ປັດຈຸບັນທົ່ວແຂວງຄໍາມ່ວນເກັບກ່ຽວເຂົ້ານາປີໄດ້ແລ້ວ 54.680 ເຮັກຕາ

ການປູກເຂົ້ານາປີ 2023 ທົ່ວແຂວງຄຳມ່ວນ ມີເນື້ອທີ່ແຜນການ 89.848 ເຮັກຕາ, ຄາດຄະເນຜົນຜະລິດ 330.693 ໂຕນ. ໃນນີ້ເນື້ອທີ່ແຜນການປູກເຂົ້າເພື່ອເປັນສະບຽງອາຫານ 61.356 ເຮັກຕາ, ຄາດຄະເນຜົນຜະລິດ 222.533 ໂຕນ, ເນື້ອທີ່ແຜນການປູກເຂົ້າເພື່ອເປັນສິນຄ້າ 28.492 ເຮັກຕາ, ຄາດຄະເນຜົນຜະລິດ 108.160 ໂຕນ. 
ຜ່ານການຈັດຕັ້ງປະຕິບັດຕົວຈິງໃນທົ່ວແຂວງໄດ້ 86.519 ເຮັກຕາ. ໃນນີ້ເນື້ອທີ່ນາຫວ່ານປູກເຂົ້າໄດ້ 21.338 ເຮັກຕາ, ນາປັກດໍາໄດ້ 65.181 ເຮັກຕາ, ເນື້ອທີ່ນາຖືກນໍ້າຖ້ວມ 15.361 ເຮັກຕາ , ເນື້ອທີ່ນາຖືກເສຍຫາຍ 6.043 ເຮັກຕາ, ເນື້ອທີ່ນາທີ່ຍັງເຫຼືອຈາກນໍ້າຖ້ວມ 80.476 ເຮັກຕາ. 
ໃນນັ້ນເນື້ອທີ່ປູກເຂົ້າເພື່ອເປັນສະບຽງອາຫານປະຕິບັດໄດ້ 59.401 ເຮັກຕາ, ເສຍຫາຍຈາກນໍ້າຖ້ວມ 4.420 ເຮັກຕາ, ຍັງເຫຼືອ 54.981 ເຮັກຕາ, ເກັບກ່ຽວໄດ້ແລ້ວ 36.885 ເຮັກຕາເທົ່າກັບ 67,09% ຂອງເນື້ອຍັງເຫຼືອ, ເນື້ອທີ່ປູກເຂົ້າເພື່ອເປັນສິນຄ້າປະຕິບັດໄດ້ 27.118 ເຮັກຕາ, ເສຍຫາຍຈາກນໍ້າຖ້ວມ 1.623 ເຮັກຕາ, ຍັງເຫຼືອ 25.495 ເຮັກຕາ, ເກັບກ່ຽວໄດ້ແລ້ວ 17.795 ເຮັກຕາ ເທົ່າກັບ 69,80% ຂອງເນື້ອທີ່ຍັງເຫຼືອ.
ມາຮອດປັດຈຸບັນນີ້ຊາວນາໃນທົ່ວແຂວງສາມາດເກັບກ່ຽວເຂົ້າໄດ້ແລ້ວໃນເນື້ອທີ່ 54.680 ເຮັກຕາ ເທົ່າກັບ 67,95% ຂອງເນື້ອທີ່ເກັບກ່ຽວຕົວຈິງ. ພ້ອມກັນນັ້ນຊາວກະສິກອນຍັງໄດ້ປູກເຂົ້າເນີນສູງສໍາເລັດໃນເນື້ອທີ່ 360 ເຮັກຕາ, ສະມັດຖະພາບ 2,014 ໂຕນ/ເຮັກຕາ, ຜົນຜະລິດ 725 ໂຕນ ຊຶ່ງປະກອບມີ 2 ເມືອງຄື: ເມືອງບົວລະພາ 150 ເຮັກຕາ, ສະມັດຖະພາບ 2,06 ໂຕນ/ ເຮັກຕາ, ຜົນຜະລິດ 309 ໂຕນ ແລະ ເມືອງນາກາຍ 210 ເຮັກຕາ, ສະມັດຖະພາບ 1,98 ໂຕນ/ ເຮັກຕາ, ຜົນຜະລິດ 416 ໂຕນ. ສ່ວນວ່າການຜະລິດເມັດພັນທັງໝົດມີ 13 ກຸ່ມ ແລະ 1 ສູນພັດທະນາກະສິກໍາເຊບັ້ງໄຟມີເນື້ອທີ່ 128,8 ເຮັກຕາ.

ຂ່າວ-ພາບ: ແດງສະຫວັດ ແສນພານິດ