ທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ພ້ອມຄະນະໄດ້ເຄື່ອນໄຫວຢ້ຽມຢາມໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ໃນວັນທີ 14 ທັນວານີ້ ໂດຍມີ ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ, ພ້ອມດ້ວຍການນໍາຂັ້ນແຂວງ, ເມືອງ, ຜູ້ພັດທະນາໂຄງການໃຫ້ການຕ້ອນຮັບ.
ໃນໂອກາດດັ່ງກ່າວ ທ່ານ ພິມພອນ ສຸດທິວົງ ຮອງປະທານບໍລິສັດ ລາວວີພີໂລຈິສຕິກ ເຊັນເຕີ ຈຳກັດຜູ້ດຽວລາຍງານວ່າ: ໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ຕັ້ງຢູ່ບ້ານນ້ຳລິນ, ເມືອງໂພນໂຮງ ແຂວງວຽງຈັນ, ຄາດວ່າມູນຄ່າການລົງທຶນທັງໝົດປະມານ 100 ລ້ານໂດລາ ຊຶ່ງເປັນການລົງທຶນຂອງນັກລົງທຶນພາຍໃນ, ມີເນື້ອທີ່ພັດທະນາທັງໝົດ 150 ເຮັກຕາ, ໃນນີ້ ເນື້ອທີ່ຈຳນວນໜຶ່ງເຊົ່າທີ່ດິນຂອງລັດ, ເປັນເສັ້ນທາງເຊື່ອມຕໍ່ລະຫວ່າງສະຖານີທາງດ່ວນໂພນໂຮງ, ເສັ້ນທາງເລກທີ 13 ເໜືອ ແລະ ສະຖານີຂົນສົ່ງໂດຍສານ ລົດໄຟລາວ-ຈີນ ສະຖານີໂພນໂຮງ ແຂວງວຽງຈັນ.
ໂຄງການດັ່ງກ່າວ ແມ່ນເພື່ອສົ່ງເສີມການຜະລິດເປັນສິນຄ້າເພື່ອສົ່ງອອກ, ເຊື່ອມຕໍ່ການຄ້າລະຫວ່າງພາຍໃນ ກັບສາກົນໃຫ້ສະດວກຂຶ້ນ ດ້ວຍການປັບປຸງລະບົບການໃຫ້ບໍລິການທີ່ມີຄວາມສະດວກ, ກະທັດຮັດ, ຫຼຸດຜ່ອນເວລາຂົນສົ່ງ ແລະ ຄ່າໃຊ້ຈ່າຍຕ່າງໆ ຂອງຫົວໜ່ວຍທຸລະກິດພາຍໃນ; ສ້າງລະບົບສາງພາງ ແລະ ຈຸດຄ່ຽນຖ່າຍສິນຄ້າທີ່ມີຄວາມທັນສະໄໝ ອໍານວຍຄວາມສະດວກໃຫ້ການນໍາເຂົ້າ ແລະ ສົ່ງອອກເປັນລະບົບຄົບຊຸດ, ສະດວກໃນການຄຸ້ມຄອງ, ການເກັບລາຍຮັບເຂົ້າງົບປະມານ ປະກອບສ່ວນສ້າງພື້ນຖານເສດຖະກິດໃຫ້ເມືອງໂພນໂຮງເປັນເຂດພັດທະນາໃໝ່ ໂດຍການພັດທະນາກິດຈະການປິ່ນອ້ອມພາຍໃນໂຄງການ ເປັນຕົ້ນເຂດການຄ້າ-ການບໍລິການ, ເຂດທີ່ຢູ່ອາໄສ, ເຂດການສຶກສາ, ເຂດອຸດສາຫະກໍາ, ເຂດສາງສິນຄ້າ ແລະ ສໍານັກງານບໍລິສັດຂົນສົ່ງ, ເຂດສາງນໍ້າມັນ ແລະ ແກັສ, ເຂດສະຖາ ນີຄ່ຽນຖ່າຍສິນຄ້າ.
