ໃນໂອກາດວັນເກີດປະທານໄກສອນ ພົມວິຫານ ຄົບຮອບ 103 ປີ ແລະວັນເກີດປະທານຄໍາໄຕ ສີພັນດອນຄົບຮອບ 100 ປີໃນລະຫວ່າງວັນທີ 13-15 ທັນວານີ້, ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກປະທານສູນກາງແນວລາວສ້າງຊາດ (ສນຊ) ພ້ອມຄະນະໄດ້ເຄື່ອນໄຫວຊຸກຍູ້ວຽກງານແນວລາວສ້າງຊາດຢູ່ແຂວງຫົວພັນ ໂດຍການຕ້ອນຮັັັັັບຂອງທ່ານ ຄໍາແພງ ໄຊສົມແພງ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫົວພັນ ພ້ອມດ້ວຍຄະນະປະຈຳພັກແຂວງທີ່ສະໜາມບິນໜອງຄ້າງ ແຂວງຫົວພັນ.
ໃນໂອກາດເຄື່ອນໄຫວຄັ້ງນີ້, ທ່ານປະທານ ສນຊ ໄດ້ພົບປະຢ້ຽມຢາມພະນັກງານແນວລາວສ້າງຊາດແຂວງຫົວພັນ, ແນວລາວສ້າງຊາດເມືອງວຽງໄຊ, ອົງການປົກຄອງເມືອງວຽງໄຊ ແລະຜູ້ຊົງຄຸນວຸດທິຢູ່ເມືອງວຽງໄຊ, ຮັບຟັງການລາຍງານຫຍໍ້ກ່ຽວກັບສະພາບການເຄື່ອນໄຫວ ແລະ ການພັດທະນາລວມຂອງແຂວງຫົວພັນຊຶ່ງປະກອບມີ 10 ເມືອງ, ມີ 724 ບ້ານ, ມີ 9 ຊົນເຜົ່າ ປະຊາຊົນສ່ວນໃຫຍ່ເຮັດອາຊີບປູກຝັງ-ລ້ຽງສັດ, ແນວລາວສ້າງຊາດແຂວງ ແລະ ເມືອງໄດ້ເອົາໃຈໃສ່ວຽກງານການສ້າງຄອບຄົວ, ບ້ານສາມັກຄີປອງດອງສາມາດບັນລຸໄດ້ 10 ເມືອງໃນທົ່ວແຂວງ, ເອົາໃຈໃສ່ໂຄສະນາປຸກລະດົມປະຊາຊົນບັນດາເຜົ່າເຂົ້າຮ່ວມຂະບວນການສັກຢາກັນພະຍາດ, ຂະບວນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການຈັດຕັ້ງສອງວາລະແຫ່ງຊາດ ແລະ ຂະບວນການອື່ນໆ.ສົມທົບກັບພາກສ່ວນກ່ຽວຂ້ອງລົງແກ້ໄຂຂໍ້ຂັດແຍ່ງທີ່ດິນທໍາການຜະລິດ ແລະໂຄງການຈໍານວນໜຶ່ງທີ່ຕິດພັນກັບເນື້ອທີ່ການຜະລິດຂອງປະຊາຊົນ, ໄດ້ສຶກສາອົບຮົມຜູ້ທີ່ເຊື່ອຖືສາສະໜາໃຫ້ເຄື່ອນໄຫວຖືກຕ້ອງຕາມດໍາລັດ 315.
