ໂຮງໝໍມິດຕະພາບໄດ້ເປີດນຳໃຊ້ສູນຮັບແຈ້ງເຫດ-ສັ່ງການນະຄອນຫຼວງວຽງຈັນ (ນວ) (ສູນ CCC) ສາຍດ່ວນ 1195 ຢ່າງເປັນທາງການຂຶ້ນໃນວັນທີ 20 ຕຸລາ ນີ້ ທີ່ໂຮງໝໍດັ່ງກ່າວ ໂດຍມີທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບ, ມີທ່ານ ໂຄບາຢາຊິ ເຄນອິຈິ (Kobyashi Kenichi) ເອກອັກຄະຣາຊະທູດຍີ່ປຸ່ນປະຈຳລາວ, ມີຜູ້ຕາງໜ້າອົງການໄຈກາ (JICA) ປະຈຳລາວ, ມີຮອງຫົວໜ້າໂຄງ ການ SAFERF, ມີບັນດາທີມງານວິຊາການແພດໝໍ, ມີຜູ້ຕາງໜ້າທີມງານໜ່ວຍກູ້ໄພ ນວ 5 ໜ່ວຍງານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ສອນໄຊ ລາດຊະວົງ ກ່າວວ່າ: ສູນ CCC (ສາຍດ່ວນ 1195) ສ້າງຕັ້ງຂຶ້ນເພື່ອປະສານງານແລະ ອໍານວຍຄວາມສະດວກໃນການນຳສົ່ງຄົນເຈັບໃຫ້ມີປະສິດທິພາບ. ນອກຈາກນີ້, ການເອົາລະບົບສະ ໜັບສະໜູນວຽກງານການແພດສຸກເສີນ ( EMS Support System, ລະບົບESS) ເຂົ້າມານຳໃຊ້ໃນສູນCCC ແມ່ນຍັງສາມາດຊ່ວຍໃຫ້ໂຮງໝໍສູນກາງ 3 ແຫ່ງ (ໂຮງໝໍມິດຕະພາບ, ໂຮງໝໍເຊດຖາທິຣາດ, ໂຮງໝໍມະໂຫສົດ) ແລະ ໜ່ວຍກູ້ໄພ 5 ໜ່ວຍສາມາດສົ່ງຕໍ່ (Share) ຂໍ້ມູນຜູ້ບາດເຈັບ ແລະ ຜູ້ເຈັບປ່ວຍທີ່ຕັ້ງຂອງລົດກູ້ໄພ ພ້ອມທັງສາມາດອອກມາດຕະການທີ່ມີປະສິດທິພາບ ໂດຍການວິເຄາະຂໍ້ມູນທີ່ສະສົມໃນລະ ບົບໄດ້. ຈາກສິ່ງດັ່ງກ່າວຈະເປັນຜົນດີເຮັດໃຫ້ໄລຍະເວລາທີ່ໃຊ້ທັງໝົດໃນການນຳສົ່ງຄົນເຈັບກໍຈະສັ້ນລົງ ແລະ ບັນດາໂຮງໝໍຈະມີເວລາໃນການກະກຽມການປິ່ນປົວສຳລັບຄົນເຈັບທີ່ຖືກສົ່ງມາຢ່າງມີປະສິດຕິພາບ.
ສູນຮັບແຈ້ງເຫດ-ສັ່ງການ ນວ ໄດ້ຮັບການເປີດນຳໃຊ້ເປັນຄັ້ງທຳອິດທີ່ ສປປ ລາວ. ໃນປັດຈຸບັນໄດ້ເປີດໃຫ້ປະຊາຊົນສາມາດໂທເຂົ້າສາຍດ່ວນ 1195 ເພື່ອແຈ້ງເຫດການສຸກເສີນໄດ້ຕະຫຼອດ 24 ຊົ່ວໂມງທຸກໆມື້. ສູນດັ່ງກ່າວເປັນສູນຮັບແຈ້ງເຫດສຸກເສີນທີ່ຂຶ້ນກັບໂຮງໝໍມິດຕະພາບໂດຍກົງ ແລະ ມີສະຖານທີ່ຕັ້ງຢູ່ໂຮງໝໍມິດຕະພາບ ໂດຍມີພາລະບົດບາດໃນການສັ່ງການໃຫ້ລົດກູ້ໄພຂອງ 5 ໜ່ວຍງານອອກຮັບເຫດ ຊຶ່ງໜ່ວຍກູ້ໄພ 5 ໜ່ວຍງານເຫຼົ່ານັ້ນປັດຈຸບັນກຳລັງເຄື່ອນໄຫວວຽກງານກູ້ໄພຢ່າງເປັນວົງກວ້າງພາຍໃນ ນວ ມີ:ໜ່ວຍກູ້ໄພຊ່ວຍເຫຼືອຄົນທຸກຍາກ (1623), ໜ່ວຍກູ້ໄພນະຄອນຫຼວງວຽງຈັນ (1624), ໜ່ວຍກູ້ໄພກາແດງ (1625), ໜ່ວຍກູ້ໄພມູນນິທິຈີນ (1628), ໜ່ວຍກູ້ໄພຮ່ວມໃຈ (1630).
