 |
ທ່ານ ສໍາລານ ປະເສີດຄໍາຫຼ້າ ຜູ້ປະສານງານໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສິ່ງແວດລ້ອມຂັ້ນສູນກາງ ໄດ້ລາຍງານໃຫ້ຮູ້ວ່າ: ກຸ່ມປູກພືດຜັກເປັນສິນຄ້າ ຂອງດອນຊິງຊູ້ ເປັນກຸ່ມການຜະລິດໜຶ່ງຂອງຫຼາຍໆກຸ່ມ ທີ່ໄດ້ຮັບທຶນສະໜັບສະໜູນຈາກໂຄງການສົ່ງເສີມລະບົບຕ່ອງໂສ້ ການຜະລິດກະສິກຳເປັນສິນຄ້າ ທີ່ເປັນມິດຕໍ່ສິ່ງແວດລ້ອມ ຊຶ່ງເປັນທຶນຊ່ວຍເຫຼືອຈາກ ADB ເພື່ອຊຸກຍູ້ສົ່ງເສີມສ້າງຄວາມເຂັ້ມແຂງໃຫ້ກຸ່ມ, ສະຫະກອນ ແລະ ທຸລະກິດກະສິກໍາໃນການຜະລິດເຂົ້າ ແລະ ພືດຜັກເປັນສິນຄ້າຢູ່ໃນ ນວ ນັບແຕ່ເດືອນກັນຍາ 2023 ຈົນເຖິງປັດຈຸບັນ, ບັນດາກຸ່ມຜະລິດໃນ ນວ ໄດ້ຮັບເງິນສະໜັບສະໜູນດັ່ງນີ້: ກຸ່ມຜະລິດກະສິກໍາສະອາດ ບ້ານດອນຊິງຊູ້ໄດ້ຮັບເງິນ 25,000 ໂດລາ, ກຸ່ມຜະລິດກະສິກໍາສະອາດບ້ານໃໝ່ໄດ້ຮັບ 22,000 ໂດລາ, ກຸ່ມຜະລິດກະສິກໍາອິນຊີ ບ້ານຈໍາປາໄດ້ຮັບ 14,000 ໂດລາ, ບ້ານໜອງດາໄດ້ຮັບ 14,000 ໂດລາ, ບ້ານໂພນແກ້ວໄດ້ຮັບ 9,000 ໂດລາ, ບ້ານຊຽງດາໄດ້ຮັບ 17,000 ໂດລາ ແລະ ກຸ່ມຜະລິດກະສິກໍາອິນຊີ ບ້ານນາສ້າງໄຜ່ໄດ້ຮັບ 9,000 ໂດລາ.
 |
ທ່ານ ລິນຄໍາ ດວງສະຫວັນ ກ່າວວ່າ: ປັດຈຸບັນຂະແໜງການກະສິກໍາ ແລະ ສິ່ງແວດລ້ອມ ພວມສຸມໃສ່ການຈັດຕັ້ງປະຕິດບັດ ແຜນພັດທະນາຂະແໜງການ 2026-2030 ແລະ ວິໄສທັດ 2050. ຍົກສູງການພັດທະນາ ແລະ ຍົກສູງຄວາມສາມາດຂອງບຸກຄະລາກອນ, ການປູກ, ການລ້ຽງ, ການປຸງແຕ່ງ, ການຄົ້ນຄວ້າ-ທົດລອງ, ວຽກງານສຸຂານາໄມ ແລະ ສຸຂານາພືດ ແລະ ອື່ນໆ ເພື່ອໃຫ້ໄດ້ຕາມມາດຕະ ຖານສາກົນ ແລະ ສາມາດເຊື່ອມໂຍງໄດ້ກັບພາກພື້ນ ແລະ ສາກົນ. ສະນັ້ນ, ຈຶ່ງຂໍສະເໜີທ່ານປະທານທະນາຄານພັດທະນາອາຊີ ເພື່ອພິຈາລະນາໃຫ້ການສະໜັບສະໜູນຊຸກຍູ້ ແລະ ສະໜອງທຶນໃຫ້ພວກເຮົາເພີ່ມຕື່ມອີກໃນຊຸມປີຕໍ່ໜ້າ.
 |
ທ່ານ ມະຊະໂຕະ ຄັນດະ ກ່າວວ່າ: ມີຄວາມຍິນດີເປັນຢ່າງຍິ່ງທີ່ໄດ້ມາຢູ່ທີ່ນີ້ໃນມື້ນີ້ ເພື່ອເປັນພະຍານຜົນສຳເລັດຢ່າງໃກ້ຊິດຂອງການຮ່ວມມືລະຫວ່າງ ADB ແລະ ກະຊວງກະສິກຳ ແລະ ສິ່ງແວດ ລ້ອມ. ພ້ອມກັນຂັບເຄື່ອນການເຕີບໂຕທີ່ມີຄວາມຍືນຍົງ ແລະ ຄອບຄຸມທຸກພາກສ່ວນ, ADB ມີຄວາມພາກພູມໃຈທີ່ໄດ້ນຳເງິນທຶນມາຊ່ວຍຢ່າງເກີດຜົນ.
ທີ່ມາ: ຂ່າວສານກະສິກຳ ແລະ ສິ່ງແວດລ້ອມ
ຄໍາເຫັນ