ອົງການໄອຍະການປະຊາຊົນສູງສຸດ (ອອປສ) ໄດ້ຈັດພິທີປາຖະກະຖາວັນສ້າງຕັ້ງອົງການໄອຍະການປະຊາຊົນ ຄົບຮອບ 34 ປີ (9 ມັງກອນ 1990-9 ມັງກອນ 2024) ຂຶ້ນໃນວັນທີ 4 ມັງກອນນີ້, ທີ່ອົງການດັ່ງກ່າວ ໂດຍການເປັນປະທານ ແລະ ໃຫ້ກຽດປາຖະກະຖາຂອງສະຫາຍ ບຸນທັນ ບຸນທະວິໄລ ຮອງເລຂາຄະນະບໍລິຫານງານພັກ ຮອງຫົວໜ້າ ອອປສ, ມີຄະນະບໍລິຫານງານພັກ, ຄະນະໜ່ວຍພັກ, ຫ້ອງການ, ຄະນະນໍາສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ບັນດາກົມ ແລະ ຄະນະພະແນກເຂົ້າຮ່ວມ.
ສະຫາຍ ບຸນທັນ ບຸນທະວິໄລ ໄດ້ຍົກໃຫ້ເຫັນສະພາບແວດລ້ອມຂອງການສ້າງຕັ້ງ, ການເຕີບໃຫຍ່ຂະ ຫຍາຍຕົວຂອງອົງການໄອຍະການປະຊາຊົນຕະຫຼອດໄລຍະ 34 ປີຜ່ານມາ. ໃນວັນທີ 23 ພະຈິກ 1989 ກອງປະຊຸມສະໄໝສາມັນຂອງສະພາປະຊາຊົນສູງສຸດ ຊຸດທີ II ໄດ້ຮັບຮອງເອົາກົດໝາຍ ວ່າດ້ວຍອົງການໄອຍະການປະຊາຊົນແຫ່ງສປປ ລາວ ສະບັບທຳອິດ ແລະ ປະກາດໃຊ້ໃນວັນທີ 9 ມັງກອນ 1990 ຊຶ່ງໄດ້ກຳນົດເອົາວັນດັ່ງກ່າວ ເປັນວັນສ້າງຕັ້ງອົງການໄອຍະການປະຊາຊົນຢ່າງເປັນທາງການ. ນັບແຕ່ໄດ້ຮັບການສ້າງຕັ້ງຂຶ້ນອົງການໄອຍະການປະຊາຊົນໄດ້ຕັ້ງໜ້າເຄື່ອນໄຫວປະຕິບັດພາລະບົດບາດ, ສິດ ແລະ ໜ້າທີ່ຂອງຕົນຕາມລັດ ຖະທຳມະນູນ ແລະ ກົດໝາຍຢ່າງເຂັ້ມງວດ ໃນການກວດກາການປະຕິບັດກົດໝາຍໃຫ້ຖືກຕ້ອງ ແລະ ເປັນເອກະພາບໃນທຸກກະຊວງ, ຄະນະກຳມະການແຫ່ງລັດ, ສຳນັກງານ, ວິສາຫະກິດ, ອົງການຈັດຕັ້ງອື່ນໆຂອງລັດ-ສັງຄົມ, ຄະນະກຳມະການປົກຄອງທ້ອງຖິ່ນ, ລັດຖະກອນ ແລະ ພົນລະເມືອງລາວ.