ສູນດັ່ງກ່າວໄດ້ຮັບການສະໜັບສະໜູນຈາກລັດຖະບານຍີ່ປຸ່ນ ຊຶ່ງເປັນສ່ວນໜຶ່ງຂອງໂຄງການຮ່ວມມື JICA ທີ່ມີຊື່ວ່າໂຄງການຢຸດຕິການເພີ່ມຂຶ້ນຂອງການເສຍຊີວິດຈາກອຸບັດເຫດ ໂດຍການພັດທະນາບໍລິການ, ການແພດສຸກເສີນ ແລະ ມາດຕະການຄວາມປອດໄພຕາມທ້ອງຖະໜົນ (ໂຄງການ SAFER). ຊຶ່ງອົງການຈັດຕັ້ງທີ່ມີບົດບາດສໍາຄັນໃນໂຄງການນີ້ແມ່ນໂຮງໝໍມິດຕະພາບ, ມະຫາວິທະຍາໄລ Tsukuba (ຍີ່ປຸ່ນ) ແລະ ສະຖາບັນຄົ້ນຄວ້າລະບົບສັງຄົມຂອງຍີ່ປຸ່ນ (JRISS). ໂຄງການນີ້ຍັງໄດ້ຮັບການສະໜັບສະໜູນຈາກອົງການຮ່ວມມືສາກົນຍີ່ປຸ່ນ (JICA) ແລະ ໂຮງໝໍມິດຕະພາບ ຊຶ່ງເປັນພາກສ່ວນທີ່ມີບົດບາດຫຼັກໃນໂຄງ ການນີ້ເຊັ່ນດຽວກັນ. ພາຍຫຼັງສິ້ນສຸດໂຄງການ SAFER ໃນເດືອນກຸມພາ 2024, ໂຮງໝໍມິດຕະພາບຈະກາຍເປັນຜູ້ທີ່ມີບົດບາດຫຼັກໃນການຈັດຕັ້ງປະຕິບັດພາລະບົດບາດຂອງສູນ CCC.
(ຂ່າວ-ພາບ: ວັນເພັງ)
ທ່ານ ສອນໄຊ ລາດຊະວົງ ກ່າວວ່າ: ສູນ CCC (ສາຍດ່ວນ 1195) ສ້າງຕັ້ງຂຶ້ນເພື່ອປະສານງານແລະ ອໍານວຍຄວາມສະດວກໃນການນຳສົ່ງຄົນເຈັບໃຫ້ມີປະສິດທິພາບ. ນອກຈາກນີ້, ການເອົາລະບົບສະ ໜັບສະໜູນວຽກງານການແພດສຸກເສີນ ( EMS Support System, ລະບົບESS) ເຂົ້າມານຳໃຊ້ໃນສູນCCC ແມ່ນຍັງສາມາດຊ່ວຍໃຫ້ໂຮງໝໍສູນກາງ 3 ແຫ່ງ (ໂຮງໝໍມິດຕະພາບ, ໂຮງໝໍເຊດຖາທິຣາດ, ໂຮງໝໍມະໂຫສົດ) ແລະ ໜ່ວຍກູ້ໄພ 5 ໜ່ວຍສາມາດສົ່ງຕໍ່ (Share) ຂໍ້ມູນຜູ້ບາດເຈັບ ແລະ ຜູ້ເຈັບປ່ວຍທີ່ຕັ້ງຂອງລົດກູ້ໄພ ພ້ອມທັງສາມາດອອກມາດຕະການທີ່ມີປະສິດທິພາບ ໂດຍການວິເຄາະຂໍ້ມູນທີ່ສະສົມໃນລະ ບົບໄດ້. ຈາກສິ່ງດັ່ງກ່າວຈະເປັນຜົນດີເຮັດໃຫ້ໄລຍະເວລາທີ່ໃຊ້ທັງໝົດໃນການນຳສົ່ງຄົນເຈັບກໍຈະສັ້ນລົງ ແລະ ບັນດາໂຮງໝໍຈະມີເວລາໃນການກະກຽມການປິ່ນປົວສຳລັບຄົນເຈັບທີ່ຖືກສົ່ງມາຢ່າງມີປະສິດຕິພາບ.
