ປະກາດການຈັດຕັ້ງອົງການໄອຍະການປະຊາຊົນ ແຂວງອັດຕະປື

ທ່ານ ເພັດສະໝອນ ທອງສີທາວົງ ຮອງຫົວໜ້າກົມຈັດຕັ້ງ-ພະນັກງານ ອົງການໄອຍະການປະຊາຊົນສູງສຸດ ໄດ້ຂຶ້ນຜ່ານຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ວ່າດ້ວຍການປະກາດພະນັກງານ ຄື: ຍົກຍ້າຍ ທ່ານ ສຸພາສິດ ລໍວັນໄຊ ຫົວໜ້າ ແລະ ທ່ານ ບົວສອນ ສອນສຸກ ຮອງຫົວໜ້າອົງການໄອຍະການປະຊາຊົນແຂວງອັດຕະປື, ໄປປະຈຳການຢູ່ອົງການໄອຍະການປະຊາຊົນປະຈຳພາກໃຕ້ ຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 348/ອອປສ, ລົງວັນທີ 2 ພຶດສະພາ 2025, ຍົກຍ້າຍ ແລະ ແຕ່ງຕັ້ງ ທ່ານ ວິໄລວັນ ແກ້ວເຮືອງສີ ຮອງຫົວໜ້າອົງການໄອຍະການປະຊາຊົນພາກໃຕ້ ເປັນຫົວໜ້າອົງການໄອຍະການປະຊາຊົນແຂວງອັດຕະປືຜູ້ໃໝ່ ຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 349/ອອປສ, ລົງວັນທີ 2 ພຶດສະພາ 2025, ແຕ່ງຕັ້ງ ຍົກຍ້າຍ ທ່ານ ປັນຍາ ແສງອາລຸນ ຫົວໜ້າພະແນກຕິດຕາມກວດກາການດໍາເນີນຄະດີແພ່ງ ອົງການໄອຍະການປະຊາຊົນພາກໃຕ້ ເປັນຮອງຫົວໜ້າອົງການໄອຍະການປະຊາຊົນຜູ້ໃໝ່ ຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 352/ອອປສ, ລົງວັນທີ 2 ພຶດສະພາ 2025 ແລະ ຍົກຍ້າຍ ທ່ານ ບຸນເນື່ອງ ວີບູນເຫຼີມ ຫົວໜ້າພະແນກຄົ້ນຄວ້າຫຼັກສູດ ສະ ຖາບັນຄົ້ນຄວ້າ ແລະ ຝຶກອົບຮົມໄອຍະການ ອົງການໄອຍະການປະຊາຊົນສູງສຸດ ເປັນຮອງຫົວໜ້າອົງການໄອຍະການປະຊາຊົນແຂວງອັດຕະປືຜູ້ໃໝ່ ຕາມຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ສະບັບເລກທີ 351/ອອປສ, ລົງວັນທີ 2 ພຶດສະພາ 2025.

(ຂ່າວ: ໄພບູນ)