ຕະຫຼອດໄລຍະ 34 ປີຜ່ານມາ, ອົງການໄອຍະການປະຊາຊົນໄດ້ຮັບການປັບປຸງກໍ່ສ້າງເຕີບໃຫຍ່ຂະ ຫຍາຍຕົວນັບມື້ໜັກແໜ້ນເຂັ້ມແຂງ ໄດ້ປະກອບສ່ວນອັນສໍາຄັນເຂົ້າໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ເພື່ອປົກປັກຮັກສາຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທຳຂອງພົນລະ ເມືອງ, ຮັບປະກັນໃຫ້ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະ ຍຸຕິທຳ. ພ້ອມນັ້ນ, ຍັງໄດ້ຍົກໃຫ້ເຫັນຜົນງານພົ້ນເດັ່ນຫຼາຍດ້ານທີ່ອົງການໄອຍະການປະຊາຊົນຍາດມາໄດ້ໃນຕະຫຼອດໄລຍະຫຼາຍປີຜ່ານ ມາ ເປັນຕົ້ນລະບົບການຈັດຕັ້ງຂອງອົງການໄອຍະການປະຊາຊົນໄດ້ຮັບການປັບປຸງໃຫ້ມີຄວາມໜັກແໜ້ນ, ເຂັ້ມແຂງ ຮັບປະກັນໄດ້ການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນເປັນຢ່າງດີໃນຖັນແຖວພະນັກ ງານໄອຍະການໄດ້ຮັບການກໍ່ສ້າງ-ບຳລຸງ, ຍົກລະດັບທາງດ້ານຄຸນທາດການເມືອງ, ວິຊາສະເພາະ, ມີທັດສະນະຫຼັກໝັ້ນການເມືອງ, ມີຄຸນສົມບັດສິນທຳປະຕິວັດ ຮັບໃຊ້ປະຊາຊົນດ້ວຍຄວາມໂປ່ງໃສ, ຍຸຕິທຳ, ປະຕິບັດແນວ ທາງການຕ່າງປະເທດຂອງພັກ ແລະ ລັດຢ່າງເປັນເຈົ້າການ, ເພີ່ມທະວີການພົວພັນຮ່ວມມືກັບປະເທດເພື່ອນມິດຍຸດທະສາດ, ຮ່ວມມືກັບບັນດາປະເທດໃກ້ຄຽງ, ປະເທດສະມາຊິກອາຊຽນ ແລະ ອົງການຈັດຕັ້ງສາກົນຕ່າງໆຢ່າງເປັນເຈົ້າການ, ພັດທະນາວຽກງານໄອຍະການປະຊາຊົນຢ່າງມີປະສິດທິຜົນ, ເພີ່ມທະວີການນໍາພາຂອງພັກ ຕໍ່ວຽກງານໄອຍະການປະຊາຊົນ, ເອົາໃຈໃສ່ວຽກງານກໍ່ສ້າງພັກ, ຮັບປະກັນປົກຄອງດ້ວຍກົດໝາຍຢ່າງສັກສິດເຮັດໃຫ້ສັງຄົມມີຄວາມສະຫງົບ, ຍຸຕິທຳ ແລະ ສີວິໄລ. ຈາກນັ້ນ, ສະຫາຍ ບຸນທັນ ບຸນທະວິໄລ ຍັງໄດ້ເຜີຍ ແຜ່ແຜນແມ່ບົດ ວ່າດ້ວຍການສ້າງຄູ່ຮ່ວມຊາຕາກໍາລາວ-ຈີນ ສະບັບປີ 2024-2028 ຕື່ມອີກ.
(ຂ່າວ: ວັນເພັງ, ພາບ: ບຸນອູ້ມ)
ສະຫາຍ ບຸນທັນ ບຸນທະວິໄລ ໄດ້ຍົກໃຫ້ເຫັນສະພາບແວດລ້ອມຂອງການສ້າງຕັ້ງ, ການເຕີບໃຫຍ່ຂະ ຫຍາຍຕົວຂອງອົງການໄອຍະການປະຊາຊົນຕະຫຼອດໄລຍະ 34 ປີຜ່ານມາ. ໃນວັນທີ 23 ພະຈິກ 1989 ກອງປະຊຸມສະໄໝສາມັນຂອງສະພາປະຊາຊົນສູງສຸດ ຊຸດທີ II ໄດ້ຮັບຮອງເອົາກົດໝາຍ ວ່າດ້ວຍອົງການໄອຍະການປະຊາຊົນແຫ່ງສປປ ລາວ ສະບັບທຳອິດ ແລະ ປະກາດໃຊ້ໃນວັນທີ 9 ມັງກອນ 1990 ຊຶ່ງໄດ້ກຳນົດເອົາວັນດັ່ງກ່າວ ເປັນວັນສ້າງຕັ້ງອົງການໄອຍະການປະຊາຊົນຢ່າງເປັນທາງການ. ນັບແຕ່ໄດ້ຮັບການສ້າງຕັ້ງຂຶ້ນອົງການໄອຍະການປະຊາຊົນໄດ້ຕັ້ງໜ້າເຄື່ອນໄຫວປະຕິບັດພາລະບົດບາດ, ສິດ ແລະ ໜ້າທີ່ຂອງຕົນຕາມລັດ ຖະທຳມະນູນ ແລະ ກົດໝາຍຢ່າງເຂັ້ມງວດ ໃນການກວດກາການປະຕິບັດກົດໝາຍໃຫ້ຖືກຕ້ອງ ແລະ ເປັນເອກະພາບໃນທຸກກະຊວງ, ຄະນະກຳມະການແຫ່ງລັດ, ສຳນັກງານ, ວິສາຫະກິດ, ອົງການຈັດຕັ້ງອື່ນໆຂອງລັດ-ສັງຄົມ, ຄະນະກຳມະການປົກຄອງທ້ອງຖິ່ນ, ລັດຖະກອນ ແລະ ພົນລະເມືອງລາວ.
