ສະຖານີວິທະຍຸກະຈາຍສຽງແຫ່ງຊາດ ສສ ຫວຽດນາມຮ່ວມກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແລະ ແຂວງໄຊສົມບູນ ໄດ້ຈັດພິທີມອບ-ຮັບ ແລະ ເປີດນໍາໃຊ້ສະຖານີວິທະຍຸ-ໂທລະພາບແຂວງໄຊສົມບູນຂຶ້ນຢ່າງເປັນທາງການເມື່ອບໍ່ດົນມານີ້ ໂດຍມີທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ມີທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ແລະ ທ່ານ ວຽງສະຫວັນ ວິໄລພອນ ຮອງປະທານຄະນະກຳມະການຮ່ວມມືລາວ-ຫວຽດນາມ, ທ່ານ ເຈີ້ ມີຮຸ່ງຮອງຜູ້ອຳນວຍການໃຫຍ່ສະຖານີວິທະຍຸກະຈາຍສຽງແຫ່ງຊາດ ສສ ຫວຽດນາມ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ທົງສະຫວັນ ໂພສະລາດ ຫົວໜ້າພະແນກ ຖວທ ແຂວງໄຊສົມບູນ ກ່າວວ່າ: ໂຄງການກໍ່ສ້າງສະຖານີວິທະຍຸ-ໂທລະພາບແຂວງ ຕັ້ງຢູ່ບ້ານພູຫົວຊ້າງ ເມືອງອະນຸວົງ ແຂວງໄຊສົມບູນ ຊຶ່ງເປັນໂຄງການຊ່ວຍເຫຼືອຈາກລັດຖະບານ ສສ ຫວຽດນາມ ລວມມູນຄ່າ 118 ຕື້ກວ່າດົງ (ສະກຸນເງິນຫວຽດນາມ). ໃນນັ້ນ, ທຶນຈາກຝ່າຍລັດຖະບານ ສສ ຫວຽດນາມ 115 ຕື້ກວ່າດົງ ແລະ ທຶນສົມທົບຝ່າຍລັດຖະບານລາວ 3 ຕື້ກວ່າດົງ ເລີ່ມລົງມືຈັດຕັ້ງປະຕິບັດນັບແຕ່ປີ 2020 ເປັນຕົ້ນມາໂດຍມີ 3 ບໍລິສັດຮັບເໝົາກໍ່ສ້າງຄື: ບໍລິສັດຮ່ວມມືເສດຖະກິດ-ທະຫານເຂດ 4 ຮັບຜິດຊອບການກໍ່ສ້າງຕຶກອາຄານ, ບໍລິສັດຮຸ່ນສ່ວນລົງທຶນການຄ້າ ແລະ ກໍ່ສ້າງຮົ່ງຮ່າ ຮັບຜິດຊອບວຽກຕິດຕັ້ງເສົາອັງແຕນ ແລະ ອຸປະກອນເຄື່ອງຮັບ-ສົ່ງສັນຍານວິທະຍຸ-ໂທລະພາບ ແລະ ບໍລິສັດ ໂກເອກໂກລາວ ຮັບຜິດຊອບຮ່ວງທຶນສົມທົບຂອງລັດຖະບານ ໂຄງການດັ່ງກ່າວປະກອບມີ: ອາຄານຫໍພັກພະນັກງານ 4 ຫ້ອງ, ອາຄານຫ້ອງສົ່ງ ແລະ ອາຄານສຳນັກງານເປັນອາຄານ 2 ຊັ້ນ, ມີປ້ອມຍາມ, ຈັກໄຟຟ້າສຳຮອງ, ອ່າງເກັບ ແລະ ເຈາະນໍ້າບາດານ, ກຳແພງເບຕົງເສີມເຫຼັກອ້ອມສະຖານີ, ເສົາອັງແຕນສູງ 75 ແມັດ, ຕິດຕັ້ງອຸປະກອນຮັບ-ສົ່ງສັນຍານ ແລະ ດຶງສາຍໄຟຟ້າເຊື່ອມເຂົ້າຫ້ອງສົ່ງ, ຕິດຕັ້ງອຸປະກອນເຄື່ອງສົ່ງສັນຍານວິທະຍຸກຳລັງສົ່ງ 10 Kw, ຄື້ນຄວາມຖີ່ FM 104,5Mhz. ໃນນັ້ນ, ລາຍການວິທະຍຸມີທັງໝົດ 15 ລາຍການ. ສ່ວນເຄື່ອງຮັບສົ່ງໂທລະພາບຄື້ນຄວາມຖີ່ 674 Mhz, ກໍາລັງສົ່ງ 1,1 Kw ຊ່ອງ 33 ເປັນລະບົບດີຈີຕອນ ຊຶ່ງລາຍການໂທລະພາບມີ 6 ລາຍການ.
