ເປີດຖ້ຽວບິນຕົງ ປາກເຊ-ກວາງໂຈ, ກວາງໂຈ-ປາກເຊ ຢ່າງເປັນທາງການ

ເປີດຖ້ຽວບິນຕົງ ປາກເຊ-ກວາງໂຈ, ກວາງໂຈ-ປາກເຊ ຢ່າງເປັນທາງການ
ພິທີເປີດຖ້ຽວບິນຕົງ ປາກເຊ-ກວາງໂຈ, ກວາງໂຈ-ປາກເຊ ໄດ້ຈັດຂຶ້ນໃນວັນທີ 19 ພຶດສະພາ ນີ້ ທີ່ສະໜາມບິນສາກົນປາຍຢູນ ຊຶ່ງນັບແຕ່ມື້ນີ້ ເຮັດໃຫ້ຖ້ຽວບິນຕົງ ທີ່ບິນຈາກ ສປປ ລາວ-ນະຄອນກວາງໂຈ ສປ ຈີນ ເພີ່ມຂຶ້ນເປັນ 2 ເສັ້ນທາງການບິນ ແລະ ນີ້ເປັນການອຳນວຍຄວາມສະດວກໃຫ້ແກ່ຜູ້ໂດຍສານ ທີ່ຈະເດີນທາງເຂົ້າມາພາກໃຕ້ຂອງລາວ ອັນເປັນການສົ່ງເສີມໃຫ້ມີການເຊື່ອມໂຍງເຊື່ອມຈອດ ທັງຍູ້ແຮງປີທ່ອງທ່ຽວລາວ 2024 ໃຫ້ມີນັກທ່ອງທ່ຽວມາທ່ຽວລາວຫຼາຍຂຶ້ນ ໂດຍສະເພາະແຂວງຈໍາປາສັກ ທີ່ມີແຫຼ່ງທ່ອງທ່ຽວຫຼາກຫຼາຍ ມີທັງໝົດຫຼາຍກວ່າ 244 ແຫ່ງ.
ເຂົ້າຮ່ວມພິທີເປີດຖ້ຽວບິນຄັ້ງນີ້, ມີ ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ; ທ່ານສົມພອນ ສີຈະເລີນ ເອກອັກຄະລັດຖະທູດແຫ່ງ ສປປ ລາວ ປະຈໍາ ສປ ຈີນ ພ້ອມດ້ວຍບັນດາການນໍາຂອງລາວ ຈາກສູນກາງ, ທ້ອງຖິ່ນ ແລະ ບັນດາການນໍາຂອງບໍລິສັດລັດວິສາຫະກິດການບິນລາວ, ການນໍາຂອງສະໜາມບິນສາກົນ ປາຍຢູນ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ໃນພິທີ, ທ່ານ ສະເຫຼີມ ໄຕຍະລາດ ຮອງອຳນວຍການລັດວິສາຫະກິດການບິນລາວ ໄດ້ກ່າວໃຫ້ຮູ້ວ່າ: ຜ່ານມາ, ຖ້ຽວບິນຕົງ ທີ່ເປັນເສັ້ນທາງການບິນ ຈາກ ສປປ ລາວ-ນະຄອນກວາງໂຈ ມີແຕ່ຈາກນະຄອນຫຼວງວຽງຈັນ-ກວາງໂຈ; ນັບແຕ່ມື້ນີ້, ໄດ້ເພີ່ມເປັນ 2 ເສັ້ນທາງບິນຕົງ ໂດຍເລີ່ມຖ້ຽວບິນທໍາອິດໃນມື້ເປີດພິທີນີ້ ຊຶ່ງນອກຈາກຈະເປັນການພັດທະນາສົ່ງເສີມການທ່ອງທ່ຽວລະຫວ່າງ 2 ຊາດ, ການແລກປ່ຽນວັດທະນະທໍາຕ່າງໆແລ້ວ ກໍຍັງຈະເຮັດໃຫ້ ລາວ-ຈີນ ມີຄວາມຮັດແໜ້ນຂຶ້ນຕື່ມ ໃນການເດີນທາງໄປ-ມາ ທີ່ສະດວກສະບາຍ ລະຫວ່າງ ນະຄອນປາກເຊ ແລະ ນະຄອນກວາງໂຈ ໂດຍການເປີດຖ້ຽວບິນຕົງນີ້ ຈະເປັນຜົນສຳເລັດອັນໃໝ່ທີ່ຍິ່ງໃຫຍ່ກວ່າເກົ່າ ໃນການສົ່ງເສີມການທ່ອງທ່ຽວລະຫວ່າງ ນະຄອນປາກເຊ ແລະ ນະຄອນກວາງໂຈ.
ທ່ານ ສີ ຢ້າວ ໝິງ ຮອງອຳນວຍການບໍລິສັດສະໜາມບິນສາກົນປາຍຢູນ ກ່າວວ່າ: ການເປີດຖ້ຽວບິນຕົງປາກເຊ-ກວາງໂຈ, ກວາງໂຈ-ປາກເຊ ຄັ້ງນີ້ ເປັນການເພີ່ມທະວີການເຊື່ອມຕໍ່ນະຄອນກວາງໂຈ ກັບບັນດາປະເທດທີ່ເຂົ້າຮ່ວມໃນ “ໜຶ່ງແລວ ໜຶ່ງເສັ້ນທາງ” ຊຶ່ງເຊື່ອໝັ້ນວ່າ ຈະສາມາດເຮັດໃຫ້ການໄປ-ມາ ຫາສູ່, ການພົວພັນທາງດ້ານການຄ້າ, ເສດຖະກິດ ລະຫວ່າງ ກວາງໂຈ ແລະ ສປປ ລາວ ເພີ່ມຂຶ້ນ; ປີ 2024 ມານີ້, ສະໜາມບິນປາຍຢູນ ໄດ້ເປີດຖ້ຽວບິນສາກົນ ກໍມີ 20 ກວ່າປະເທດແລ້ວ ທີ່ມີຖ້ຽວບິນມາລົງຈອດ ຊຶ່ງພວກເຮົາກໍຈະເພີ່ມທະວີຄວາມເຂັ້ມແຂງການເຊື່ອມຕໍ່ກັບຕົວເມືອງສຳຄັນຕ່າງໆ ໃນທົ່ວໂລກ ເພື່ອຍົກລະດັບການແຂ່ງຂັນຂອງສະໜາມບິນເຮົາໃນເວທີສາກົນ.ສະເພາະການຮ່ວມມືກັບລັດວິສາຫະກິດການບິນລາວ, ທາງສະໜາມບິນປາຍຢູນ ກໍຈະໃຫ້ການຮ່ວມມື ແລະ ບໍລິການຢ່າງເຕັມທີ່ ເພື່ອໃຫ້ຖ້ຽວບິນຕົງ ທີ່ເປັນເສັ້ນທາງການບິນໃໝ່ ທີ່ເປີດຂຶ້ນຢ່າງເປັນທາງການໃນມື້ນີ້ ໄດ້ປະສົບຜົນສຳເລັດ.
ທ່ານ ນາງ ແພງຈັນ ແພງເມືອງ ຫົວໜ້າກົມແຜນການ ແລະ ການຮ່ວມມືສາກົນ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ໄດ້ກ່າວວ່າ: ໃນປີ 2024ນີ້, ລັດຖະບານລາວ ໄດ້ກຳນົດໃຫ້ເປັນປີ ທ່ອງທ່ຽວລາວ ຊຶ່ງມີຫຼາກຫຼາຍກິດຈະກຳການທ່ອງທ່ຽວທີ່ໄດ້ປະຕິບັດຢູ່ໃນທົ່ວປະເທດ ເພື່ອດຶງດູດນັກທ່ອງທ່ຽວພາຍໃນ ແລະ ຕ່າງປະເທດ; ພ້ອມທັງເປັນການໂຄສະນາການທ່ອງທ່ຽວຂອງ ສປປ ລາວ ສູ່ສາກົນຢ່າງເປັນວົງກວ້າງ, ໄປຄຽງຄູ່ກັບການພັດທະນາ ແລະ ປັບປຸງໂຄງລ່າງພື້ນຖານທີ່ຕິດພັນກັບການທ່ອງທ່ຽວ ໂດຍສະເພາະແມ່ນປັບປຸງເສັ້ນທາງຄົມມະນາຄົມ-ຂົນສົ່ງ. ການເປີດຖ້ຽວບິນຕົງນີ້ ບໍ່ພຽງແຕ່ຍົກລະດັບການເຊື່ອມໂຍງເຊື່ອມຈອດເສັ້ນທາງຄົມມະນາຄົມທາງອາດກາດ ລະຫວ່າງ 2 ນະຄອນ, ກໍຄື 2 ແຂວງ ຂອງ 2 ປະເທດ ລາວ ແລະ ຈີນ ເທົ່ານັ້ນ, ແຕ່ຍັງເປັນການຊຸກຍູ້ສົ່ງເສີມວຽກງານທ່ອງທ່ຽວຂອງ 2 ປະເທດ; ພ້ອມທັງ, ເປັນການເປີດເສັ້ນທາງໃຫ້ແກ່ນັກທ່ອງທ່ຽວປະເທດທີິ 3 ເດີນທາງມາຢ້ຽມຢາມ ລາວ ແລະ ຈີນ ອີກຊ່ອງທາງໜຶ່ງ. ນອກນັ້ນ, ຍັງເປັນການດຶງດູດການລົງທຶນຂອງພາກທຸລະກິດ ໃຫ້ຂະຫຍາຍຕົວເພີ່ມຂຶ້ນ.