ຕະຫຼອດໄລຍະ 34 ປີຜ່ານມາ, ອົງການໄອຍະການປະຊາຊົນໄດ້ຮັບການປັບປຸງກໍ່ສ້າງເຕີບໃຫຍ່ຂະ ຫຍາຍຕົວນັບມື້ໜັກແໜ້ນເຂັ້ມແຂງ ໄດ້ປະກອບສ່ວນອັນສໍາຄັນເຂົ້າໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ເພື່ອປົກປັກຮັກສາຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທຳຂອງພົນລະ ເມືອງ, ຮັບປະກັນໃຫ້ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະ ຍຸຕິທຳ. ພ້ອມນັ້ນ, ຍັງໄດ້ຍົກໃຫ້ເຫັນຜົນງານພົ້ນເດັ່ນຫຼາຍດ້ານທີ່ອົງການໄອຍະການປະຊາຊົນຍາດມາໄດ້ໃນຕະຫຼອດໄລຍະຫຼາຍປີຜ່ານ ມາ ເປັນຕົ້ນລະບົບການຈັດຕັ້ງຂອງອົງການໄອຍະການປະຊາຊົນໄດ້ຮັບການປັບປຸງໃຫ້ມີຄວາມໜັກແໜ້ນ, ເຂັ້ມແຂງ ຮັບປະກັນໄດ້ການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນເປັນຢ່າງດີໃນຖັນແຖວພະນັກ ງານໄອຍະການໄດ້ຮັບການກໍ່ສ້າງ-ບຳລຸງ, ຍົກລະດັບທາງດ້ານຄຸນທາດການເມືອງ, ວິຊາສະເພາະ, ມີທັດສະນະຫຼັກໝັ້ນການເມືອງ, ມີຄຸນສົມບັດສິນທຳປະຕິວັດ ຮັບໃຊ້ປະຊາຊົນດ້ວຍຄວາມໂປ່ງໃສ, ຍຸຕິທຳ, ປະຕິບັດແນວ ທາງການຕ່າງປະເທດຂອງພັກ ແລະ ລັດຢ່າງເປັນເຈົ້າການ, ເພີ່ມທະວີການພົວພັນຮ່ວມມືກັບປະເທດເພື່ອນມິດຍຸດທະສາດ, ຮ່ວມມືກັບບັນດາປະເທດໃກ້ຄຽງ, ປະເທດສະມາຊິກອາຊຽນ ແລະ ອົງການຈັດຕັ້ງສາກົນຕ່າງໆຢ່າງເປັນເຈົ້າການ, ພັດທະນາວຽກງານໄອຍະການປະຊາຊົນຢ່າງມີປະສິດທິຜົນ, ເພີ່ມທະວີການນໍາພາຂອງພັກ ຕໍ່ວຽກງານໄອຍະການປະຊາຊົນ, ເອົາໃຈໃສ່ວຽກງານກໍ່ສ້າງພັກ, ຮັບປະກັນປົກຄອງດ້ວຍກົດໝາຍຢ່າງສັກສິດເຮັດໃຫ້ສັງຄົມມີຄວາມສະຫງົບ, ຍຸຕິທຳ ແລະ ສີວິໄລ. ຈາກນັ້ນ, ສະຫາຍ ບຸນທັນ ບຸນທະວິໄລ ຍັງໄດ້ເຜີຍ ແຜ່ແຜນແມ່ບົດ ວ່າດ້ວຍການສ້າງຄູ່ຮ່ວມຊາຕາກໍາລາວ-ຈີນ ສະບັບປີ 2024-2028 ຕື່ມອີກ.
(ຂ່າວ: ວັນເພັງ, ພາບ: ບຸນອູ້ມ)
ຄໍາເຫັນ