ໂອກາດນີ້, ທ່ານປະທານ ສນຊ ໄດ້ສະແດງຄວາມຍ້ອງຍໍຊົມເຊີຍຕໍ່ການພັດທະນາລວມຂອງແຂວງຫົວພັນໃນໄລຍະຜ່ານມາ.ພ້ອມເນັ້ນໜັກໃຫ້ແນວລາວສ້າງຊາດແຂວງເອົາໃຈໃສ່ປຸກລະດົມຂົນຂວາຍສຶກສາອົບຮົມເຕົ້າໂຮມຄວາມສາມັກຄີຊຶ່ງປະກອບມີ 4 ເສົ້າຄໍ້າຄື: ເຕົ້າໂຮມຄວາມສາມັກຄີບັນດາເຜົ່າ, ສາມັກຄີສາສະໜາ, ຊັ້ນຄົນໃນສັງຄົມ, ເຕົ້າໂຮມຄວາມສາມັກຄີເປັນປຶກແຜ່ນພີ່ນ້ອງຄົນລາວທີ່ຢູ່ຕ່າງປະເທດ. ພ້ອມກັນນີ້ໄດ້ແນະນໍາຄຸນລັກສະນະຂອງກໍາມະການແນວລາວສ້າງຊາດຄວນປະກອບດ້ວຍ 4 ຄຸນລັກສະນະຫຼື 4 ເສີມສ້າງ: ເສີມສ້າງຄຸນງາມຄວາມດີ; ເສີມສ້າງຄຸນງາມຄວາມສາມັກຄີ; ເສີມສ້າງຄຸນວຸດທິ; ເສີມສ້າງຄຸນນະທໍາ. ຕິດພັນກັບວຽກງານແນວລາວສ້າງຊາດໃນສະໄໝທີ XI ໄດ້ສຸມໃສ່ສ້າງ 4 ການຫັນປ່ຽນຄື: ຍົກສູງຄຸນນະພາບການເຄື່ອນໄຫວຂອງແນວລາວສ້າງຊາດແຕ່ລະຂັ້ນໂດຍເລັ່ງໃສ່ສ້າງການຫັນປ່ຽນ ແລະ ແກ້ໄຂຂອດທີ່ຍັງຫຍຸ້ງຍາກ, ຂໍ້ຄົງຄ້າງຕົ້ນຕໍໃນການປະຕິບັດມະຕິຂອງແນວລາວສ້າງຊາດຂັ້ນຂອງຕົນເປັນຕົ້ນ ຄວາມຫຍຸ້ງຍາກດ້ານລາຍຮັບທີ່ອາໄສຈາກງົບປະມານຂອງລັດພຽງແຫຼ່ງດຽວ ມາສູ່ການສ້າງລາຍຮັບເພີ່ມເຕີມທີ່ບໍ່ຜິດກົດໝາຍໃຫ້ຫຼາຍຂຶ້ນ; ສ້າງການຫັນປ່ຽນດ້ານຮູບການ ແລະ ວິທີການປຸກລະດົມຂົນຂວາຍຊວນເຊື່ອປະຊາຊົນຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາໂດຍສຸມໃສ່ຈັດຕັ້ງປະຕິບັດຄໍາຮຽກຮ້ອງຂອງສູນກາງພັກ-ລັດຖະບານກໍຄືຄະນະພັກ-ອົງການປົກຄອງທ້ອງຖິ່ນ ແລະ ຂະແໜງການຂອງຕົນໃຫ້ແທດກັບຕົວຈິງ ແລະ ນໍາເອົາໝາກຜົນຂອງການແຂ່ງຂັນເຫຼົ່ານັ້ນມາໃຫ້ປະຊາຊົນບັນດາເຜົ່າ; ສ້າງການຫັນປ່ຽນດ້ານຮູບແບບການຮ່ວມສໍາພັນລະຫວ່າງອົງການພາຄີດ້ວຍກັນໃນການເຄື່ອນໄຫວວຽກງານມະຫາຊົນໃຫ້ໄປຕາມທິດລວງດຽວກັນ, ຮ່ວມມືຊ່ວຍໜູນ ແລະ ສ້າງຄວາມເຂັ້ມແຂງໃຫ້ແກ່ກັນ ແລະ ກັນ ເປັນຕົ້ນຢູ່ຂັ້ນຮາກຖານ.
