ປະກາດເລື່ອນຊັ້ນນາຍທະຫານພັນຕີ ຂຶ້ນຊັ້ນ ພັນໂທ 

ໂດຍປະຕິບັດຕາມກົດໝາຍນາຍທະຫານຂອງກອງທັບປະຊາຊົນລາວ ສະບັບປັບປຸງ ໃນພາກທີ II ໝວດທີ 3 ມາດຕາທີ 22 ແລະມາດຕາທີ 23 ວ່າດ້ວຍການເລື່ອນຊັ້ນນາຍທະຫານທີ່ມີຜົນງານ ແລະ ຄຸນງາມຄວາມດີໃນການຈັດຕັ້ງປະຕິບັດໜ້າທີ່ວຽກງານກໍຄືການຊີ້ນໍາ-ນໍາພາກົມກອງໃຫ້ມີການພັດທະນາ ແລະມີຄວາມເຂັ້ມແຂງ. ດັ່ງນັ້ນ, ໃນວັນທີ 6 ພະຈິກ ຜ່ານມານີ້ ທີ່ສະໂມສອນກອງບັນຊາການທະຫານແຂວງສະຫວັນນະເຂດ ໄດ້ຈັດພິທີປະກາດເລື່ອນຊັ້ນນາຍທະຫານ ຈາກຊັ້ນພັນຕີ ຂຶ້ນຊັ້ນພັນໂທ ຂອງບັນດາກົມກອງຢູ່ເຂດພາກກາງ ແລະພາກໃຕ້ ຈໍານວນ 135 ສະຫາຍ  ໂດຍການເປັນປະທານຂອງສະຫາຍ ພົນຕີ ວໍລະສານ ວິລັດດາວົງ ຄະນະປະຈໍາພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ພົນຈັດຕະວາ ສີ ທະວີໄຊ ຄະນະປະຈໍາແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ພ້ອມດ້ວຍຄະນະນາຍທະຫານທີ່ໄດ້ຮັບຊັ້ນເຂົ້າຮ່ວມ.
   ສະຫາຍ ພັນເອກ ຄໍາເອ້ຍ ສຸກແສງເໜືອ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ເລກທີ 5459/ກປທ ລົງວັນທີ 16 ຕຸລາ 2023 ວ່າດ້ວຍການເລື່ອນຊັ້ນນາຍທະຫານ ພັນຕີ ຂຶ້ນຊັ້ນພັນໂທ ຂອງບັນດາກົມກອງເຂດພາກກາງ ແລະ ພາກໃຕ້, ໃນນີ້ ກະຊວງປ້ອງກັນປະເທດຕົກລົງເລື່ອນຊັ້ນ, ເລື່ອນທຽບຊັ້ນ ພັນຕີ ຂຶ້ນຊັ້ນ ພັນໂທ ໃຫ້ນາຍທະຫານ ຂອງບັນດາກົມກອງກໍາລັງຫຼວງ ແລະກໍາລັງທ້ອງຖິ່ນຢູ່ເຂດພາກກາງ ແລະພາກໃຕ້ ຈໍານວນ 135 ສະຫາຍຄື: ກອງບັນຊາການທະຫານແຂວງສະຫວັນນະເຂດ 15ສະຫາຍ, ກອງບັນຊາການທະຫານແຂວງ ຄໍາມ່ວນ 9 ສະຫາຍ, ກອງບັນຊາການທະຫານແຂວງສາລະວັນ  9 ສະຫາຍ,ກອງບັນຊາການທະຫານແຂວງຈໍາປາສັກ8 ສະຫາຍ, ກອງບັນຊາການທະຫານແຂວງ ເຊກອງ  9ສະຫາຍ, ກອງບັນຊາການທະຫານແຂວງອັດຕະປື ມີ 11ສະຫາຍ, ກອງປະຕິບັດງານ 204 ແລະ ກອງປະຕິບັດງານ 219 ມີກອງລະ1ສະຫາຍ,ໂຮງໝໍບໍລິເວນ106 ມີ6 ສະຫາຍ,ໂຮງໝໍບໍລິເວນ 109ມີ2 ສະຫາຍ, ກອງລ້ຽງສັດເລກ 4 ມີ 1ສະຫາຍ, ສາງ ອໍ3 ແລະສາງ ອໍ4 ມີ 3 ສະຫາຍ,ໂຮງງານປະສານເຫຼົ່າພາກກາງ ມີ4ສະຫາຍ,ໂຮງງານປະສານເຫຼົ່າພາກໃຕ້ ມີ3ສະຫາຍ,ກອງພົນທະຫານຮາບທີ4 ມີ15ສະຫາຍ,ກອງພົນທະຫານຮາບທີ5 ມີ22ສະຫາຍ,ໂຮງຮຽນເລກ2ວຽງໄຊ ມີ10ສະຫາຍ,ກອງພັນໃຫຍ່645 ແລະ ກອງພັນໃຫຍ່611 ມີກອງລະ3ສະຫາຍ ລວມເປັນ6ສະຫາຍ.
ຂ່າວ-ພາບ:ສະຫວັນນະເຂດ