ຂອງເສດຖະກິດ ໃນປີ 2020 ບັນລຸໄດ້ພຽງ 3.5% ແລະ ຫຼຸດລົງມາເປັນ 2.8% ໃນປີ 2022; ການຊຸກຍູ້ສົ່ງເສີມການຜະລິດສິນຄ້າ ຢູ່ພາຍໃນເພື່ອທົດແທນການນໍາເຂົ້າ ແລະ ສົ່ງອອກ ຍັງເຮັດບໍ່ທັນໄດ້ຫຼາຍ, ມີບາງຄາດໝາຍສູ້ຊົນ ບໍ່ບັນລຸຕາມແຜນການທີ່ວາງໄວ້. ເພື່ອແກ້ໄຂສະພາບ ອົງການປົກຄອງທຸກຂັ້ນຂອງເມືອງ, ບວກກັບການຮ່ວມແຮງຮ່ວມໃຈ ຂອງປະຊາຊົນ ລວມທັງການຊ່ວຍເຫຼືອຈາກຕ່າງປະເທດ ແລະ ອົງການຈັດຕັ້ງສາກົນ ຈິ່ງສາມາດຈັດຕັ້ງປະຕິບັດບາງແຜນວຽກຈຸດສຸມ ບັນລຸຕາມຄາດໝາຍເປັນສ່ວນໃຫຍ່. ຊີວິດການເປັນຢູ່ຂອງປະຊາຊົນຄ່ອຍໄດ້ຮັບການປັບປຸງ ແລະແກ້ໄຂດີຂຶ້ນ, ສະແດງອອກ ຄອບຄົວທຸກຍາກມີທ່າອ່ຽງຫຼຸດລົງ, ພື້ນຖານໂຄງລ່າງດ້ານສາທາລະນຸປະໂພກໄດ້ຮັບການພັດທະນາ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍໂດຍພື້ນຖານ.
ໂອກາດຂຶ້ນລາຍງານຕໍ່ຜົນສຳເລັດ ຂອງການຈັດຕັ້ງປະຕິບັດແຜນພັດທະນາເສດຖະກິດສັງຄົມ 5 ປີ ຄັ້ງທີ IX (2020-2024). ສະຫາຍ ແກ່ນຈັນ ພິລາວັນ ກໍາມະການປະຈຳພັກ ຮອງເຈົ້າເມືອງໂພນໄຊ ໄດ້ໃຫ້ຮູ້ວ່າ: ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງເມືອງໂພນໄຊ ໄດ້ຖືເອົາ 6 ເປົ້າໝາຍສຳຄັນ. ໃນນັ້ນ, ເປົ້າໝາຍທີ 1 ເສດຖະກິດຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ ແລະ ຍືນຍົງ ສາມາດສັງລວມຍອດຜົນຜະລິດພາຍໃນ (GO) ບັນລຸ 1,326 ຕື້ກີບ, ອັດຕາຂະຫຍາຍຕົວສະເລ່ຍ 4.2% ຕໍ່ປີ, ສະເພາະປີ 2024 ບັນລຸໄດ້ 444 ຕື້ກີບ, ເທົ່າກັບ 257% ຂອງແຜນການ, ທຽບໃສ່ປີ 2019 ເພີ່ມຂຶ້ນ 150 ຕື້ກີບ, ສະເລ່ຍລາຍຮັບໄດ້ 12 ລ້ານ 2 ແສນກວ່າກີບ ຫຼື ເທົ່າກັບ 570 ໂດລາ ຕໍ່ຄົນຕໍ່ປີ. ເປົ້າໝາຍທີ 2 ຊັບພະຍາກອນມະນຸດມີຄຸນນະພາບ ແລະ ນໍາໃຊ້ວິທະຍາສາດເຕັກໂນໂລຊີທີ່ທັນສະໄໝ ໄດ້ສຸມໃສ່ຂົງເຂດສຶກສາທິການ ແລະ ກິລາ, ວຽກງານສາທາລະນະສຸກ, ວຽກງານແຮງງານ ແລະ ສະຫວັດດີການສັງຄົມ. ເປົ້າໝາຍທີ 3 ຊີວິດການເປັນຢູ່ໄດ້ຮັບການປັບປຸງດີຂຶ້ນ, ສັງຄົມທີ່ໜ້າຢູ່ ແລະ ສີວິໄລ ໄດ້ສຸມໃສ່ເຮັດໃຫ້ເຂດຊົນນະບົດ ແລະ ເຂດຮ່າງໄກສອກຫຼີກ ໄດ້ຮັບການພັດທະນາ ແລະ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນ, ພື້ນຖານໂຄງລ່າງ, ການຄົມມະນາຄົມຂົນສົ່ງ, ພະລັງງານ ແລະ ບໍ່ແຮ່ ໄດ້ຮັບການປັບປຸງ ແລະ ສະໜອງໃຫ້ປະຊາຊົນຢ່າງທົ່ວເຖິງ, ສົ່ງເສີມ ແລະ ສ້າງໂອກາດບົດບາດຍິງ-ຊາຍ, ໄວໜຸ່ມ ແລະ ຜູ້ດ້ອຍໂອກາດໃຫ້ໄດ້ຮັບການປົກປ້ອງ ແລະ ພັດທະນາ. ເປົ້າໝາຍທີ 4 ການຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມໃຫ້ມີຄວາມຍືນຍົງ ສາມາດຮັບມືກັບການປ່ຽນແປງສະພາບອາກາດ ແລະ ໄພພິບັດຕ່າງໆ ໄດ້ສຸມໃສ່ ຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດໃຫ້ມີຄວາມຍືນຍົງ, ການເຕີບໂຕສີຂຽວ ແລະການແກ້ໄຂບັນຫາການປ່ຽນແປງດິນຟ້າອາກາດ, ການກຽມຄວາມພ້ອມຮັບມື ແລະ ຟື້ນຟູຫຼັງໄພພິບັດທາງທໍາມະຊາດ. ເປົ້າໝາຍທີ 5 ການເຊື່ອມໂຍງ, ເຊື່ອມຈອດບັນດາເມືອງ, ແຂວງ, ພາກພື້ນ ແລະ ສາກົນຢ່າງກວ້າງຂວາງ, ມີປະສິດທິຜົນ ໄດ້ສຸມໃສ່ ການສ້າງໂຄງລ່າງພື້ນຖານທີ່ມີຄວາມເຂັ້ມແຂງ, ເຊື່ອມໂຍງ ແລະ ເຊື່ອມຈອດບັນດາເມືອງ, ແຂວງ ເພື່ອອຳນວຍຄວາມສະດວກ ໃຫ້ແກ່ການຜະລິດ, ການບໍລິການ ແລະ ການຄ້າການລົງທຶນ, ການພົວພັນຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນ. ເປົ້າໝາຍທີ 6 ການຄຸ້ມຄອງ ແລະ ບໍລິຫານລັດ ມີປະສິດທິພາບ ແລະ ສັງຄົມ ມີຄວາມສະເໝີພາບ, ຍຸຕິທຳ ໄດ້ສຸມໃສ່ຍົກສູງປະສິດທິພາບການຄຸ້ມຄອງບໍລຫານລັດໃຫ້ມີຄວາມກະທັດລັດ, ວ່ອງໄວ ແລະ ເຂັ້ມງວດຕາມກົດໝາຍ, ຮັບປະກັນໃຫ້ມີສະຖຽນລະພາບທາງດ້ານການເມືອງ, ມີຄວາມສະຫງົບ, ເປັນລະບຽບຮຽບຮ້ອຍ ຢູ່ໃນສັງຄົມ.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