ທ່ານ ໂພສີ ແກ້ວມະນີວົງ ກ່າວວ່າ: ໂຄງການກໍ່ສ້້າງສະຖານີວິທະຍຸ-ໂທລະພາບແຂວງໄຊສົມບູນ ເປັນການຜັນຂະຫຍາຍໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານກໍຄືຂອງແຂວງ ໃນການສ້າງສາພັດທະນາປະເທດຊາດ ແລະ ຂໍ້ມູນຂ່າວສານຕ່າງໆ ທີ່ເປັນປະໂຫຍດລົງສູ່ປະຊາຊົນພາຍໃນແຂວງໃຫ້ຮັບຮູ້ຢ່າງກວ້າງຂວາງ.ເພື່ອພັດທະນາສື່ມວນຊົນລາວໃຫ້ມີຄຸນນະພາບ, ເປັນລະບົບທັນສະໄໝ, ວ່ອງໄວ, ຊັດເຈນທັນເຫດການ; ສືບຕໍ່ສ້າງໃຫ້ສື່ມວນຊົນລາວເປັນກະບອກສຽງອັນແຫຼມຄົມຂອງພັກ-ລັດທັງລວງເລິກ ແລະ ລວງກວ້າງມີຄວາມຫຼາກຫຼາຍທັງຄົບຖ້ວນດ້ານເນື້ອໃນເປັນແຫຼ່ງສະໜອງຂໍ້ມູນຂ່າວສານໃຫ້ສາລະຄວາມຮູ້ຢ່າງຮອບດ້ານ.
ໂອກາດນີ້, ທ່ານ ພອຍຄຳ ຮຸ່ງບຸນຍວງ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງພັກ-ລັດຖະບານ ສສ ຫວຽດນາມ ກໍຄືຄະນະພັກ, ຄະນະນຳຂອງສະຖານີວິທະຍຸ-ໂທລະພາບສສ ຫວຽດນາມທີ່ໄດ້ເປັນຫ່ວງເປັນໃຍ ແລະ ຊ່ວຍເຫຼືອແຂວງໄຊສົມບູນມາໂດຍຕະຫຼອດ ຊຶ່ງເປັນການປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງແຂວງ. ພິເສດ, ສະຖານີວິທະຍຸ-ໂທລະພາບແຂວງໄຊສົມບູນແຫ່ງນີ້ ຈະກາຍເປັນສັນຍາລັກແຫ່ງຄວາມສາມັກຄີອັນດູດດື່ມ ແລະ ການພົວພັນຮ່ວມມືລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວໃຫ້ໝັ້ນຄົງຂະໜົງແກ່ນຕະຫຼອດໄປ.
ແຫຼ່ງຂ່າວ: ຂປລ
ທ່ານ ທົງສະຫວັນ ໂພສະລາດ ຫົວໜ້າພະແນກ ຖວທ ແຂວງໄຊສົມບູນ ກ່າວວ່າ: ໂຄງການກໍ່ສ້າງສະຖານີວິທະຍຸ-ໂທລະພາບແຂວງ ຕັ້ງຢູ່ບ້ານພູຫົວຊ້າງ ເມືອງອະນຸວົງ ແຂວງໄຊສົມບູນ ຊຶ່ງເປັນໂຄງການຊ່ວຍເຫຼືອຈາກລັດຖະບານ ສສ ຫວຽດນາມ ລວມມູນຄ່າ 118 ຕື້ກວ່າດົງ (ສະກຸນເງິນຫວຽດນາມ). ໃນນັ້ນ, ທຶນຈາກຝ່າຍລັດຖະບານ ສສ ຫວຽດນາມ 115 ຕື້ກວ່າດົງ ແລະ ທຶນສົມທົບຝ່າຍລັດຖະບານລາວ 3 ຕື້ກວ່າດົງ ເລີ່ມລົງມືຈັດຕັ້ງປະຕິບັດນັບແຕ່ປີ 2020 ເປັນຕົ້ນມາໂດຍມີ 3 ບໍລິສັດຮັບເໝົາກໍ່ສ້າງຄື: ບໍລິສັດຮ່ວມມືເສດຖະກິດ-ທະຫານເຂດ 4 ຮັບຜິດຊອບການກໍ່ສ້າງຕຶກອາຄານ, ບໍລິສັດຮຸ່ນສ່ວນລົງທຶນການຄ້າ ແລະ ກໍ່ສ້າງຮົ່ງຮ່າ ຮັບຜິດຊອບວຽກຕິດຕັ້ງເສົາອັງແຕນ ແລະ ອຸປະກອນເຄື່ອງຮັບ-ສົ່ງສັນຍານວິທະຍຸ-ໂທລະພາບ ແລະ ບໍລິສັດ ໂກເອກໂກລາວ ຮັບຜິດຊອບຮ່ວງທຶນສົມທົບຂອງລັດຖະບານ ໂຄງການດັ່ງກ່າວປະກອບມີ: ອາຄານຫໍພັກພະນັກງານ 4 ຫ້ອງ, ອາຄານຫ້ອງສົ່ງ ແລະ ອາຄານສຳນັກງານເປັນອາຄານ 2 ຊັ້ນ, ມີປ້ອມຍາມ, ຈັກໄຟຟ້າສຳຮອງ, ອ່າງເກັບ ແລະ ເຈາະນໍ້າບາດານ, ກຳແພງເບຕົງເສີມເຫຼັກອ້ອມສະຖານີ, ເສົາອັງແຕນສູງ 75 ແມັດ, ຕິດຕັ້ງອຸປະກອນຮັບ-ສົ່ງສັນຍານ ແລະ ດຶງສາຍໄຟຟ້າເຊື່ອມເຂົ້າຫ້ອງສົ່ງ, ຕິດຕັ້ງອຸປະກອນເຄື່ອງສົ່ງສັນຍານວິທະຍຸກຳລັງສົ່ງ 10 Kw, ຄື້ນຄວາມຖີ່ FM 104,5Mhz. ໃນນັ້ນ, ລາຍການວິທະຍຸມີທັງໝົດ 15 ລາຍການ. ສ່ວນເຄື່ອງຮັບສົ່ງໂທລະພາບຄື້ນຄວາມຖີ່ 674 Mhz, ກໍາລັງສົ່ງ 1,1 Kw ຊ່ອງ 33 ເປັນລະບົບດີຈີຕອນ ຊຶ່ງລາຍການໂທລະພາບມີ 6 ລາຍການ.
ທ່ານ ໂພສີ ແກ້ວມະນີວົງ ກ່າວວ່າ: ໂຄງການກໍ່ສ້້າງສະຖານີວິທະຍຸ-ໂທລະພາບແຂວງໄຊສົມບູນ ເປັນການຜັນຂະຫຍາຍໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານກໍຄືຂອງແຂວງ ໃນການສ້າງສາພັດທະນາປະເທດຊາດ ແລະ ຂໍ້ມູນຂ່າວສານຕ່າງໆ ທີ່ເປັນປະໂຫຍດລົງສູ່ປະຊາຊົນພາຍໃນແຂວງໃຫ້ຮັບຮູ້ຢ່າງກວ້າງຂວາງ.ເພື່ອພັດທະນາສື່ມວນຊົນລາວໃຫ້ມີຄຸນນະພາບ, ເປັນລະບົບທັນສະໄໝ, ວ່ອງໄວ, ຊັດເຈນທັນເຫດການ; ສືບຕໍ່ສ້າງໃຫ້ສື່ມວນຊົນລາວເປັນກະບອກສຽງອັນແຫຼມຄົມຂອງພັກ-ລັດທັງລວງເລິກ ແລະ ລວງກວ້າງມີຄວາມຫຼາກຫຼາຍທັງຄົບຖ້ວນດ້ານເນື້ອໃນເປັນແຫຼ່ງສະໜອງຂໍ້ມູນຂ່າວສານໃຫ້ສາລະຄວາມຮູ້ຢ່າງຮອບດ້ານ.
ໂອກາດນີ້, ທ່ານ ພອຍຄຳ ຮຸ່ງບຸນຍວງ ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງພັກ-ລັດຖະບານ ສສ ຫວຽດນາມ ກໍຄືຄະນະພັກ, ຄະນະນຳຂອງສະຖານີວິທະຍຸ-ໂທລະພາບສສ ຫວຽດນາມທີ່ໄດ້ເປັນຫ່ວງເປັນໃຍ ແລະ ຊ່ວຍເຫຼືອແຂວງໄຊສົມບູນມາໂດຍຕະຫຼອດ ຊຶ່ງເປັນການປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງແຂວງ. ພິເສດ, ສະຖານີວິທະຍຸ-ໂທລະພາບແຂວງໄຊສົມບູນແຫ່ງນີ້ ຈະກາຍເປັນສັນຍາລັກແຫ່ງຄວາມສາມັກຄີອັນດູດດື່ມ ແລະ ການພົວພັນຮ່ວມມືລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ, ຫວຽດນາມ-ລາວໃຫ້ໝັ້ນຄົງຂະໜົງແກ່ນຕະຫຼອດໄປ.
ແຫຼ່ງຂ່າວ: ຂປລ
ຄໍາເຫັນ