ຢ່າງເປັນທາງການ ໂດຍນຳໜ້າຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ມາຢ້ຽມຢາມ ຣັດເຊຍ ຢ່າງເປັນທາງການ, ແຕ່ວັນທີ8 – 10 ກັນຍາ ນີ້. ພາຍຫຼັງພິທີຕ້ອນຮັບ, 2 ຝ່າຍໄດ້ດຳເນີນການພົບປະເຈລະຈາ.
ຂ່າວລະບຸວ່າ: ໃນການພົບປະເຈລະຈາ, ການນຳ 2 ທ່ານໄດ້ເຫັນດີສົມທົບກັນຈັດບັນດາການເຄື່ອນໄຫວທີ່ແທດຈິງ ເພື່ອສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດໃນປີ 2025 (1950 – 2025). ກ່ຽວກັບການຮ່ວມມືລະຫວ່າງລັດຖະສະພາ, 2 ຝ່າຍສືບຕໍ່ເພີ່ມທະວີການແລກປ່ຽນຄະນະຜູ້ແທນສະພາແຫ່ງຊາດທຸກຂັ້ນ, ບັນດາການເຄື່ອນໄຫວຮ່ວມມືລະຫວ່າງບັນດາອົງການຂອງສະພາແຫ່ງຊາດ. ພ້ອມກັນນັ້ນ, ກໍສືບຕໍ່ສົມທົບກັນຕິດຕາມ ແລະ ກະຕຸກຊຸກຍູ້ການປະຕິບັດບັນດາຂໍ້ຕົກລົງຮ່ວມມືຊຶ່ງລັດຖະບານ 2 ປະເທດໄດ້ລົງນາມ ແລະ ບັນດາໂຄງການຮ່ວມມືຍຸດທະສາດ.
ພາຍຫຼັງການພົບປະເຈລະຈາ, ການນຳ 2 ທ່ານໄດ້ລົງນາມໃນຂໍ້ຕົກລົງຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ສະພາແຫ່ງຊາດ ຣັດເຊຍ; ເປັນສັກຂີພິຍານພິທີລົງນາມການຮ່ວມມືລະຫວ່າງແຂວງ ບ່າເຣ້ຍ - ວູງເຕົ່າ ແລະ ແຂວງຣອສຕອບ (Rostov).
ຄໍາເຫັນ