ໃນໂອກາດທີ່ສຳຄັນນີ້, ທ່ານ ສົມບູນ ເຮືອງວົງສາ ຮອງເຈົ້າແຂວງຈໍາປາສັກ ກໍໄດ້ກ່າວໃຫ້ຮູ້ວ່າ: ການເປີດຖ້ຽວບິນຕົງນີ້, ຈະເປັນການເສີມສ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ລາວ-ຈີນ, ຈີນ-ລາວ ໃຫ້ນັບມື້ນັບງອກງາມ, ສ້າງເງື່ອນໄຂໃຫ້ແກ່ການພັດທະນາເສດຖະກິດ-ສັງຄົມຂອງແຂວງຈໍາປາສັກ ແລະ ກວາງໂຈ, ທັງໄດ້ເຊື່ອມຕໍ່ດ້ານການທ່ອງທ່ຽວ ແລະ ວັດທະນະທໍາໃຫ້ນັບມື້ກວ້າງຂວາງ. ແຂວງຈໍາປາສັກ, ເປັນແຂວງໜຶ່ງທີ່ເໝາະແກ່ການກະສິກຳ ແລະ ທ່ອງທ່ຽວ ຊຶ່ງປັດຈຸບັນມີ 18 ປະເທດທີ່ມາລົງທຶນຢູ່ແຂວງນີ້; ໃນນີ້, ສປ ຈີນ ຈັດຢູ່ໃນອັນດັບທີ 4 ຂອງການລົງທຶນຕ່າງປະເທດ ທີ່ເຂົ້າມາລົງທຶນ ແລະ ພິເສດແມ່ນການລົງທຶນຂະໜາດໃຫຍ່ ໃນການພັດທະນາເສດຖະກິດພິເສດມະຫານະທີສີທັນດອນ  ທີ່ເປັນການພັດທະນາແຫຼ່ງທ່ອງທ່ຽວນໍ້າຕົກຕາດຄອນພະເພັງ-ສົມພະມິດ ຊຶ່ງເປັນນໍ້າຕົກຕາດທີ່ໃຫຍ່ທີ່ສຸດໃນອາຊຽນ ມີມູນຄ່າການລົງທຶນ 9 ຕື້ກວ່າໂດລາ. ການເປີດຖ້ຽວບິນຕົງນີ້, ທັງເປັນການຜັນຂະຫຍາຍການເປັນຄູ່ຮ່ວມຊາຕາກຳ ລາວ-ຈີນ ຢ່າງເປັນຮູບປະທໍາ ແລະ ຂໍໃຫ້ຖ້ຽວບິນຕົງ ທີ່ເປັນເສັ້ນທາງການບິນໃໝ່ນີ້ ໃຫ້ມີຜົນສຳເລັດ.
ຂະນະທີ່ຢູ່ສະໜາມບິນສາກົນປາກເຊ, ໃນຕອນເຊົ້າຂອງວັນຈັນ ທີ 20 ພຶດສະພາ ນີ້ ໃນເວລາ 3:45 ໂມງ (ຕາມເວລາທ້ອງຖິ່ນ) ການນໍາ ແລະ ຊາວແຂວງຈໍາປາສັກ ກໍໄດ້ມີການຕ້ອນຮັບການມາເຖິງຂອງເຮືອບິນ ທີ່ແມ່ນຖ້ຽວບິນຕົງ ຈາກກວາງໂຈ-ປາກເຊ ຖ້ຽວທໍາອິດຂອງການເປີດຖ້ຽວບິນຕົງນີ້ຢ່າງຄຶກຄື້ນ ຊຶ່ງໄດ້ມີການຖືປ້າຍພິທີເປີດຖ້ຽວບິນ ແລະ ລັ່ນຄ້ອງ 9 ບາດເພື່ອເປັນສິລິມຸງຄຸນ; ພ້ອມທັງ, ໄດ້ຕ້ອນຮັບຜູ້ໂດຍສານຈໍານວນຫຼາຍ ຊຶ່ງໃນນີ້ກໍມີນັກທ່ອງທ່ຽວຊາວຈີນ ເກືອບ 100 ຄົນ.
(ຂ່າວ-ພາບ: ສຸກສະຫວັນ)

