ທ່ານ ອາຊຸຍ ປະທານ ບໍລິສັດມັງກອນການຄ້າ ຂາອອກ-ຂາເຂົ້າຈໍາກັດຜູ້ດຽວ, ມີບັນດາການນໍາຂອງແຂວງ, ເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ສົມໃຈ ສິວໍລະວົງ ຕ່າງໜ້າ ບໍລິສັດ ໄດ້ລາຍງານສະພາບລວມ ແລະ ແຜນການລົງທຶນໃສ່ວຽກງານດັ່ງກ່າວວ່າ: ສູນບໍລິການສຸຂະນາໄມພືດ ແລະ ສາງຄ່ຽນຖ່າຍສິນຄ້າ ປະເພດຜົນຜະລິດພືດກະສິກຳ ເພື່ອໃຫ້ການບໍລິການດ້ານສຸຂະນາໄມພືດ ກ່ຽວກັບການນໍາເຂົ້າ ແລະ ຈັດຈໍາໜ່າຍແນວພັນ ປອດສັດຕູພືດ, ຊິວະພາບປາບສັດຕູພືດ, ອຸປະກອນປ້ອງກັນພືດ ແລະ ກໍາຈັດສັດຕູພືດ ດ້ວຍການບໍລິການສຸຂະນາໄມພຶດທີ່ຈະສົ່ງອອກໄປ ສປ ຈີນ ແລະ ການອໍານວຍຄວາມສະດວກທາງດ້ານການຂົນສົ່ງສິນຄ້າພືດກະສິກຳນຳເຂົ້າ-ສົ່ງອອກ ພາຍໃນ ແລະ ຕ່າງປະເທດ ໂດຍສະເພາະ ຢູ່ແຂວງ ບໍ່ແກ້ວ ໃຫ້ສະດວກ, ວ່ອງໄວ ແລະ ມີຄວາມປອດໄພ, ວຽກງານ ການລົງທຶນ ພັດທະນາໂຄງການ ໃນໄລຍະຜ່ານມາ ບໍລິສັດ ມັງກອນການຄ້າ ຂາອອກ -ຂາເຂົ້າຈໍາກັດຜູ້ດຽວ ໄດ້ສ້າງຕັ້ງສະມາຄົມລົດຂົນສົ່ງສິນຄ້າຂະໜາດນ້ອຍ ແລະ ລົດຂົນສົ່ງສິນຄ້າຂະໜາດໃຫຍ່ຂອງຊາວຈີນ ໄດ້ສ້າງຕັ້ງຂຶ້ນໃນເດືອນ ເມສາ 2024 ເພື່ອດໍາເນີນກິດຈະການ ທາງດ້ານການຄ້າພືດກະສິກຳໃນການນຳເຂົ້າ-ສົ່ງອອກ ສິນຄ້າ; ໄດ້ສ້າງອາຄານໜຶ່ງຫຼັງ, ສາງເກັບມ້ຽນ ແລະ ຄ່ຽນຖ່າຍສິນຄ້າ 1 ຫຼັງ, ຫໍພັກ 1 ຫຼັງ, ລ້ານຈອດລົດບັນທຸກສິນຄ້າ,ຫ້ອງການຊິງຊັ່ງນໍ້າໜັກມີ 1 ຈຸດ ແລະ ອື່ນໆ. ມູນຄ່າໃນການລົງທຶນຂອງໂຄງການ ປະມານ 1 ລ້ານໂດລາສາຫະລັດ.
(ຂ່າວ: ເງິນຫຼົງ ຈິດພູວົງ)
ຄໍາເຫັນ