ສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ (ສປມດ) ສູນກາງສະຫະພັນແມ່ຍິງລາວ ຮ່ວມກັບມູນນິທິເອເຊຍ ປະຈຳລາວ ໄດ້ຈັດພິທີເປີດນໍາໃຊ້ເຟສບຸກ ຂອງສູນດັ່ງກ່າວ ຊຶ່ງເປັນໜຶ່ງກິດຈະກຳປິ່ນອ້ອມ ທີ່ຈັດຂຶ້ນໃນໂອກາດສະເຫຼີມສະຫຼອງວັນສ້າງຕັ້ງແມ່ຍິງສາກົນ ຄົບຮອບ 114 ປີ (8 ມີນາ 1910-8 ມີນາ 2024) ພາຍໃຕ້ຫົວຂໍ້: ລົງທຶນໃສ່ການພັດທະນາຄວາມກ້າວໜ້າຂອງແມ່ຍິງ ໃນວັນທີ 5 ມີນານີ້ ທີ່ສູນຝຶກອົບຮົມ ແລະ ຮ່ວມມືສາກົນ (ICTC) ນະຄອນຫຼວງວຽງຈັນ ໂດຍມີທ່ານ ອາລີ ວົງໜໍ່ບຸນທຳ ປະທານຄະນະບໍລິຫານງານ ສູນກາງກຳມະບານລາວ (ສສຍລ) ແລະ ໃຫ້ກຽດຕັດແຖບຜ້າເປີດຂອງທ່ານ ນາງ ວັນນາລີ ອິນພະພົມ ຮອງຫົວໜ້າ ສປມດ, ທ່ານ ທອດ ວໍເຊວ ຜູ້ຕາງໜ້າມູນນິທິເອເຊຍ ປະຈຳ ລາວ, ມີສະຫະພັນແມ່ຍິງບັນດາກະຊວງ-ອົງການ-ນະຄອນຫຼວງວຽງຈັນ, ມີອົງການຈັດຕັ້ງສາກົນ ພ້ອມດ້ວຍພາກສ່ວນກ່ຽວເຂົ້າຮ່ວມ.
ທ່ານ ນາງ ວັນນາລີ ອິນພະພົມ ກ່າວວ່າ: ສະຫະພັນແມ່ຍິງລາວໃນຖານະເປັນອົງການຕົວແທນແຫ່ງການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ໄດ້ເອົາໃຈໃສ່ປະຕິ ບັດພາລະບົດບາດໜ້າທີ່ຂອງຕົນໃນການສຶກສາອົບຮົມ, ເຕົ້າໂຮມຄວາມສາມັກຄີ, ການພັດທະນາ ແລະ ປົກປ້ອງສິດຜົນປະໂຫຍດອັນຊອບທຳຂອງແມ່ຍິງ-ເດັກນ້ອຍລາວບັນດາເຜົ່າ ຊຶ່ງໜຶ່ງໃນໜ້າທີ່ວຽກງານປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ທີ່ສະຫະພັນແມ່ຍິງລາວ ໄດ້ຈັດຕັ້ງປະຕິບັດແມ່ນການໃຫ້ຄຳປຶກສາເພື່ອປົກປ້ອງ ແລະ ຊ່ວຍເຫຼືອແມ່ຍິງ-ເດັກນ້ອຍ ຈາກການໃຊ້ຄວາມຮຸນແຮງໃນຄອບຄົວ, ຈາກການຄ້າມະນຸດ ແລະ ຈາກການຂູດຮີດທາງເພດ ໂດຍໄດ້ເປີດສູນໃຫ້ຄຳປຶກສາ ແລະ ປົກປ້ອງແມ່ຍິງ-ເດັກນ້ອຍ ໃນວັນທີ 12 ມັງກອນ 2006 ຊຶ່ງເປັນສູນແຫ່ງທໍາອິດຂອງ ສປປ ລາວ ທີ່ເຮັດໜ້າທີ່ສະໜອງການບໍລິການໃຫ້ຄຳປຶກສາດ້ານຈິດໃຈ, ດ້ານກົດໝາຍ ແລະ ດ້ານສຸຂະພາບ ໂດຍບໍ່ເສຍຄ່າແກ່ແມ່ຍິງ ແລະ ເດັກນ້ອຍທີ່ມີບັນຫາໃນສັງຄົມ; ຮັບການແຈ້ງຄວາມກ່ຽວກັບການຄ້າແມ່ຍິງ ແລະ ເດັກນ້ອຍ ແລະ ການໃຊ້ຄວາມຮຸນແຮງໃນ ຄອບຄົວ; ສະໜອງສະ ຖານທີ່ພັກເຊົາທີ່ປອດໄພຊົ່ວຄາວ, ຝຶກອົບຮົມວິຊາຊີບໄລຍະສັ້ນ, ເຮັດໜ້າທີ່ເບິ່ງແຍງດູແລ ແລະ ບຳບັດຟື້ນຟູພັດທະນາແມ່ຍິງ ແລະ ເດັກນ້ອຍ, ຜູ້ຖືກເຄາະຮ້າຍຈາກການໃຊ້ຄວາມຮຸນແຮງໃນຄອບຄົວ, ຈາກການຄ້າມະນຸດ ແລະ ຈາກການກົດຂີ່ຂູດຮີດທາງເພດ ພ້ອມທັງເປັນຜູ້ປົກປ້ອງສິດຜົນ ປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍໃນການດຳເນີນຄະດີ. ນອກຈາກສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍຢູ່ຂັ້ນສູນກາງແລ້ວ, ນັບແຕ່ປີ 2006 ຈົນເຖິິງປັດຈຸບັນ ສາມາດຂະຫຍາຍຕາໜ່າງໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ ໃນຂອບເຂດທົ່ວປະເທດ ເພື່ອຮັບປະກັນໃຫ້ແມ່ຍິງ ແລະ ເດັກ ຢູ່ໃນທ້ອງຖິ່ນດັ່ງກ່າວສາມາດເຂົ້າເຖິງການບໍລິການປົກປ້ອງຊ່ວຍ ເຫຼືອໄດ້ຢ່າງທົ່ວເຖິງ. ດັ່ງນັ້ນ, ເພື່ອຮັບປະກັນໃຫ້ເອື້ອຍນ້ອງແມ່ຍິງທີ່ຕ້ອງການຊ່ວຍເຫຼືອດ້ານຕ່າງໆ ໄດ້ເຂົ້າເຖິງການບໍລິການໄດ້ວ່ອງໄວຂຶ້ນນັ້ນ ສູນກາງສະຫະພັນແມ່ຍິງລາວ ຈຶ່ງໄດ້ເປີດນໍາໃຊ້ເບີໂທລະສັບສາຍດ່ວນ 1362 ຂຶ້ນໃນວັນທີ 25 ພະຈິກ 2011 ທີ່ຜ່ານມາ. ຜ່ານການບໍລິການດັ່ງກ່າວ ກໍເຫັນວ່າສະຖິຕິການບໍລິການໃຫ້ຄໍາປຶກສາຜ່ານທາງໂທລະສັບສາຍດ່ວນມີຈໍານວນເພີ່ມເທື່ອລະກ້າວ.
ການເປີດນໍາໃຊ້ເຟສບຸກຂອງສູນດັ່ງກ່າວໃນຄັ້ງນີ້ຂຶ້ນ ເພື່ອໃຫ້ເປັນອີກໜຶ່ງຊ່ອງທາງໃນຍຸກແຫ່ງການສື່ສານທີ່ທັນສະໄໝໃຫ້ສາມາດເຂົ້າເຖິງແຫຼ່ງຂໍ້ມູນຂ່າວສານກ່ຽວກັບສະກັດກັ້ນ ແລະ ຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ການຄ້າມະນຸດ ລວມທັງວິທີການໃນການປ້ອງກັນ, ການປົກປ້ອງ ແລະ ຊ່ວຍເຫຼືອໃນກໍລະນີຫາກຕົກຢູ່ໃນສະພາບອັນຕະລາຍ, ທັງເປັນການໂຄສະນາປູກຈິດສຳນຶກ ກ່ຽວກັບການຕ້ານການໃຊ້ຄວາມຮຸນແຮງຕໍ່ແມ່ຍິງ ກໍຄືການຄ້າມະນຸດ ໃຫ້ແກ່ແມ່ຍິງບັນດາ ເຜົ່າ, ບັນດາຊັ້ນຄົນ ໃຫ້ມີຄວາມຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ມີສະຕິເຄົາລົບ ແລະ ປະຕິບັດກົດໝາຍໃຫ້ສູງຂຶ້ນເທື່ອລະກ້າວ, ເພື່ອປະກອບສ່ວນເຂົ້າໃນການແກ້ໄຂປະກົດການຫຍໍ້ທໍ້ໃນສັງຄົມ ໂດຍສະເພາະແມ່ນກຸ່ມແມ່ຍິງ. ບັນຫາສໍາຄັນໄດ້ປະຕິບັດພາລະບົດບາດໃນການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ທີ່ມີບັນຫາໃນສັງຄົມໃຫ້ປະກົດຜົນເປັນຈິງ ແລະ ສາມາດປົກປ້ອງ, ໃຫ້ການຊ່ວຍເຫຼືອກອບກູ້ເອົາຊີວິດ, ກຽດສັກສີຄວາມເປັນມະນຸດຄືນມາໃຫ້ແກ່ແມ່ຍິງ ແລະ ເດັກນ້ອຍ ຜູ້ມີບັນຫາ. ເວົ້າລວມ, ຜູ້ຖືກເຄາະຮ້າຍ, ເວົ້າສະເພາະຕາມພາລະບົດບາດ, ສິດໜ້າທີ່ ແລະ ເງື່ອນໄຂຕົວຈິງຂອງ ສປມດ.
