ທີ່ມະຫາວິທະຍາໄລ ສ້າງຄູກວາງຊີ ສປ ຈີນ, ພາຍໃຕ້ການເປັນປະທານຮ່ວມຂອງທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການ ສປປ ລາວ ແລະ ທ່ານ ຊຸນ ເຈຍຢວນ ອະທິການບໍດີ ມະຫາວິທະຍາໄລສ້າງຄູກວາງຊີ ສປ ຈີນ ແລະ ມີຄະນະພັກ-ຄະນະນຳ ມະຫາວິທະຍາໄລສ້າງຄູກວາງຊີ ແລະພາກສ່ວນທີ່ກ່ຽວຂ້ອງ ພ້ອມດ້ວຍນັກສຳມະນາກອນຈາກອົງການໄອຍະການປະຊາຊົນ ສປປ ລາວ ເຂົ້າຮ່ວມ.
ການຝຶກອົບຮົມໃນຄັ້ງນີ້ເປັນຊຸດທີ 2ຊຶ່ງການຝຶກອົບຮົມໄດ້ເນັ້ນໃສ່ບັນດາຫົວຂໍ້ທີ່ກ່ຽວພັນກັບວຽກງານໄອຍະການປະຊາຊົນ ແລະ ວຽກງານການປົກຄອງປະເທດແບບສີສັນຂອງພັກກອມມູນິດຈີນ ເຊັ່ນ: ແນວຄວາມຄິດການປົກຄອງປະເທດ ຂອງ ທ່ານ ສີ ຈິ້ນຜິງ ປະທານປະເທດ ສປ ຈີນ, ທີ່ຖືເອົາການພັດທະນາແນວຄວາມຄິດຂອງປະຊາຊົນເປັນຫຼັກໃນການພັດທະນາປະເທດຊາດ, ຖອດຖອນບົດຮຽນກ່ຽວກັບພາລະບົດບາດຂອງອົງການໄອຍະການປະຊາຊົນ ສປ ຈີນ, ໃນການປະຕິບັດສິດຕິດຕາມກວດກາການດຳເນີນຄະດີຂອງອົງການສືບສວນ-ສອບສວນຕ່າງໆຕາມກົດໝາຍ, ຖອດຖອນບົດຮຽນໃນການປັບປຸງບັນດາແມ່ບົດກົດໝາຍ ຫຼື ລັດຖະທຳມະນູນ, ໂດຍສະເພາະການປັບປຸງໂຄງປະກອບການຈັດຕັ້ງ ຂອງລະບົບອົງການໄອຍະການປະຊາຊົນ ສປ ຈີນ ໃນແຕ່ລະໄລຍະ, ການກວດກາການດຳເນີນຄະດີອາຍາແບບສີສັນຂອງຈີນ, ການດຳເນີນຄະດີແພ່ງການຄ້າສາກົນແບບສີສັນຂອງຈີນ, ການສັ່ງຟ້ອງຄະດີທີ່ເປັນສີສັນຂອງ ສປ ຈີນ ແລະ ລະບົບການສັ່ງຟ້ອງເພື່ອສາທາລະນະຂອງ ສປ ຈີນ.
ໂອກາດນີ້, ທ່ານ ໄຊຊະນະ ໂຄດພູທອນ ໄດ້ມີຄໍາເຫັນຕໍ່ນັກສໍາມະນາກອນໂດຍທ່ານໄດ້ກ່າວວ່າ: ໃຫ້ເອົາໃຈໃສ່ຖອດຖອນບົດຮຽນ, ເຕັກນິກວິຊາການນຳບັນດາຄູ-ອາຈານທີ່ຊ່ຽວຊານ ແລະ ມີປະສົບການ, ພ້ອມທັງແລກປ່ຽນປະກອບຄຳຄິດເຫັນ ບັນດາອົງການປະຕິບັດກົດໝາຍຊຶ່ງເຮັດໃຫ້ນັກສຳມະນາກອນມີຄວາມເຂົ້າໃຈເລິກເຊິ່ງ ເພື່ອນຳມາໝູນໃຊ້ເຂົ້າໃນການປະຕິບັດວຽກງານຕົວຈິງ ແລະ ມີປະສິດທິພາບສູງ.
ຂ່າວ-ພາບ: ສຸກ ອອປສ
ຄໍາເຫັນ