ທ່ານຮອງປະທານບໍລິສັດ ລາວວີພີໂລຈິສຕິກ ເຊັນເຕີ ຈຳກັດຜູ້ດຽວ ກ່າວອີກວ່າ: ໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ພາຍຫຼັງໄດ້ຮັບອະນຸຍາດຈາພາກສ່ວນກ່ຽວຂ້ອງ ກໍໄດ້ລົງມືບຸກເບີກພື້ນທີ່ ແລະ ກໍ່ສ້າງນັບແຕ່ເດືຶອນພະຈິກ 2022 ເປັນຕົ້ນມາ, ໃນນີ້ໄດ້ສໍາເລັດການກໍ່ສ້າງອາຄານຫ້ອງການຂອງໂຄງການ ສ້າງເດີ່ນເກັບມ້ຽນສິນຄ້າ ກໍ່ສ້າງອາຄານໃຫ້ບໍລິການແຈ້ງພາສີ (ປັດຈຸບັນກໍາລັງຕົບແຕ່ງພາຍໃນ) ກະກຽມພື້ນທີ່ສ້າງອາຄານສົ່ງເສີມການລົງທຶນ ກໍ່ສ້າງເສັ້ນທາງພາຍໃນໂຄງການ ດໍາເນີນຂັ້ນຕອນການຫັນປະເພດທີ່ດິນຈາກດິນກະສິກໍາ ມາເປັນດິນປຸກສ້າງ ໃຫ້ສອດຄ່ອງກັບລະບຽບກົດໝາຍຂອງ ສປປ ລາວ.
ໃນໄລຍະຜ່ານມາໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ໄດ້ຮັບການສະໜັບສະໜູນ ແລະ ອໍານວຍຄວາມສະດວກຈາກອໍານາດການປົກຄອງແຂວງວຽງຈັນ ແລະ ພາກສ່ວນກ່ຽວ ຂ້ອງຂອງລັດ ຈຶ່ງເຮັດໃຫ້ການດໍາເນີນການກໍ່ສ້າງມີຄວາມຄືບໜ້າຕາມເປົ້າໝາຍທີ່ວາງໄວ້ ນອກນີ້ການດໍາເນີນທຸລະກິດຂອງບໍລິສັດ ກໍໄດ້ປະສານສົມທົບກັບຄະນະບໍລິຫານຂອງບໍລິສັດ ທາງລົດໄຟ ລາວ-ຈີນ ແລະ ໄດ້ເປັນເອກະພາບກັນກ່ຽວກັບແນວທາງການຮ່ວມມື ທິດທາງການພັດທະນາເສດຖະກິດ ແລະ ການໃຫ້ບໍລິການປິ່ນອ້ອມທາງລົດໄຟ ລາວ-ຈີນ ໃຫ້ກາຍເປັນເສັ້ນທາງຍຸດທະສາດໃນການພັດທະນາເສດຖະກິດ-ສັງຄົມຂອງ ສປປ ລາວ.
ໂອກາດນີ້, ທ່ານ ທອງລຸນ ສີສຸລິດ ກໍໄດ້ສະແດງຄວາມຊົມເຊີຍຕໍ່ການຈັດຕັ້ງປະຕິບັດໂຄງການດັ່ງກ່າວ ຊຶ່ງມີຄວາມຄືບໜ້າເປັນໜ້າເພິ່ງພໍໃຈ ພ້ອມນີ້ທ່ານຍັງໄດ້ເນັ້ນໃຫ້ບໍລິສັດຜູ້ພັດທະນາ ເອົາໃຈໃສ່ປະຕິບັດເນື້ອໃນສັນຍາຢ່າງເຂັ້ມງວດ ເພື່ອຫຼີກຜົນກະທົບຕໍ່ປະຊາຊົນໃນທ້ອງຖິ່ນ ນອກນີ້ທ່ານຍັງຮຽກຮ້ອງໃຫ້ພາກສ່ວນກ່ຽວຂ້ອງ ອໍານວຍຄວາມສະດວກໃນການຈັດຕັ້ງປະຕິບັດໂຄງການດັ່ງກ່າວ ໃຫ້ມີຜົນສໍາເລັດຕາມເປົ້າໝາຍ.
ຂ່າວ-ພາບ: ຄ. ຄຳປະສິດ
ໃນໂອກາດດັ່ງກ່າວ ທ່ານ ພິມພອນ ສຸດທິວົງ ຮອງປະທານບໍລິສັດ ລາວວີພີໂລຈິສຕິກ ເຊັນເຕີ ຈຳກັດຜູ້ດຽວລາຍງານວ່າ: ໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ຕັ້ງຢູ່ບ້ານນ້ຳລິນ, ເມືອງໂພນໂຮງ ແຂວງວຽງຈັນ, ຄາດວ່າມູນຄ່າການລົງທຶນທັງໝົດປະມານ 100 ລ້ານໂດລາ ຊຶ່ງເປັນການລົງທຶນຂອງນັກລົງທຶນພາຍໃນ, ມີເນື້ອທີ່ພັດທະນາທັງໝົດ 150 ເຮັກຕາ, ໃນນີ້ ເນື້ອທີ່ຈຳນວນໜຶ່ງເຊົ່າທີ່ດິນຂອງລັດ, ເປັນເສັ້ນທາງເຊື່ອມຕໍ່ລະຫວ່າງສະຖານີທາງດ່ວນໂພນໂຮງ, ເສັ້ນທາງເລກທີ 13 ເໜືອ ແລະ ສະຖານີຂົນສົ່ງໂດຍສານ ລົດໄຟລາວ-ຈີນ ສະຖານີໂພນໂຮງ ແຂວງວຽງຈັນ.
ໂຄງການດັ່ງກ່າວ ແມ່ນເພື່ອສົ່ງເສີມການຜະລິດເປັນສິນຄ້າເພື່ອສົ່ງອອກ, ເຊື່ອມຕໍ່ການຄ້າລະຫວ່າງພາຍໃນ ກັບສາກົນໃຫ້ສະດວກຂຶ້ນ ດ້ວຍການປັບປຸງລະບົບການໃຫ້ບໍລິການທີ່ມີຄວາມສະດວກ, ກະທັດຮັດ, ຫຼຸດຜ່ອນເວລາຂົນສົ່ງ ແລະ ຄ່າໃຊ້ຈ່າຍຕ່າງໆ ຂອງຫົວໜ່ວຍທຸລະກິດພາຍໃນ; ສ້າງລະບົບສາງພາງ ແລະ ຈຸດຄ່ຽນຖ່າຍສິນຄ້າທີ່ມີຄວາມທັນສະໄໝ ອໍານວຍຄວາມສະດວກໃຫ້ການນໍາເຂົ້າ ແລະ ສົ່ງອອກເປັນລະບົບຄົບຊຸດ, ສະດວກໃນການຄຸ້ມຄອງ, ການເກັບລາຍຮັບເຂົ້າງົບປະມານ ປະກອບສ່ວນສ້າງພື້ນຖານເສດຖະກິດໃຫ້ເມືອງໂພນໂຮງເປັນເຂດພັດທະນາໃໝ່ ໂດຍການພັດທະນາກິດຈະການປິ່ນອ້ອມພາຍໃນໂຄງການ ເປັນຕົ້ນເຂດການຄ້າ-ການບໍລິການ, ເຂດທີ່ຢູ່ອາໄສ, ເຂດການສຶກສາ, ເຂດອຸດສາຫະກໍາ, ເຂດສາງສິນຄ້າ ແລະ ສໍານັກງານບໍລິສັດຂົນສົ່ງ, ເຂດສາງນໍ້າມັນ ແລະ ແກັສ, ເຂດສະຖາ ນີຄ່ຽນຖ່າຍສິນຄ້າ.