ສູນຮັບແຈ້ງເຫດ-ສັ່ງການ ນວ ໄດ້ຮັບການເປີດນຳໃຊ້ເປັນຄັ້ງທຳອິດທີ່ ສປປ ລາວ. ໃນປັດຈຸບັນໄດ້ເປີດໃຫ້ປະຊາຊົນສາມາດໂທເຂົ້າສາຍດ່ວນ 1195 ເພື່ອແຈ້ງເຫດການສຸກເສີນໄດ້ຕະຫຼອດ 24 ຊົ່ວໂມງທຸກໆມື້. ສູນດັ່ງກ່າວເປັນສູນຮັບແຈ້ງເຫດສຸກເສີນທີ່ຂຶ້ນກັບໂຮງໝໍມິດຕະພາບໂດຍກົງ ແລະ ມີສະຖານທີ່ຕັ້ງຢູ່ໂຮງໝໍມິດຕະພາບ ໂດຍມີພາລະບົດບາດໃນການສັ່ງການໃຫ້ລົດກູ້ໄພຂອງ 5 ໜ່ວຍງານອອກຮັບເຫດ ຊຶ່ງໜ່ວຍກູ້ໄພ 5 ໜ່ວຍງານເຫຼົ່ານັ້ນປັດຈຸບັນກຳລັງເຄື່ອນໄຫວວຽກງານກູ້ໄພຢ່າງເປັນວົງກວ້າງພາຍໃນ ນວ ມີ:ໜ່ວຍກູ້ໄພຊ່ວຍເຫຼືອຄົນທຸກຍາກ (1623), ໜ່ວຍກູ້ໄພນະຄອນຫຼວງວຽງຈັນ (1624), ໜ່ວຍກູ້ໄພກາແດງ (1625), ໜ່ວຍກູ້ໄພມູນນິທິຈີນ (1628), ໜ່ວຍກູ້ໄພຮ່ວມໃຈ (1630).
ສູນດັ່ງກ່າວໄດ້ຮັບການສະໜັບສະໜູນຈາກລັດຖະບານຍີ່ປຸ່ນ ຊຶ່ງເປັນສ່ວນໜຶ່ງຂອງໂຄງການຮ່ວມມື JICA ທີ່ມີຊື່ວ່າໂຄງການຢຸດຕິການເພີ່ມຂຶ້ນຂອງການເສຍຊີວິດຈາກອຸບັດເຫດ ໂດຍການພັດທະນາບໍລິການ, ການແພດສຸກເສີນ ແລະ ມາດຕະການຄວາມປອດໄພຕາມທ້ອງຖະໜົນ (ໂຄງການ SAFER). ຊຶ່ງອົງການຈັດຕັ້ງທີ່ມີບົດບາດສໍາຄັນໃນໂຄງການນີ້ແມ່ນໂຮງໝໍມິດຕະພາບ, ມະຫາວິທະຍາໄລ Tsukuba (ຍີ່ປຸ່ນ) ແລະ ສະຖາບັນຄົ້ນຄວ້າລະບົບສັງຄົມຂອງຍີ່ປຸ່ນ (JRISS). ໂຄງການນີ້ຍັງໄດ້ຮັບການສະໜັບສະໜູນຈາກອົງການຮ່ວມມືສາກົນຍີ່ປຸ່ນ (JICA) ແລະ ໂຮງໝໍມິດຕະພາບ ຊຶ່ງເປັນພາກສ່ວນທີ່ມີບົດບາດຫຼັກໃນໂຄງ ການນີ້ເຊັ່ນດຽວກັນ. ພາຍຫຼັງສິ້ນສຸດໂຄງການ SAFER ໃນເດືອນກຸມພາ 2024, ໂຮງໝໍມິດຕະພາບຈະກາຍເປັນຜູ້ທີ່ມີບົດບາດຫຼັກໃນການຈັດຕັ້ງປະຕິບັດພາລະບົດບາດຂອງສູນ CCC.
(ຂ່າວ-ພາບ: ວັນເພັງ)
ຄໍາເຫັນ