 |
ຢູ່ເບື້ອງຫຼັງຂອງເຫດການດັ່ງກ່າວແມ່ນການພົວພັນທີ່ຊັດເຈນ ຄື: ອາກາດທີ່ຮ້າຍແຮງກະທົບການຜະລິດ→ການຂາດເຂີນຊິ້ນສ່ວນທີ່ສຳຄັນ→ຕ່ອງໂສ້ອຸດສາຫະກຳໃນທົ່ວໂລກຮັບຜົນກະທົບ→ລາຄາຂອງຜະລິດຕະພັນເພີ່ມຂຶ້ນ→ປະຊາຊົນເປັນຜູ້ຈ່າຍລາຄາທີ່ເພີ່ມຂຶ້ນ. ມັນໄດ້ສະແດງໃຫ້ເຫັນຄວາມຈິງທີ່ລຽບງ່າຍ ແລະ ເລິກເຊິ່ງຄື: ໂລກໃນສູ່ມື້ນີ້ມີການພົວພັນຢ່າງສະໜິດແໜ້ນ, ທຸກຄົນມີຊາຕາກຳຮ່ວມ.
 |
ເມື່ອສິ່ງທ້າທ້າຍປະເພດນີ້ເກີດຂຶ້ນເລື້ອຍໆ, ຢູ່ໃນໂລກທີ່ມີຊາຕາກຳຮ່ວມກັນ, ພວກເຮົາຄວນຮ່ວມມືກັນແນວໃດເພື່ອສ້າງອະນາຄົດທີ່ມີຄວາມສາມາດຫຼາຍກວ່າໃນການຮັບມືກັບສິ່ງທ້າທາຍ, ມີຄວາມຍຸຕິທຳຫຼາຍກວ່າ ແລະ ຍືນຍົງຫຼາຍກວ່າ?
ການສ້າງປະຊາຄົມຮ່ວມຊາຕາກຳຂອງມວນມະນຸດ, ນີ້ແມ່ນຄຳຕອບຂອງທ່ານ ສີຈິ້ນຜິງ ຜູ້ນຳສູງສຸດຂອງຈີນ.
 |
ການສ້າງປະຊາຄົມຮ່ວມຊາຕາກຳຂອງມວນມະນຸດ, ຂໍກຸນແຈກໍຄືການປະຕິບັດຕົວຈິງ. ທ່ານ ສີຈິ້ນຜິງ ໄດ້ຊີ້ແຈ້ງເສັ້ນທາງປະຕິບັດຕົວຈິງທີ່ຊັດເຈນ ແລະ ເປັນໄປໄດ້ຄື: ສະເໝີພາບດ້ານການເມືອງ ແລະ ປຶກສາຫາລືດ້ວຍການສົນທະນາກັນ; ຊົມໃຊ້ຄວາມໝັ້ນຄົງຮ່ວມກັນ, ຮ່ວມມືກັນເພື່ອຮັບມືກັບສິ່ງທ້າທາຍ; ຮ່ວມກັນຜ່ານຜ່າຄວາມຫຍຸ້ງຍາກເພື່ອເສດຖະກິດພັດທະນາ, ເປີດປະຕູສູ່ພາຍນອກ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ; ຖອດຖອນແລກປ່ຽນວັດທະນະທຳຊຶ່ງກັນ ແລະ ກັນ, ເຄົາລົບນັບຖືຄວາມຫຼາກຫຼາຍດ້ານວັດທະນະທຳ; ຮ່ວມກັນປົກປັກຮັກສາສິ່ງແວດລ້ອມນິເວດ ແລະ ພັດທະນາແບບສີຂຽວ. 5 ດ້ານດັ່ງກ່າວນີ້ຕິດພັນກັນຢ່າງໃກ້ຊິດ, ປະກອບເປັນເສັ້ນທາງທີ່ສ້າງປະຊາຄົມຮ່ວມຊາຕາກຳຂອງມວນມະນຸດ.
 |
ຈີນສະເໜີແນວຄວາມຄິດ, ຍິ່ງຊຸກຍູ້ປະຕິບັດແນວຄວາມຄິດດ້ວຍການກະທຳຕົວຈິງ. ຢູ່ພາຍໃນປະເທດຈີນ, ຈີນຊຸກຍູ້ການສ້າງສາເສດຖະກິດ, ການເມືອງ, ວັດທະນະທຳ, ສັງຄົມ ແລະ ຄວາມສິີວິໄລດ້ານນິເວດຢ່າງຮອບດ້ານ, ພຶດຕິກຳທີ່ຖືກເອີ້ນວ່າ “ພາລະກິດ 5 ດ້ານເຊື່ອມໂຍງເປັນອັນໜຶ່ງອັນດຽວກັນ” ນີ້, ໄດ້ສະສົມບົດຮຽນ ແລະ ຄວາມໝັ້ນໃຈໃຫ້ແກ່ຈຸດຢືນໃນສາກົນຂອງຈີນ.
 |
ຢູ່ໃນສາກົນ, ຈີນຜ່ານການຮ່ວມມືທີ່ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ເພື່ອປະຕິບັດຂໍ້ລິເລີ່ມການພັດທະນາທົ່ວໂລກ, ຂໍ້ລິເລີ່ມຄວາມໝັ້ນຄົງທົ່ວໂລກ, ຂໍ້ລິເລີ່ມອະລິຍະທຳທົ່ວໂລກ ແລະ ຂໍ້ລິເລີ່ມການບໍລິຫານທົ່ວໂລກ, ເຮັດໃຫ້ແນວຄວາມຄິດຫັນເປັນໂຄງການຮູບປະທຳຕ່າງໆ, ຕົວຢ່າງວ່າ: ການສ້າງທາງລົດໄຟ, ແບ່ງປັນບົດຮຽນຕ້ານພະຍາດ, ຊຸກຍູ້ການຮ່ວມມືແບບສີຂຽວ, ສະໜັບສະໜູນກຸ່ມຄົນດ້ອຍໂອກາດ, ຄວາມພະຍາຍາມເຫຼົ່ານີ້ໄດ້ເພີ່ມຄວາມແນ່ນອນໃຫ້ແກ່ໂລກ ແລະ ເພີ່ມແຮງຂັບເຄື່ອນເຂົ້າໃນການພັດທະນາຮ່ວມກັນ.
ຄໍາເຫັນ