ເພື່ອເປັນການສ້າງຂະບວນການຮັກບ້ານເກີດ, ທ່ານ ສິນລະວົງ ຄຸດໄພທູນ ອະດີດນັກສຶກສາໂຮງຮຽນສ້າງຄູນາຄາວ ໄດ້ສະແດງຄວາມຮູ້ບຸນຄຸນຄິດຮອດຄິດເຖິງໂຮງຮຽນເກົ່າທີ່ຕົນເຄີຍສຶກສາຮໍ່າຮຽນເຖິງໄດ້ນໍາເງິນຈໍານວນ 356 ລ້ານກີບມາມອບໃຫ້ໂຮງຮຽນມັດທະຍົມນາຄາວ ເພື່ອນໍາໃຊ້ເຂົ້າໃນການກໍ່ສ້າງຫໍສະໝຸດໃຫ້ນັກຮຽນ, ຊາວໜຸ່ມໄດ້ອ່ານ ຫຼືສຶກສາຮໍ່າຮຽນຕື່ມອີກ.ຈາກນັ້ນຄະນະໄດ້ເຄື່ອນໄຫວຢ້ຽມຊົມຖໍ້າທ່ານຜູ້ນໍາຄື: ຖໍ້າປະທານໄກສອນ ພົມວິຫານ, ຖໍ້າທ່ານໜູຮັກ ພູມສະຫວັນ, ຖໍ້າທ່ານສຸພານຸວົງ, ຖໍ້າທ່ານຄໍາໄຕ ສີພັນດອນ, ຖໍ້າທ່ານພູມີ ວົງວິຈິດ, ຖໍ້າແນວລາວຮັກຊາດ, ຫໍມູນເຊື້ອແນວລາວສ້າງຊາດເມືອງວຽງໄຊ ແລະ ຍັງໄດ້ໄປຢ້ຽມຊົມຖໍ້າຄວາຍຊຶ່ງອະດີດເຄີຍໃຊ້ເປັນບ່ອນສຶກສາຮໍ່າຮຽນເອີ້ນວ່າ: “ໂຮງຮຽນຖໍ້າຄວາຍ”, ນອກຈາກນັ້ນຍັງໄດ້ທ່ຽວຊົມສະຖານທີ່ທ່ອງທ່ຽວທາງປະຫວັດສາດ ແລະ ທໍາມະຊາດຂອງເມືອງວຽງໄຊອີກດ້ວຍ.
ຂ່າວ-ພາບ: ສຸວັນລີ
ໃນໂອກາດເຄື່ອນໄຫວຄັ້ງນີ້, ທ່ານປະທານ ສນຊ ໄດ້ພົບປະຢ້ຽມຢາມພະນັກງານແນວລາວສ້າງຊາດແຂວງຫົວພັນ, ແນວລາວສ້າງຊາດເມືອງວຽງໄຊ, ອົງການປົກຄອງເມືອງວຽງໄຊ ແລະຜູ້ຊົງຄຸນວຸດທິຢູ່ເມືອງວຽງໄຊ, ຮັບຟັງການລາຍງານຫຍໍ້ກ່ຽວກັບສະພາບການເຄື່ອນໄຫວ ແລະ ການພັດທະນາລວມຂອງແຂວງຫົວພັນຊຶ່ງປະກອບມີ 10 ເມືອງ, ມີ 724 ບ້ານ, ມີ 9 ຊົນເຜົ່າ ປະຊາຊົນສ່ວນໃຫຍ່ເຮັດອາຊີບປູກຝັງ-ລ້ຽງສັດ, ແນວລາວສ້າງຊາດແຂວງ ແລະ ເມືອງໄດ້ເອົາໃຈໃສ່ວຽກງານການສ້າງຄອບຄົວ, ບ້ານສາມັກຄີປອງດອງສາມາດບັນລຸໄດ້ 10 ເມືອງໃນທົ່ວແຂວງ, ເອົາໃຈໃສ່ໂຄສະນາປຸກລະດົມປະຊາຊົນບັນດາເຜົ່າເຂົ້າຮ່ວມຂະບວນການສັກຢາກັນພະຍາດ, ຂະບວນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ການຈັດຕັ້ງສອງວາລະແຫ່ງຊາດ ແລະ ຂະບວນການອື່ນໆ.ສົມທົບກັບພາກສ່ວນກ່ຽວຂ້ອງລົງແກ້ໄຂຂໍ້ຂັດແຍ່ງທີ່ດິນທໍາການຜະລິດ ແລະໂຄງການຈໍານວນໜຶ່ງທີ່ຕິດພັນກັບເນື້ອທີ່ການຜະລິດຂອງປະຊາຊົນ, ໄດ້ສຶກສາອົບຮົມຜູ້ທີ່ເຊື່ອຖືສາສະໜາໃຫ້ເຄື່ອນໄຫວຖືກຕ້ອງຕາມດໍາລັດ 315.
