໍເມືອງ, ປະຊາຊົນໄດ້ນຳໃຊ້ນ້ຳສະອາດ, ໄດ້ຊົມໃຊ້ນຳປະປາ, ນ້ຳບາດານ ແລະ ລະບົບການຊົມໃຊ້ໄຟຟ້າ ກວມ 100%, ມີໂຮງຮຽນ 4 ແຫ່ງ ເຊັ່ນ: ອະນຸບານ, ປະຖົມສົມບູນ 2 ແຫ່ງ ແລະ ໂຮງຮຽນມັດທະຍົມ, ປະຊາຊົນ ບ້ານຄຳທອງ ມີອາຊີບຖາວອນ ມີລາຍໄດ້ສະເລ່ຍ 6 ລ້ານກີບຕໍ່ຄົນຕໍ່ປີ. ບ້ານຄຳທອງ ແມ່ນຈຸດສຸມໜຶ່ງ ທີ່ນອນໃນຈຸດສຸມຂອງເມືອງ ເປັນຈຸດໃຈກາງຂອງ 6 ບ້ານ ຄື: ບ້ານຄຳທອງ, ຫີນສີ່ວ, ໂນນສຳລານ, ໂຄກຫີນກອງ, ໜອງຄຸລຸ ແລະ ບ້ານໜອງແຕງ. ມາດຖານເງື່ອນໄຂ ແລະ ຕົວຊີ້ບອກ ແລະ ຜ່ານການປະເມີນ ທັງສອງກຸ່ມບ້ານ ແມ່ນສາມາດຈັດຕັ້ງປະຕິບັດບັນລຸຕາມມາດຖານ ກວມເປັນສ່ວນໃຫຍ່ ຈຶ່ງໄດ້ຮັບຮອງເອົາບ້ານຕົວເມືອງນ້ອຍໃນຊົນນະບົດ.
ໃນໂອກາດດັ່ງກ່າວ, ທ່ານ ສົມໃຈ ອຸ່ນຈິດ ໄດ້ມອບໃບຢັ້ງຢືນ ບ້ານໃຫຍ່ເປັນຕົວເມືອງໃນຊົນນະບົດ ໃຫ້ແກ່ ບ້ານນາປົ່ງ ກຸ່ມບ້ານນາປົ່ງ ເມືອງຄົງເຊໂດນ ແລະ ບ້ານຄຳທອງ, ຕາງໜ້າຮັບໂດຍ ທ່ານ ສະໄໝ ໂພທິສານ ພ້ອມທັງຕັດແຖບຜ້າ, ເປີດປ້າຍຮັບຮອງເອົາຈຸດສຸມ ແລະ ລັ່ນຄ້ອງ 9 ບາດເພື່ອເປັນສິລິມຸງຄຸນ.
(ຂ່າວ-ພາບ: ວິໄລວອນ ສິດທິໄຊ)
ໃນພິທີປະກາດທັງສອງຈຸດສຸມ ແມ່ນໄດ້ມີການລາຍງານຜົນສຳເລັດຂອງການສ້າງບ້ານເປັນຕົວເມືອງໃນຊົນນະບົດ ໂດຍໄດ້ອີງໃສ່ການປະເມີນຕາມດຳລັດ 348/ລບ, ມີ 16 ມາດຖານ ເຫັນວ່າໄດ້ຕາມຄາດໝາຍເປັນສ່ວນຫຼາຍ ໂດຍສະເພາະບ້ານນາປົ່ງ ທີ່ເປັນໃຈກາງທາງດ້ານເສດຖະກິດ ມີ 3 ທ່າແຮງຕົ້ນຕໍ ເຊັ່ນ: ການປູກຝັງ, ລ້ຽງສັດ ແລະ ຄ້າຂາຍ-ບໍລິການ ຕາມແຄມເສັ້ນທາງ ເລກທີ 13 ໃຕ້, ມີຫົວໜ່ວຍຜະລິດເປັນສິນຄ້າທີ່ໝັ້ນຄົງ ຄື: ການບໍລິການປີ້ງໄກ່, ການລ້ຽງໝູເປັນສິນຄ້າ, ມີເສັ້ນທາງຄົມມະນາຄົມ ທີ່ເຊື່ອມຈອດກັບບັນດາບ້ານ, ເມືອງ ໄດ້ຢ່າງສະດວກສະບາຍ, ມີຕະຫຼາດຖາວອນ 1 ແຫ່ງ ແລະ ມີການບໍລິການຊື້-ຂາຍ ຢ່າງເປັນຂະບວນຟົດຟື້ນ, ທັງເປັນບ້ານ ທີ່ຂຶ້ນກັບເຂດປົກຄຸມຂອງໂຮງໝໍເມືອງຄົງເຊໂດນ, ການຊົມໃຊ້ລະບົບໄຟຟ້າ, ນ້ຳປະປາຊຸມຊົນ ແລະ ມີໂຮງຮຽນອະນຸບານ 1 ແຫ່ງ, ປະຖົມສົມບູນ 1 ແຫ່ງ ແລະ ໂຮງຮຽນມັດທະຍົມ 1 ແຫ່ງ ທັງສາມາດເຂົ້າເຖິງດ້ານການບໍລິການເຕັກນິກກະສິກຳ, ການປູກ-ການລ້ຽງຊຶ່ງປະຊາຊົນສ່ວນໃຫຍ່ໃນບ້ານນາປົ່ງ ມີອາຊີບຖາວອນໃນການດໍາເນີນກິດຈະການ ສະເລ່ຍລາຍຮັບ 13 ລ້ານກີບຕໍ່ຄົນຕໍ່ປີ ຊຶ່ງປະກອບມີ 5 ບ້ານ ທີ່ເຊື່ອມໂຍງກັນ ແລະ ເປັນຈຸດສຸມໜຶ່ງ ດ້ານຂອດການບໍລິການ ຊື້-ຂາຍ ມີການພົວພັນກັນ ຄື: ບ້ານນາປົ່ງ, ບ້ານດິນກອກ, ບ້ານກຸດມີໄຊ, ບ້ານໂຮງເລື່ອຍມີໄຊ ແລະ ບ້ານນາໂພ, ລວມມີພົນລະເມືອງ 5.134 ຄົນຍິງ 2.676 ຄົນ ກວມເອົາ 100% ຂອງມາດຖານ ແລະ ເງື່ອນໄຂ.