ທ່ານຮອງປະທານບໍລິສັດ ລາວວີພີໂລຈິສຕິກ ເຊັນເຕີ ຈຳກັດຜູ້ດຽວ ກ່າວອີກວ່າ: ໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ພາຍຫຼັງໄດ້ຮັບອະນຸຍາດຈາພາກສ່ວນກ່ຽວຂ້ອງ ກໍໄດ້ລົງມືບຸກເບີກພື້ນທີ່ ແລະ ກໍ່ສ້າງນັບແຕ່ເດືຶອນພະຈິກ 2022 ເປັນຕົ້ນມາ, ໃນນີ້ໄດ້ສໍາເລັດການກໍ່ສ້າງອາຄານຫ້ອງການຂອງໂຄງການ ສ້າງເດີ່ນເກັບມ້ຽນສິນຄ້າ ກໍ່ສ້າງອາຄານໃຫ້ບໍລິການແຈ້ງພາສີ (ປັດຈຸບັນກໍາລັງຕົບແຕ່ງພາຍໃນ) ກະກຽມພື້ນທີ່ສ້າງອາຄານສົ່ງເສີມການລົງທຶນ ກໍ່ສ້າງເສັ້ນທາງພາຍໃນໂຄງການ ດໍາເນີນຂັ້ນຕອນການຫັນປະເພດທີ່ດິນຈາກດິນກະສິກໍາ ມາເປັນດິນປຸກສ້າງ ໃຫ້ສອດຄ່ອງກັບລະບຽບກົດໝາຍຂອງ ສປປ ລາວ.
ໃນໄລຍະຜ່ານມາໂຄງການພັດທະນາຈຸດຄ່ຽນຖ່າຍສິນຄ້າ ສະຖານີໂພນໂຮງ ໄດ້ຮັບການສະໜັບສະໜູນ ແລະ ອໍານວຍຄວາມສະດວກຈາກອໍານາດການປົກຄອງແຂວງວຽງຈັນ ແລະ ພາກສ່ວນກ່ຽວ ຂ້ອງຂອງລັດ ຈຶ່ງເຮັດໃຫ້ການດໍາເນີນການກໍ່ສ້າງມີຄວາມຄືບໜ້າຕາມເປົ້າໝາຍທີ່ວາງໄວ້ ນອກນີ້ການດໍາເນີນທຸລະກິດຂອງບໍລິສັດ ກໍໄດ້ປະສານສົມທົບກັບຄະນະບໍລິຫານຂອງບໍລິສັດ ທາງລົດໄຟ ລາວ-ຈີນ ແລະ ໄດ້ເປັນເອກະພາບກັນກ່ຽວກັບແນວທາງການຮ່ວມມື ທິດທາງການພັດທະນາເສດຖະກິດ ແລະ ການໃຫ້ບໍລິການປິ່ນອ້ອມທາງລົດໄຟ ລາວ-ຈີນ ໃຫ້ກາຍເປັນເສັ້ນທາງຍຸດທະສາດໃນການພັດທະນາເສດຖະກິດ-ສັງຄົມຂອງ ສປປ ລາວ.
ໂອກາດນີ້, ທ່ານ ທອງລຸນ ສີສຸລິດ ກໍໄດ້ສະແດງຄວາມຊົມເຊີຍຕໍ່ການຈັດຕັ້ງປະຕິບັດໂຄງການດັ່ງກ່າວ ຊຶ່ງມີຄວາມຄືບໜ້າເປັນໜ້າເພິ່ງພໍໃຈ ພ້ອມນີ້ທ່ານຍັງໄດ້ເນັ້ນໃຫ້ບໍລິສັດຜູ້ພັດທະນາ ເອົາໃຈໃສ່ປະຕິບັດເນື້ອໃນສັນຍາຢ່າງເຂັ້ມງວດ ເພື່ອຫຼີກຜົນກະທົບຕໍ່ປະຊາຊົນໃນທ້ອງຖິ່ນ ນອກນີ້ທ່ານຍັງຮຽກຮ້ອງໃຫ້ພາກສ່ວນກ່ຽວຂ້ອງ ອໍານວຍຄວາມສະດວກໃນການຈັດຕັ້ງປະຕິບັດໂຄງການດັ່ງກ່າວ ໃຫ້ມີຜົນສໍາເລັດຕາມເປົ້າໝາຍ.
ຂ່າວ-ພາບ: ຄ. ຄຳປະສິດ
ຄໍາເຫັນ