ໂອກາດນີ້, ທ່ານປະທານ ສນຊ ໄດ້ສະແດງຄວາມຍ້ອງຍໍຊົມເຊີຍຕໍ່ການພັດທະນາລວມຂອງແຂວງຫົວພັນໃນໄລຍະຜ່ານມາ.ພ້ອມເນັ້ນໜັກໃຫ້ແນວລາວສ້າງຊາດແຂວງເອົາໃຈໃສ່ປຸກລະດົມຂົນຂວາຍສຶກສາອົບຮົມເຕົ້າໂຮມຄວາມສາມັກຄີຊຶ່ງປະກອບມີ 4 ເສົ້າຄໍ້າຄື: ເຕົ້າໂຮມຄວາມສາມັກຄີບັນດາເຜົ່າ, ສາມັກຄີສາສະໜາ, ຊັ້ນຄົນໃນສັງຄົມ, ເຕົ້າໂຮມຄວາມສາມັກຄີເປັນປຶກແຜ່ນພີ່ນ້ອງຄົນລາວທີ່ຢູ່ຕ່າງປະເທດ. ພ້ອມກັນນີ້ໄດ້ແນະນໍາຄຸນລັກສະນະຂອງກໍາມະການແນວລາວສ້າງຊາດຄວນປະກອບດ້ວຍ 4 ຄຸນລັກສະນະຫຼື 4 ເສີມສ້າງ: ເສີມສ້າງຄຸນງາມຄວາມດີ; ເສີມສ້າງຄຸນງາມຄວາມສາມັກຄີ; ເສີມສ້າງຄຸນວຸດທິ; ເສີມສ້າງຄຸນນະທໍາ. ຕິດພັນກັບວຽກງານແນວລາວສ້າງຊາດໃນສະໄໝທີ XI ໄດ້ສຸມໃສ່ສ້າງ 4 ການຫັນປ່ຽນຄື: ຍົກສູງຄຸນນະພາບການເຄື່ອນໄຫວຂອງແນວລາວສ້າງຊາດແຕ່ລະຂັ້ນໂດຍເລັ່ງໃສ່ສ້າງການຫັນປ່ຽນ ແລະ ແກ້ໄຂຂອດທີ່ຍັງຫຍຸ້ງຍາກ, ຂໍ້ຄົງຄ້າງຕົ້ນຕໍໃນການປະຕິບັດມະຕິຂອງແນວລາວສ້າງຊາດຂັ້ນຂອງຕົນເປັນຕົ້ນ ຄວາມຫຍຸ້ງຍາກດ້ານລາຍຮັບທີ່ອາໄສຈາກງົບປະມານຂອງລັດພຽງແຫຼ່ງດຽວ ມາສູ່ການສ້າງລາຍຮັບເພີ່ມເຕີມທີ່ບໍ່ຜິດກົດໝາຍໃຫ້ຫຼາຍຂຶ້ນ; ສ້າງການຫັນປ່ຽນດ້ານຮູບການ ແລະ ວິທີການປຸກລະດົມຂົນຂວາຍຊວນເຊື່ອປະຊາຊົນຊັ້ນຄົນຕ່າງໆເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາໂດຍສຸມໃສ່ຈັດຕັ້ງປະຕິບັດຄໍາຮຽກຮ້ອງຂອງສູນກາງພັກ-ລັດຖະບານກໍຄືຄະນະພັກ-ອົງການປົກຄອງທ້ອງຖິ່ນ ແລະ ຂະແໜງການຂອງຕົນໃຫ້ແທດກັບຕົວຈິງ ແລະ ນໍາເອົາໝາກຜົນຂອງການແຂ່ງຂັນເຫຼົ່ານັ້ນມາໃຫ້ປະຊາຊົນບັນດາເຜົ່າ; ສ້າງການຫັນປ່ຽນດ້ານຮູບແບບການຮ່ວມສໍາພັນລະຫວ່າງອົງການພາຄີດ້ວຍກັນໃນການເຄື່ອນໄຫວວຽກງານມະຫາຊົນໃຫ້ໄປຕາມທິດລວງດຽວກັນ, ຮ່ວມມືຊ່ວຍໜູນ ແລະ ສ້າງຄວາມເຂັ້ມແຂງໃຫ້ແກ່ກັນ ແລະ ກັນ ເປັນຕົ້ນຢູ່ຂັ້ນຮາກຖານ.
ເພື່ອເປັນການສ້າງຂະບວນການຮັກບ້ານເກີດ, ທ່ານ ສິນລະວົງ ຄຸດໄພທູນ ອະດີດນັກສຶກສາໂຮງຮຽນສ້າງຄູນາຄາວ ໄດ້ສະແດງຄວາມຮູ້ບຸນຄຸນຄິດຮອດຄິດເຖິງໂຮງຮຽນເກົ່າທີ່ຕົນເຄີຍສຶກສາຮໍ່າຮຽນເຖິງໄດ້ນໍາເງິນຈໍານວນ 356 ລ້ານກີບມາມອບໃຫ້ໂຮງຮຽນມັດທະຍົມນາຄາວ ເພື່ອນໍາໃຊ້ເຂົ້າໃນການກໍ່ສ້າງຫໍສະໝຸດໃຫ້ນັກຮຽນ, ຊາວໜຸ່ມໄດ້ອ່ານ ຫຼືສຶກສາຮໍ່າຮຽນຕື່ມອີກ.ຈາກນັ້ນຄະນະໄດ້ເຄື່ອນໄຫວຢ້ຽມຊົມຖໍ້າທ່ານຜູ້ນໍາຄື: ຖໍ້າປະທານໄກສອນ ພົມວິຫານ, ຖໍ້າທ່ານໜູຮັກ ພູມສະຫວັນ, ຖໍ້າທ່ານສຸພານຸວົງ, ຖໍ້າທ່ານຄໍາໄຕ ສີພັນດອນ, ຖໍ້າທ່ານພູມີ ວົງວິຈິດ, ຖໍ້າແນວລາວຮັກຊາດ, ຫໍມູນເຊື້ອແນວລາວສ້າງຊາດເມືອງວຽງໄຊ ແລະ ຍັງໄດ້ໄປຢ້ຽມຊົມຖໍ້າຄວາຍຊຶ່ງອະດີດເຄີຍໃຊ້ເປັນບ່ອນສຶກສາຮໍ່າຮຽນເອີ້ນວ່າ: “ໂຮງຮຽນຖໍ້າຄວາຍ”, ນອກຈາກນັ້ນຍັງໄດ້ທ່ຽວຊົມສະຖານທີ່ທ່ອງທ່ຽວທາງປະຫວັດສາດ ແລະ ທໍາມະຊາດຂອງເມືອງວຽງໄຊອີກດ້ວຍ.
ຂ່າວ-ພາບ: ສຸວັນລີ
ຄໍາເຫັນ