ຄໍາເຫັນ

ຂ່າວການຮ່ວມມື

ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ວາງພວງມາລາ ຢູ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ

ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ວາງພວງມາລາ ຢູ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ

ເນື່ອງໃນໂອກາດສະເຫຼີມສະຫຼອງວັນນັກຮົບເສຍສະຫຼະຊີວິດເພື່ອຊາດ ຄົບຮອບ 78 ປີ (27/71947-27/7/2025), ໃນວັນທີ 27 ກໍລະກົດນີ້, ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ນໍາໂດຍທ່ານ ນາງ ຕ້າເຟືອງຢຸງ ກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ, ພ້ອມຄະນະ ໄດ້ເຂົ້າວາງພວງມາລາ, ທູບ-ທຽນ ທີ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ ຢູ່ເມືອງປາກຊ່ອງ ແຂວງຈໍາປາສັກ ທັງນີ້ກໍເພື່ອລະນຶກວັນນັກຮົບເສຍສະຫຼະຊີວິດເພື່ອຊາດ.
ກອງປະຊຸມຄັ້ງທີ 8 ຂອງຄະນະກຳມະການຊາຍແດນຮ່ວມ ລາວ - ກໍາປູເຈຍ (JBC)

ກອງປະຊຸມຄັ້ງທີ 8 ຂອງຄະນະກຳມະການຊາຍແດນຮ່ວມ ລາວ - ກໍາປູເຈຍ (JBC)

ກອງປະຊຸມຄະນະກຳມະການຊາຍແດນຮ່ວມລາວ-ກຳປູເຈຍ ແລະ ກຳປູເຈຍ-ລາວ ຄັ້ງທີ 8 ໄດ້ຈັດຂຶ້ນໃນວັນທີ26 ກໍລະກົດ ຜ່ານມາ ທີ່ນະຄອນຫຼວງພະນົມເປັນ ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ປະທານຄະນະກໍາມະການຊາຍແດນຮ່ວມລາວ-ກໍາປູເຈຍ ແລະ ຄະນະຜູ້ແທນຝ່າຍກໍາປູເຈຍນໍາໂດຍ ທ່ານ ລາມເຈຍ ລັດຖະມົນຕີປະຈໍາເລຂາທິການກ່ຽວກັບຊາຍແດນ ປະທານຄະນະກໍາມະການຊາຍແດນຮ່ວມກໍາປູເຈຍ-ລາວ, ໂດຍມີຜູ້ຕາງໜ້າຈາກຂະແໜງການຂອງສູນກາງ ແລະ ທ້ອງຖິ່ນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.
ລມຕ ກະຊວງການຕ່າງປະເທດ ພ້ອມຄະນະເດີນທາງຢ້ຽມຢາມຣາຊະອານາຈັກ ກຳປູເຈຍ

