(9 ກັນຍາ 1948–9 ກັນຍາ 2024) ໃນວັນທີ 9 ກັນຍານີ້ ທີ່ກະຊວງປ້ອງກັນປະເທດ.
ໃຫ້ກຽດເຂົ້າຮ່ວມໃນພິທີມີ ສະຫາຍ ອາດສະພັງທອງ ສີພັນດອນກຳມະການສູນກາງພັກເຈົ້າຄອງນະຄອນຫຼວງວຽງຈັນປະທານສະມາຄົມມິດຕະພາບ ລາວ-ສປປ ເກົາຫຼີ, ສະຫາຍ ພົນຕີ ສອນທອງ ພົມລາວົງຄະນະປະຈຳພັກກະຊວງປ້ອງກັນປະເທດຮອງຫົວໜ້າກົມໃຫຍ່ການເມືອງກອງທັບ, ສະຫາຍ ວາລະໄຊ ເລັ່ງສະຫວັດກຳມະການຄະນະພັກຮອງຫົວໜ້າຄະນະພົວພັນຕ່າງປະເທດສູນກາງພັກ, ສະຫາຍ ກັງ ຊາງ ຢອນ (Kang Sung Ryon)ທີ່ປຶກສາທູດ ແຫ່ງ ສປປ ເກົາຫຼີ ປະຈຳ ສປປ ລາວ, ມີບັນດາການນໍາ ແລະ ພະນັກງານຫຼັກແຫຼ່ງ ຈາກກະຊວງປ້ອງກັນປະເທດ ແລະ ພາກສ່ວນກ່ຽວຂ້ອງທັງ ສປປ ເກົາຫຼີ ແລະ ສປປ ລາວ ເຂົ້າຮ່ວມ.
ໃນໂອກາດດັ່ງກ່າວ, ສະຫາຍ ກັງ ຊາງ ຢອນໄດ້ໃຫ້ກຽດຂຶ້ນກ່າວປາຖະກະຖາເຖິງຜົນງານໃນການນໍາພາ ຂອງພັກແຮງງານເກົາຫຼີ, ລັດຖະບານ ແລະ ປະຊາຊົນ ສປປ ເກົາຫຼີ ພາຍໃຕ້ການຊີ້ນໍາໆພາຂອງ ສະຫາຍ ກິມ ອິນ ຊຸງຜູ້ນຳທີ່ຍິ່ງໃຫຍ່ປະທານປະເທດຕະຫຼອດການ ແຫ່ງ ສປປ ເກົາຫຼີ, ຜູ້ນຳພາ ແສງສະຫວ່າງແນວຄິດຈຸດເຊ ໃນພາລະກິດປະຕິວັດຂອງພັກ, ກຳລັງປະກອບອາວຸດ ແລະ ປະຊາຊົນ ສປປ ເກົາຫຼີ ໃນຂະບວນວິວັດແຫ່ງການຕໍ່ສູ້ປົດປ່ອຍຊາດກໍຄືປົກປັກຮັກສາ ແລະ ສ້າງສາພັດທະນາປະເທດຊາດ ສປປ ເກົາຫຼີ; ສະຫາຍ ກິມ ເຈີງ ອິນຜູ້ນຳທີ່ຍິ່ງໃຫຍ່ເລຂາທິການໃຫຍ່ພັກແຮງງານເກົາຫຼີຕະຫຼອດການປະທານຄະນະກຳມາທິການ ປ້ອງກັນຊາດແຫ່ງ ສປປ ເກົາຫຼີ ຕະຫຼອດການ; ໃນປັດຈຸບັນພາຍໃຕ້ການນໍາພາຂອງ ສະຫາຍ ກິມ ເຈີງ ອູນຜູ້ນຳທີ່ເຄົາລົບຮັກເລຂາທິການໃຫຍ່ພັກແຮງງານເກົາຫຼີປະທານກິດຈະການແຫ່ງລັດແຫ່ງ ສປປ ເກົາຫຼີຜູ້ບັນຊາການສູງສຸດກຳລັງປະກອບອາວຸດແຫ່ງ ສປປ ເກົາຫຼີ ອັນໄດ້ເຮັດໃຫ້ ສປປ ເກົາຫຼີ ມີການພັດທະນາຮອບດ້ານ, ການເມືອງມີສະຖຽນລະພາບໜັກແໜ້ນ,ວຽກງານປ້ອງກັນຊາດປ້ອງກັນຄວາມສະຫງົບມີຄວາມເຂັ້ມແຂງທັນສະໄໝ, ເສດຖະກິດມີການພັດທະນາ, ຊີວິດການເປັນຢູ່ຂອງປະຊາຊົນ ສປປ ເກົາຫຼີ ໄດ້ຮັບການປັບປຸງດີຂຶ້ນເລື້ອຍໆຊຶ່ງເຮັດໃຫ້ຜູ້ເຂົ້າຮ່ວມໄດ້ຮັບຮູ້ເຖິງສະພາບການຕົວຈິງ ໃນການພັດທະນາກໍຄືຜົນສໍາເລັດອັນໃຫຍ່ຫຼວງທີ່ປະຊາຊົນ ສປປ ເກົາຫຼີ ຍາດມາໄດ້. ພ້ອມດຽວກັນນີ້ ສະຫາຍ ທີ່ປຶກສາທູດ ກໍຍັງໄດ້ຍົກໃຫ້ເຫັນເຖິງສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ລະຫວ່າງ ສອງພັກ, ສອງລັດ ແລະ ປະຊາຊົນ ສອງຊາດລາວ ແລະ ສປປ ເກົາຫຼີໃນໄລຍະຜ່ານມາ.
ພາຍຫຼັງທີ່ ສະຫາຍທີ່ປຶກສາທູດ ແຫ່ງ ສປປ ເກົາຫຼີ ປະຈຳ ສປປ ລາວ ສຳເລັດກ່າວປາຖະກະຖາ, ສະຫາຍ ພັອແກ້ວສຸວັນ ຜາງພິລາວົງ ຫົວໜ້າກົມໂຄສະນາອົບຮົມກຊ ປ້ອງກັນປະເທດໃນນາມຄະນະຈັດຕັ້ງພິທີກໍໄດ້ກ່າວສະແດງຄວາມຂອບໃຈຕໍ່ການໃຫ້ກຽດປາຖາກະຖາທີ່ມີເນື້ອໃນສໍາຄັນ ແລະ ມີຄວາມໝາຍເລິກເຊິ່ງຂອງ ສະຫາຍ ທີ່ປຶກສາທູດ ແລະ ເຊື່ອໝັ້ນວ່າ ພາຍໃຕ້ການນໍາພາອັນຖືກຕ້ອງ, ເດັດດ່ຽວ, ເຂັ້ມແຂງຂອງພັກແຮງງານເກົາຫຼີ, ອັນມີ ສະຫາຍ ກິມ ເຈິງ ອູນນັ້ນ, ປະຊາຊົນ ສປປ ເກົາຫຼີ ອ້າຍນ້ອງຈະສືບຕໍ່ຍາດໄດ້ຜົນສໍາເລັດໃໝ່ໃຫຍ່ຫຼວງກວ່າເກົ່າໃນພາລະກິດສ້າງສາປະເທດສັງຄົມນິຍົມໃຫ້ມີຄວາມມັ່ງຄັ່ງ ແລະ ເຂັ້ມແຂງ.
ໃນພິທີ, ຍັງໄດ້ມີການວາງສະແດງຮູບພາບ, ສາຍວິດີໂອ, ສະແດງສິລະປະ ແລະ ປາຖະກະຖາກ່ຽວກັບຜົນງານມູນເຊື້ອການຕໍ່ສູ້ ພາຍໃຕ້ການນໍາພາຂອງພັກແຮງງານເກົາຫຼີ ໃນໄລຍະຜ່ານມາ ແລະ ການປົກປັກຮັກສາ ແລະ ສ້າງສາພັດທະນາປະເທດຊາດ ສປປ ເກົາຫຼີໃນປັດຈຸບັນ.
(ຂ່າວ-ພາບ: ແສງຈັນ)
ຄໍາເຫັນ