ສຳລັບຈຸດສຸມກຸ່ມບ້ານຄຳທອງ ແມ່ນໄດ້ຮັບນາມມະຍົດບ້ານຕ່າງໆ ເຊັ່ນ: ບ້ານພັດທະນາ, ບ້ານສາມັກຄີປອງດອງ, ບ້ານສະເໝີພາບຍິງ-ຊາຍ, ບ້ານວັດທະນະທຳ ແລະ ອື່ນໆ, ມີຫົວໜ່ວຍການຜະລິດເປັນສິນຄ້າທີ່ໝັ້ນຄົງ, ເປັນໃຈກາງທາງດ້ານເສດຖະກິດ, ມີເສັ້ນທາງທີ່ເຊື່ອມຈອດຫຼາຍບ້ານ ແລະ ມີຕະຫຼາດຖາວອນ 1 ແຫ່ງ ທີ່ບໍລິການຊື້-ຂາຍ ແລກປ່ຽນສິນຄ້າຢ່າງຟົດຟື້ນ, ທັງສາມາດເຂົ້າເຖິງການບໍລິການລາວໂທລະຄົມມະນາຄົມ, ສັນຍານໂທລະສັບກວມທຸກພື້ນທີ່ ແລະ ເຂົ້າເຖິງການບໍລິການສິນເຊື່ອຂອງທະນາຄານ ກູ້ຢືມເພື່ອທຳການຜະລິດ ແລະ ເປັນບ້ານທີ່ນອນໃນທີ່ປົກຄຸມຂອງໂຮງໝໍເມືອງ, ປະຊາຊົນໄດ້ນຳໃຊ້ນ້ຳສະອາດ, ໄດ້ຊົມໃຊ້ນຳປະປາ, ນ້ຳບາດານ ແລະ ລະບົບການຊົມໃຊ້ໄຟຟ້າ ກວມ 100%, ມີໂຮງຮຽນ 4 ແຫ່ງ ເຊັ່ນ: ອະນຸບານ, ປະຖົມສົມບູນ 2 ແຫ່ງ ແລະ ໂຮງຮຽນມັດທະຍົມ, ປະຊາຊົນ ບ້ານຄຳທອງ ມີອາຊີບຖາວອນ ມີລາຍໄດ້ສະເລ່ຍ 6 ລ້ານກີບຕໍ່ຄົນຕໍ່ປີ. ບ້ານຄຳທອງ ແມ່ນຈຸດສຸມໜຶ່ງ ທີ່ນອນໃນຈຸດສຸມຂອງເມືອງ ເປັນຈຸດໃຈກາງຂອງ 6 ບ້ານ ຄື: ບ້ານຄຳທອງ, ຫີນສີ່ວ, ໂນນສຳລານ, ໂຄກຫີນກອງ, ໜອງຄຸລຸ ແລະ ບ້ານໜອງແຕງ. ມາດຖານເງື່ອນໄຂ ແລະ ຕົວຊີ້ບອກ ແລະ ຜ່ານການປະເມີນ ທັງສອງກຸ່ມບ້ານ ແມ່ນສາມາດຈັດຕັ້ງປະຕິບັດບັນລຸຕາມມາດຖານ ກວມເປັນສ່ວນໃຫຍ່ ຈຶ່ງໄດ້ຮັບຮອງເອົາບ້ານຕົວເມືອງນ້ອຍໃນຊົນນະບົດ.
ໃນໂອກາດດັ່ງກ່າວ, ທ່ານ ສົມໃຈ ອຸ່ນຈິດ ໄດ້ມອບໃບຢັ້ງຢືນ ບ້ານໃຫຍ່ເປັນຕົວເມືອງໃນຊົນນະບົດ ໃຫ້ແກ່ ບ້ານນາປົ່ງ ກຸ່ມບ້ານນາປົ່ງ ເມືອງຄົງເຊໂດນ ແລະ ບ້ານຄຳທອງ, ຕາງໜ້າຮັບໂດຍ ທ່ານ ສະໄໝ ໂພທິສານ ພ້ອມທັງຕັດແຖບຜ້າ, ເປີດປ້າຍຮັບຮອງເອົາຈຸດສຸມ ແລະ ລັ່ນຄ້ອງ 9 ບາດເພື່ອເປັນສິລິມຸງຄຸນ.
(ຂ່າວ-ພາບ: ວິໄລວອນ ສິດທິໄຊ)
ຄໍາເຫັນ