ອົງການດັ່ງກ່າວລະບຸວ່າ: ມາຮອດທ້າຍເດືອນມິຖຸນາຜ່ານມາ ມີຊາວຕ່າງປະເທດ 3,956,619 ຄົນໃນຍີ່ປຸ່ນ, ເພີ່ມຂຶ້ນ 5% ຫຼື ປະມານ 187,000 ຄົນຈາກທ້າຍປີ 2024. ກວມເອົາ 3.21% ຂອງປະຊາກອນທັງໝົດຂອງປະເທດ.
ເມື່ອຈັດແບ່ງຕາມສະຖານະພາບທີ່ຢູ່ອາໄສ, ກຸ່ມທີ່ມີຈຳນວນຫຼາຍທີ່ສຸດແມ່ນຜູ້ທີ່ຢູ່ອາໄສຖາວອນ, ມີ 932,090 ຄົນ, ເພີ່ມຂຶ້ນ 1.5%, ຮອງລົງມາແມ່ນຜູ້ຖືວີຊາສໍາລັບວິສະວະກອນ, ຜູ້ຊ່ຽວຊານດ້ານມະນຸດສະທໍາ ແລະ ການບໍລິການສາກົນເຊັ່ນ: ນາຍພາສາ ຊຶ່ງເພີ່ມຂຶ້ນ 9.4% ເປັນ 458,109 ຄົນ.
ອົງການດັ່ງກ່າວລະບຸວ່າ: ຖ້າຫາກທ່າອ່ຽງໃນປັດຈຸບັນຍັງສືບຕໍ່, ຈຳນວນຊາວຕ່າງປະເທດທີ່ອາໄສຢູ່ຍີ່ປຸ່ນຄາດວ່າຈະບັນລຸ 4.15 ລ້ານຄົນໃນທ້າຍປີ 2025.
ລະຫວ່າງເດືອນມັງກອນ ຫາ ເດືອນມິຖຸນາ ປີ 2025, ຈຳນວນນັກທ່ອງທ່ຽວຕ່າງປະເທດທີ່ເດີນທາງໄປທ່ຽວຍີ່ປຸ່ນໄດ້ບັນລຸເຖິງ 21.3 ລ້ານເທື່ອຄົນ, ເພີ່ມຂຶ້ນ 21% ເມື່ອທຽບໃສ່ປີກາຍ ແລະ ມີທ່າອ່ຽງຈະເພີ່ມຂຶ້ນບັນລຸປະມານ 45 ລ້ານຄົນຕະຫຼອດປີ.
ຄໍາເຫັນ