ທີ່ສະໂມສອນຄະນະດັ່ງກ່າວ ໂດຍການເປັນປະທານຂອງທ່ານ ຈັນຄະຈອນ ສອນມະນີວົງ ຮອງຄະນະບໍດີ ຄວສ ຄະນະກຳມະການໂຄງການມູນນິທິຮອນດ້າ ປະຈຳປີ 2025, ມີຄູ-ອາຈານ, ນັກສຶກສາ ພ້ອມດ້ວຍພາກສ່ວນກ່ຽວ ຂ້ອງເຂົ້າຮ່ວມ.
ທ່ານ ຈັນຄະຈອນ ສອນມະນີວົງ ກ່າວວ່າ: ລາງວັນຮອນດ້າສຳລັບນັກວິທະ ຍາສາດ ແລະ ວິສະວະ ກອນໜຸ່ມໄດ້ເລີ່ມມີໃນປີ 2006 ຈຸດປະສົງເພື່ອເຮັດໃຫ້ຄົນຮຸ່ນໜຸ່ມຫັນມາເອົາ ໃຈໃສ່ເລື່ອງເຕັກໂນໂລຊີກັບສິ່ງແວດລ້ອມໃຫ້ຫຼາຍຂຶ້ນເພື່ອເຊື່ອມໂຍງລະ ຫວ່າງຜູ້ນຳໃນອະນາຄົດຂອງປະເທດຍີ່ປຸ່ນ ແລະ ປະເທດອາຊຽນໃນຂົງເຂດວິທະຍາສາດ, ເຕັກໂນໂລຊີ ແລະ ອຸດສາຫະກໍາ, ປີ 2006 ໂຄງການໄດ້ເລີ່ມຕົ້ນ ແລະ ໄດ້ຮັບຜົນສໍາເລັດຢູ່ທີ່ປະເທດຫວຽດນາມ, ປີ 2007 ຢູ່ປະເທດອິນເດຍ, ປີ 2008 ຢູ່ ສປປ ລາວ ແລະ ປະເທດກໍາປູເຈຍ, ປີ 2014 ຢູ່ປະເທດມຽນມາ, ສປປ ລາວ ໄດ້ກ້າວໜ້າຂຶ້ນໄປພາຍຫຼັງທີ່ໄດ້ເຂົ້າເປັນປະເທດສະມາຊິກອາຊຽນໃນປີ 1997. ໂຄງການນີ້ໄດ້ຕົກລົງໃຫ້ນັກສຶກສາ ມຊ ຂະແໜງວິທະຍາສາດ ແລະ ວິສະວະກໍາສາດຜູ້ທີ່ມີພອນສະຫວັນ, ມີແນວຄິດຢາກປະດິດສິ່ງໃໝ່ໆ, ມີທັກສະການສື່ສານທີ່ດີ, ມີຄຸນສົມບັດດີ, ມີຄວາມສາມັກຄີກັບໝູ່ຄູ່, ມັກເຂົ້າຮ່ວມກິດຈະກໍາ, ມີຄວາມເສຍສະຫຼະ ແລະ ມີຜົນການຮຽນດີເລີດ, ມີຄວາມເຂົ້າໃຈ ແລະ ມີຄວາມຕັ້ງ ໃຈໃນການນຳໃຊ້ເຕັກໂນໂລຊີ ແລະ ມີຜົນການຮຽນເກັ່ງຕະຫຼອດໄລຍະການຮຽນຜ່ານມາ ເພື່ອຈະເປັນຜູ້ນໍາທາງດ້ານວິທະຍາ ສາດຂອງສປປ ລາວໃນອະນາຄົດ.
ການຈັດກອງປະຊຸມຄັ້ງນີ້, ເພື່ອເປັນການແນະນໍາວິທີການສະໝັກ, ການອະ ທິບາຍຂະບວນການສອບ ເສັງເພື່ອເຂົ້າຮ່ວມແຂ່ງຂັນເອົາລາງວັນຈາກມູນນິທິຮອນດ້າປີ 2025 ຊຶ່ງແຕ່ລະປີມີນັກສຶກສາ 2 ຄົນໄດ້ຮັບລາງວັນຊະນະເລີດ, ຜູ້ໄດ້ຮັບລາງວັນຈະໄດ້ຫຼຽນຮອນດ້າ, ໃບຢັ້ງຢືນພ້ອມດ້ວຍເງິນ 3,000 ໂດລາ. ສຳລັບຜູ້ສະໝັກຕ້ອງເປັນນັກສຶກສາຂອງ ມຊ ທີ່ກໍານົດໃນຂະແໜງວິທະຍາສາດ ແລະ ເຕັກໂນໂລຊີ ລວມມີ 4 ຄະນະວິຊາຄື: ຄວສ, ຄະນະຊັບພະຍາ ກອນນໍ້າ, ຄະນະວິທະຍາ ສາດທຳມະຊາດ ແລະ ຄະ ນະສະຖາປັດຕະຍະກໍາສາດ, ຜູ້ສະໝັກຕ້ອງເປັນ ນັກສຶກສາຂອງຄະນະທີ່ກໍານົດໃຫ້ ແລະ ກໍາລັງຮຽນຢູ່ປີ 2, ປີ 3, ປີ 4 ແລະ ປີ 5 (ສໍາລັບຄະນະສະຖາປັດ ຕະຍະກໍາສາດ) ອາຍຸບໍ່ເກີນ 25 ປີ ສັນຊາດລາວ, ເປີດຮັບຟອມສະໝັກເລີ່ມແຕ່ວັນທີ 9 ເມສາ - 30 ພຶດສະພາ 2025 ນີ້. ສະນັ້ນ, ຜູ້ທີ່ມີຄວາມສົນ ໃຈສາມາດສອບຖາມລາຍລະອຽດໄດ້ທີ່: ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ ມຊ ເບີໂທ: 030 547617, 020 55703872.
(ຂ່າວ-ພາບ: ວັນເພັງ)
ຄໍາເຫັນ