(ຂ່າວ-ພາບ: ວັນເພັງ)
ທ່ານ ນາງ ວັນນາລີ ອິນພະພົມ ກ່າວວ່າ: ສະຫະພັນແມ່ຍິງລາວໃນຖານະເປັນອົງການຕົວແທນແຫ່ງການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ໄດ້ເອົາໃຈໃສ່ປະຕິ ບັດພາລະບົດບາດໜ້າທີ່ຂອງຕົນໃນການສຶກສາອົບຮົມ, ເຕົ້າໂຮມຄວາມສາມັກຄີ, ການພັດທະນາ ແລະ ປົກປ້ອງສິດຜົນປະໂຫຍດອັນຊອບທຳຂອງແມ່ຍິງ-ເດັກນ້ອຍລາວບັນດາເຜົ່າ ຊຶ່ງໜຶ່ງໃນໜ້າທີ່ວຽກງານປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ທີ່ສະຫະພັນແມ່ຍິງລາວ ໄດ້ຈັດຕັ້ງປະຕິບັດແມ່ນການໃຫ້ຄຳປຶກສາເພື່ອປົກປ້ອງ ແລະ ຊ່ວຍເຫຼືອແມ່ຍິງ-ເດັກນ້ອຍ ຈາກການໃຊ້ຄວາມຮຸນແຮງໃນຄອບຄົວ, ຈາກການຄ້າມະນຸດ ແລະ ຈາກການຂູດຮີດທາງເພດ ໂດຍໄດ້ເປີດສູນໃຫ້ຄຳປຶກສາ ແລະ ປົກປ້ອງແມ່ຍິງ-ເດັກນ້ອຍ ໃນວັນທີ 12 ມັງກອນ 2006 ຊຶ່ງເປັນສູນແຫ່ງທໍາອິດຂອງ ສປປ ລາວ ທີ່ເຮັດໜ້າທີ່ສະໜອງການບໍລິການໃຫ້ຄຳປຶກສາດ້ານຈິດໃຈ, ດ້ານກົດໝາຍ ແລະ ດ້ານສຸຂະພາບ ໂດຍບໍ່ເສຍຄ່າແກ່ແມ່ຍິງ ແລະ ເດັກນ້ອຍທີ່ມີບັນຫາໃນສັງຄົມ; ຮັບການແຈ້ງຄວາມກ່ຽວກັບການຄ້າແມ່ຍິງ ແລະ ເດັກນ້ອຍ ແລະ ການໃຊ້ຄວາມຮຸນແຮງໃນ ຄອບຄົວ; ສະໜອງສະ ຖານທີ່ພັກເຊົາທີ່ປອດໄພຊົ່ວຄາວ, ຝຶກອົບຮົມວິຊາຊີບໄລຍະສັ້ນ, ເຮັດໜ້າທີ່ເບິ່ງແຍງດູແລ ແລະ ບຳບັດຟື້ນຟູພັດທະນາແມ່ຍິງ ແລະ ເດັກນ້ອຍ, ຜູ້ຖືກເຄາະຮ້າຍຈາກການໃຊ້ຄວາມຮຸນແຮງໃນຄອບຄົວ, ຈາກການຄ້າມະນຸດ ແລະ ຈາກການກົດຂີ່ຂູດຮີດທາງເພດ ພ້ອມທັງເປັນຜູ້ປົກປ້ອງສິດຜົນ ປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍໃນການດຳເນີນຄະດີ. ນອກຈາກສູນໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍຢູ່ຂັ້ນສູນກາງແລ້ວ, ນັບແຕ່ປີ 2006 ຈົນເຖິິງປັດຈຸບັນ ສາມາດຂະຫຍາຍຕາໜ່າງໃຫ້ຄໍາປຶກສາ ແລະ ປົກປ້ອງແມ່ຍິງ-ເດັກນ້ອຍ ໃນຂອບເຂດທົ່ວປະເທດ ເພື່ອຮັບປະກັນໃຫ້ແມ່ຍິງ ແລະ ເດັກ ຢູ່ໃນທ້ອງຖິ່ນດັ່ງກ່າວສາມາດເຂົ້າເຖິງການບໍລິການປົກປ້ອງຊ່ວຍ ເຫຼືອໄດ້ຢ່າງທົ່ວເຖິງ. ດັ່ງນັ້ນ, ເພື່ອຮັບປະກັນໃຫ້ເອື້ອຍນ້ອງແມ່ຍິງທີ່ຕ້ອງການຊ່ວຍເຫຼືອດ້ານຕ່າງໆ ໄດ້ເຂົ້າເຖິງການບໍລິການໄດ້ວ່ອງໄວຂຶ້ນນັ້ນ ສູນກາງສະຫະພັນແມ່ຍິງລາວ ຈຶ່ງໄດ້ເປີດນໍາໃຊ້ເບີໂທລະສັບສາຍດ່ວນ 1362 ຂຶ້ນໃນວັນທີ 25 ພະຈິກ 2011 ທີ່ຜ່ານມາ. ຜ່ານການບໍລິການດັ່ງກ່າວ ກໍເຫັນວ່າສະຖິຕິການບໍລິການໃຫ້ຄໍາປຶກສາຜ່ານທາງໂທລະສັບສາຍດ່ວນມີຈໍານວນເພີ່ມເທື່ອລະກ້າວ.
ການເປີດນໍາໃຊ້ເຟສບຸກຂອງສູນດັ່ງກ່າວໃນຄັ້ງນີ້ຂຶ້ນ ເພື່ອໃຫ້ເປັນອີກໜຶ່ງຊ່ອງທາງໃນຍຸກແຫ່ງການສື່ສານທີ່ທັນສະໄໝໃຫ້ສາມາດເຂົ້າເຖິງແຫຼ່ງຂໍ້ມູນຂ່າວສານກ່ຽວກັບສະກັດກັ້ນ ແລະ ຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ການຄ້າມະນຸດ ລວມທັງວິທີການໃນການປ້ອງກັນ, ການປົກປ້ອງ ແລະ ຊ່ວຍເຫຼືອໃນກໍລະນີຫາກຕົກຢູ່ໃນສະພາບອັນຕະລາຍ, ທັງເປັນການໂຄສະນາປູກຈິດສຳນຶກ ກ່ຽວກັບການຕ້ານການໃຊ້ຄວາມຮຸນແຮງຕໍ່ແມ່ຍິງ ກໍຄືການຄ້າມະນຸດ ໃຫ້ແກ່ແມ່ຍິງບັນດາ ເຜົ່າ, ບັນດາຊັ້ນຄົນ ໃຫ້ມີຄວາມຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ມີສະຕິເຄົາລົບ ແລະ ປະຕິບັດກົດໝາຍໃຫ້ສູງຂຶ້ນເທື່ອລະກ້າວ, ເພື່ອປະກອບສ່ວນເຂົ້າໃນການແກ້ໄຂປະກົດການຫຍໍ້ທໍ້ໃນສັງຄົມ ໂດຍສະເພາະແມ່ນກຸ່ມແມ່ຍິງ. ບັນຫາສໍາຄັນໄດ້ປະຕິບັດພາລະບົດບາດໃນການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກນ້ອຍ ທີ່ມີບັນຫາໃນສັງຄົມໃຫ້ປະກົດຜົນເປັນຈິງ ແລະ ສາມາດປົກປ້ອງ, ໃຫ້ການຊ່ວຍເຫຼືອກອບກູ້ເອົາຊີວິດ, ກຽດສັກສີຄວາມເປັນມະນຸດຄືນມາໃຫ້ແກ່ແມ່ຍິງ ແລະ ເດັກນ້ອຍ ຜູ້ມີບັນຫາ. ເວົ້າລວມ, ຜູ້ຖືກເຄາະຮ້າຍ, ເວົ້າສະເພາະຕາມພາລະບົດບາດ, ສິດໜ້າທີ່ ແລະ ເງື່ອນໄຂຕົວຈິງຂອງ ສປມດ.
(ຂ່າວ-ພາບ: ວັນເພັງ)
ຄໍາເຫັນ