 |
ໂຄງການຟື້ນຟູຍົກລະດັບເສັ້ນທາງດັ່ງກ່າວ,ແມ່ນໄດ້ຮັບການສະໜັບສະໜູນຈາກໂຄງການພູມີທັດ ແລະຊີວິດການເປັນຢູ່ ໃນ ສປປ ລາວໂດຍແມ່ນບໍລິສັດລາວມຸງຄຸນກໍ່ສ້າງຂົວ-ທາງ ແລະຊົນລະປະທານຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ, ຊຶ່ງໄດ້ເລີ່ມລົງມືກໍ່ສ້າງແຕ່ວັນທີ 22/10/2025, ມີລວງຍາວທັງໝົດ 4,700 ແມັດ, ລວມມີຂົວຈົມ 1 ແຫ່ງ, ຍາວ 50 ແມັດ, ກວ້າງ 4 ແມັດ ແລະທໍ່ລອດທາງ 5 ແຫ່ງ, ລວມມູນຄ່າການກໍ່ສ້າງທັງໝົດ1.47 ຕື້ກວ່າກີບ ແລະມາຮອດວັນທີ 27/2/2026 ການກໍ່ສ້າງຈິ່ງໄດ້ສຳເລັດ 100%. ບ້ານດົງບັງ ລວມທັງຄຸ້ມດົງສະຫວັນ ແລະຄຸ້ມດົງນ້ອຍ ປະກອບມີ 223 ຫຼັງຄາເຮືອນ, ມີພົນລະເມືອງທັງໝົດ 1,300ກວ່າຄົນຍິງ 600 ກວ່າຄົນ.
ໃນພິທີ, ຕາງໜ້າບໍລິສັດລາວມຸງຄຸນກໍ່ສ້າງຂົວ-ທາງ ແລະຊົນລະປະທານຈຳກັດຜູ້ດຽວ ໄດ້ກ່າວລາຍງານຜົນສຳເລັດຂອງການກໍ່ສ້າງເສັ້ນທາງດັ່ງກ່າວ ພ້ອມທັງກ່າວມອບ ໃຫ້ພະແນກກະສິກຳ ແລະສິ່ງແວດລ້ອມແຂວງ.ຈາກນັ້ນ, ກໍໄດ້ມີການມອບຕໍ່ໃຫ້ກຸ່ມບູລະນະຮັກສາເສັ້ນທາງບ້ານດົງບັງ ເປັນຜູ້ຄຸ້ມຄອງນໍາໃຊ້ ແລະປົກປັກຮັກສາ,ບູລະນະເສັ້ນທາງໃນຂັ້ນຕໍ່ໄປ.
 |
ໂອກາດນີ້, ທ່ານ ມ່ານ ໄຊຍະສານ ກໍ່ໄດ້ຕາງໜ້າຄະນະນຳຂອງເມືອງພະລານໄຊ ກ່າວສະແດງຄວາມຍ້ອງຍໍຊົມເຊີຍ ແລະຂອບໃຈມາຍັງໂຄງການພູມີທັດ ແລະຊີວິດການເປັນຢູ່ໃນ ສປປ ລາວ ທີ່ໄດ້ໃຫ້ການສະໜັບສະໜູນຊ່ວຍເຫຼືອດ້ານງົບປະມານໃນການປັບປຸງກໍ່ສ້າງພື້ນຖານໂຄງລ່າງໃຫ້ບ້ານດົງບັງ ອັນໄດ້ເຮັດໃຫ້ການສັນຈອນໄປ-ມາຂອງພໍ່ແມ່ປະຊາຊົນພາຍໃນບ້ານດົງບັງ ລວມທັງຄຸ້ມດົງສະຫວັນ ແລະຄຸ້ມດົງນ້ອຍມີຄວາມສະດວກສະບາຍຂຶ້ນກວ່າເກົ່າ.ຈາກນັ້ນ, ໃນພິທີ ກໍໄດ້ມີການລົງນາມໃນບົດບັນທຶກມອບ-ຮັບເສັ້ນທາງດັ່ງກ່າວລະຫວ່າງບໍລິສັດຜູ້ຮັບເໝົາກໍ່ສ້າງ, ຜູ້ປະສານງານໂຄງການຂັ້ນແຂວງ ແລະຫົວໜ້າກຸ່ມບູລະນະຮັກສາເສັ້ນທາງບ້ານດົງບັງ.
(ແຫຼ່ງຂ່າວ: ເມືອງພະລານໄຊ)
ຄໍາເຫັນ