ເປີດການແຂ່ງຂັນກິລາການທະຫານ-ກິລາມວນຊົນທົ່ວກອງທັບຄັ້ງທີ III

ພີທີເປີດການແຂ່ງຂັນກິລາການທະຫານ-ກິລາມວນຊົນທົ່ວກອງທັບຄັ້ງທີIII ຄົບຮອບ 75 ປີ (20 ມັງກອນ 1949 ຫາ 20 ມັງກອນ 2024)ຊີງຂັນທ່ານລັດຖະມົນຕີກະຊວງປ້ອງກັນປະເທດໄດ້ຈັດຂຶ້ນໃນວັນທີ 8 ມັງກອນຜ່ານມາ ທີ່ກອງກິລາກອງທັບໂດຍການເຂົ້າຮ່ວມຂອງທ່ານ ພົນໂທ ແພງ ແສງບຸນພັນ ຮອງຫົວໜ້າກົມໃຫຍ່ເສນາທິການກອງທັບກະຊວງປ້ອງກັນປະເທດ, ມີທ່ານພັນເອກ ສີປະເສີດ ບຸນປະກອບ ຫົວໜ້າກົມອົບຮົມກົມໃຫຍ່ການເມືອງກອງທັບ, ມີບັນດາພະນັກງານຫຼັກແຫຼ່ງ, ຄູຝຶກ ແລະ ນັກກິລາທັງສູນກາງ-ທ້ອງຖິ່ນເຂົ້າຮ່ວມ.
    ທ່ານ ພັນເອກ ສີປະເສີດ ບຸນປະກອບໄດ້ກ່າວວ່າ:ການຈັດງານຄັ້ງນີ້, ເພື່ອສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ. ພ້ອມນີ້, ຍັງເປັນການພົບປະແລກປ່ຽນບົດຮຽນຊຶ່ງກັນແລະກັນລະຫວ່າງອົງການ, ກອງບັນຊາການຕ້ານອາຊະຍາກຳ ແລະ ທ້ອງຖິ່ນ, ຍົກສູງຄຸນນະພາບການຝຶກຊ້ອມຂອງກອງທັບໃຫ້ກ້າວຂຶ້ນສູ່ລະດັບຊາດ ແລະ ສາກົນເທື່ອລະກ້າວ, ການແຂ່ງຂັນຄັ້ງນີ້, ມີຕົວແທນນັກກິລາຈາກ 6 ກົມກອງ ແລະ 38 ກົມເຂົ້າຮ່ວມແຂ່ງຂັນຄື: ເຂດ I ປະກອບມີ 3 ກົມກອງຫົວໜ່ວຍກອງບັນຊາການທະຫານແຂວງອຸດົມໄຊ, ບໍ່ແກ້ວ ແລະ ແຂວງຜົ້ງສາລີ,ເຂດ IIປະກອບມີ 4ກົມກອງຫົວໜ່ວຍ, ກອງບັນຊາການທະຫານແຂວງໄຊຍະບູລີ, ຫຼວງພະບາງ, ໂຮງຮຽນນາຍສິບເລກIແລະ ກອງພົນທະຫານຮາບທີ 2,ເຂດIIIລວມມີ 6 ກົມກອງຫົວໜ່ວຍກອງພົນທະຫານຮາບທີ 1, ກອງພັນໃຫຍ່ 702, ກອງບັນຊາການທະຫານແຂວງຫົວພັນ, ກອງບັນຊາການທະຫານແຂວງວຽງຈັນ, ຊຽງຂວາງ, ໄຊສົມບູນ, ເຂດ IVປະກອບມີ 5ຫົວໜ່ວຍກົມກອງ,ກອງບັນຊາການທະຫານແຂວງສະຫວັນນະເຂດ, ຄໍາມ່ວນ, ບໍລິຄຳໄຊ ກອງພົນທະຫານຮາບທີ4 ແລະ ໂຮງຮຽນບໍລິເວນ109,ເຂດ V ປະກອບມີ 6 ຫົວໜ່ວຍກົມກອງກອງບັນຊາການທະຫານແຂວງສາລະວັນ, ຈໍາປາສັກ, ເຊກອງ, ໂຮງຮຽນນາຍສິບເລກ2ວຽງໄຊ, ກອງພົນທະຫານຮາບທີ5 ແລະ ອັດຕະປື ແລະ ເຂດ VI ປະກອບມີ 14ຫົວໜ່ວຍກົມກອງເຂົ້າຮ່ວມກົມໃຫຍ່ເສນາທິການ, ຫ້ອງວ່າການກະຊວງ, ກົມໃຫຍ່ເຕັກນິກ, ກົມໃຫຍ່ພາລາທິການ, ວິທະຍາຄານນາຍທະຫານບົກກົມມະດຳ, ກົມ 213, ກົມວິທະຍາສາດ-ປະຫວັດສາດການທະຫານ, ເຫຼົ່າຮົບປືນໃຫຍ່, ເຫຼົ່າຮົບລົດຕັງ-ຍານເກາະ, ກົມໃຫຍ່ການເມືອງກອງທັບ, ກອງພັນໃຫຍ່11,941, ວິທະຍາຄານການແພດກອງທັບ ແລະ ກອງບັນຊາການທະຫານອາກາດ.
    ສໍາລັບປະເພດກິລາທີ່ນຳມາແຂ່ງຂັນຄັ້ງນີ້ມີ: ກິລາທະຫານ ແລະ ກິລາມວນຊົນ ຊຶ່ງຂັນລາງວັນລວມມີ13ລາຍການ, 9ລາຍການລວມໝູ່ ແລະ 4ລາຍການບຸກຄົນ, ຈໍານວນຄະນະເຂົ້າຮ່ວມແຂ່ງຂັນແຕ່ລະປະເພດມີຄື:ກິລາທະຫານ: ກິລານັກຮົບແຂງແຮງ 8 ຄະນະ, 3 ວິຊາທະຫານສົມທົບ 8 ກຸ່ມ, ກິລາແລ່ນມ້າງປະກອບອາວຸດມີ8ຄະນະ,ກິລາຜ່ານສິ່ງກີດຂວາງ4x50ແມັດມີ12ຄະນະ, ກິລາມວນຊົນ: ບານເຕະຊາຍມີ8 ຄະນະ, ບານສົ່ງຊາຍໃນຮົ່ມມີ 7 ຄະນະ, ບານສົ່ງຍິງໃນຮົ່ມມີ 6 ຄະນະ, ກິລາກະຕໍ້ມີ7 ຄະນະ, ກິລາເປຕັງມີ 8 ຄະນະ,ຈຳນວນນັກກິລາ ແລະ ເຈົ້າໜ້າທີ່ເຂົ້າຮ່ວມທັງໝົດ 864 ຄົນ, ການແຂ່ງຂັນຊິງຂັນລາງວັນຈະຈັດຂຶ້ນເປັນເວລາ 8 ວັນເລີ່ມແຕ່ວັນທີ 5-13 ມັງກອນຈຶ່ງສໍາເລັດ.
(ຂ່າວ: ບຸນອູ້ມ, ພາບ: ວັນເພັງ)