 |
ໃນພິທີ, ສະຫາຍ ນາງ ແສງແກ້ວ ວົງພະຈັນ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 625/ຄລສພ, ລົງວັນທີ 24 ມິຖຸນາ 2025 ຊຶ່ງໄດ້ແຕ່ງຕັ້ງ ສະຫາຍ ກິແກ້ວ ຈັນທະບູລີ ເປັນຮອງຫົວໜ້າ ຫສພ ຮອງຫົວໜ້າຄະນະປະຕິຮູບລັດວິສາຫະກິດ, ທັງເປັນຜູ້ປະຈໍາການ. ຈາກນັ້ນ, ສະຫາຍ ເພັດ ພົມພິພັກ ກໍໄດ້ຂຶ້ນມອບມະຕິຕົກລົງ ໃຫ້ ສະຫາຍ ກິແກ້ວ ຈັນທະບູລີ.
ໂອກາດນີ້, ສະຫາຍ ເພັດ ພົມພິພັກ ກໍໄດ້ມີຄໍາເຫັນໂອ້ລົມວ່າ: ການແຕ່ງຕັ້ງຕໍາແໜ່ງບໍລິຫານໃນຄັ້ງນີ້, ແມ່ນມີຄວາມໝາຍສໍາຄັນຫຼາຍ ແລະ ຖືເປັນເລື່ອງປົກກະຕິຂອງການຈັດຕັ້ງພັກ-ລັດພວກເຮົາ, ເພື່ອແນໃສ່ປັບປຸງບຸກຄາລາກອນໃຫ້ສອດຄ່ອງສົມຄູ່ກັບຄວາມຮຽກຮ້ອງຕ້ອງການຂອງວຽກງານໃນແຕ່ລະໄລຍະແລະຮັບປະກັນໃນການຈັດຕັ້ງປະຕິບັດໜ້າທີ່ວຽກງານຕາມການມອບໝາຍໃຫ້ສໍາເລັດ.
ພ້ອມນີ້, ກໍໄດ້ເນັ້ນໃຫ້ສະຫາຍທີ່ໄດ້ຮັບການແຕ່ງຕັ້ງຄັ້ງນີ້ ຕ້ອງເອົາໃຈໃສ່ຍົກສູງລະດັບຄວາມຮູ້, ຄວາມສາມາດດ້ານວຽກງານຂອງຕົນຢູ່ສະເໝີເພື່ອຮັບປະກັນໃນການເປັນເສນາທິການຮອບດ້ານໃນການປະຕິບັດລະບອບ ແລະ ແບບແຜນເຮັດວຽກງານໃຫ້ການນໍາຂັ້ນສູງໃນແຕ່ລະໄລຍະມີຜົນສໍາເລັດຕາມຄາດໝາຍ, ສົມທົບກັບພາກສ່ວນກ່ຽວຂ້ອງຄົ້ນຄວ້າ, ກໍາແໜ້ນແນວທາງນະໂຍບາຍ, ມະຕິ - ຄໍາສັ່ງຂອງພັກ - ລັດ ເພື່ອເຮັດໃຫ້ການສັງລວມຮ່າງເນື້ອໃນບົດຄໍາເຫັນ, ບົດໂອ້ລົມ, ບົດສູນທອນພົດ ແລະ ອື່ນໆມີເນື້ອໃນຄົບຖ້ວນ ແລະ ປະສານສົມທົບພາກສ່ວນກ່ຽວຂ້ອງເພື່ອຕິດຕາມ ແລະ ອໍານວຍຄວາມສະດວກໃນການເຄື່ອນໄຫວວຽກງານ, ການເບິ່ງແຍງສຸຂະພາບ, ການດໍາລົງຊີວິດ, ການປະຕິບັດນະໂຍບາຍຕໍ່ການນໍາ, ຮັກສາຄວາມປອດໄພໃຫ້ເປັນປົກກະຕິປະຈໍາວັນລວມທັງຄວາມປອດໄພໃນໄລຍະການເຄື່ອນໄຫວວຽກງານຢູ່ທ້ອງຖິ່ນ-ຕ່າງປະເທດ ແລະ ວຽກງານອື່ນຕາມການມອບໝາຍຂອງສູນກາງພັກ.
 |
(ຂ່າວ: ສຸກສະຫວັນ, ພາບ: ຫສພ)
ຄໍາເຫັນ