ລມຕ ກະຊວງການຕ່າງປະເທດ ພ້ອມຄະນະເດີນທາງຢ້ຽມຢາມຣາຊະອານາຈັກ ກຳປູເຈຍ

ໂດຍຕອບສະໜອງຕາມຄຳເຊີນຂອງ ທ່ານ ປຣາກ ໂຊຄົນ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນແຫ່ງ ຣາຊະອານາຈັກ ກຳປູເຈຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້​ເດີນທາງຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ ແລະ ເຂົ້າຮ່ວມກອງປະຊຸມຄະນະກໍາມະການຊາຍແດນຮ່ວມລາວ-ກໍາປູເຈຍ, ກໍາປູເຈຍ-ລາວ ຄັ້ງທີ 8ໃນລະຫວ່າງວັນທີ 24-26 ກໍລະກົດ 2025 ຕາມແຜນການທີ່ໄດ້ກະກຽມໄວ້, ເພື່ອຮັດແໜ້ນສາຍພົວພັນມິດຕະພາບ ອັນເປັນມູນເຊື້ອ ຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ແລະ ເພີ່ມທະວີການຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານລະຫວ່າງສອງປະເທດ ລາວ ແລະ ກຳປູເຈຍ.
ກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ

ກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ

ໃນລະຫວ່າງວັນທີ 14 - 23 ກໍລະກົດ ຜ່ານມາ ທີ່ສໍານັກງານໃຫຍ່ ອົງການສະຫະປະຊາຊາດ (ສປຊ) ທີ່ນິວຢອກ ສ ອາເມລິກາ, ຄະນະຜູ້ແທນ ສປປ ລາວ ຈາກ ກະຊວງການຕ່າງປະເທດ ແລະ ຈາກ ສໍານັກງານຜູ້ຕາງໜ້າຖາວອນ ແຫ່ງ ສປປ ລາວ ປະຈຳ ອົງການ ສປຊ ໄດ້ເຂົ້າຮ່ວມກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ ປະຈໍາປີ 2025
ການເຄື່ອນໄຫວຄົ້ນຄວ້າ​ຮ່ຳຮຽນການປະຕິວັດສີແດງ

ການເຄື່ອນໄຫວຄົ້ນຄວ້າ​ຮ່ຳຮຽນການປະຕິວັດສີແດງ

ໂລກໃນທຸກມື້ນີ້, ມີການຜັນແປຢ່າງໄວວາທີ່ສຸດ ທີ່ບໍ່ເຄີຍເຫັນໃນຮອບໜຶ່ງສະຕະ​ວັດທີ່ຜ່ານມາ, ແຕ່ແນວໃດກໍຕາມ, ສັນຕິພາບ ​ແລະ​ ການພັດທະນາ ຍັງເປັນກະແສຫຼັກຂອງຍຸກສະໄໝ ປັດຈຸບັນ. ​ທ່າອ່ຽງຈຸດໝາຍປາຍທາງຮ່ວມຂອງບັນດາປະເທດໃນພາກພື້ນ ນັບມື້ພົ້ນເດັ່ນຂຶ້ນ. ສະນັ້ນ, ຕ້ອງຮ່ວມກັນສ້າງປະຊາຄົມຊາຕາກຳ. ປະເທດຈີນ, ຫວຽດນາມ ແລະ ລາວ ລ້ວນແຕ່ແມ່ນປະເທດສັງຄົມນິຍົມ ທີ່ມີອຸດົມການ,​ ໜ້າທີ່ປະຫວັດສາດ ແລະ ເປົ້າໝາຍການພັດທະນາທີ່ຄ້າຍຄືກັນ. ສະນັ້ນ, ການພົບປະ​ແລກປ່ຽນວັດທະນະທຳດ້ານການປະຕິວັດ ກໍເລີ່ມກາຍເປັນກິດຈະກຳອັນສຳຄັນ ສຳລັບທັງ 3 ປະເທດ.
ປາກກະດິງ-ບຶງໂຂງຫຼົງ ປຶກສາຫາລືຄວາມຮ່ວມມືວຽກງານຊາຍແດນ

ປາກກະດິງ-ບຶງໂຂງຫຼົງ ປຶກສາຫາລືຄວາມຮ່ວມມືວຽກງານຊາຍແດນ

ໃນຕອນເຊົ້າວັນທີ 23 ກໍລະກົດນີ້ ຢູ່ທີ່ຫ້ອງວ່າການປົກຄອງເມືອງປາກກະດິງ ໄດ້ຕ້ອນຮັບ ການມາຢ້ຽມຢາມຂອງຄະນະຜູ້ແທນ ອຳເພີບຶງໂຂງຫຼົງ ຈັງຫວັດບຶງການ ຣາຊະອານາຈັກໄທ ທີ່ໄດ້ເດີນທາງມາຢ້ຽມຢາມເມືອງປາກກະດິງ ແຂວງບໍລິຄຳໄຊ ສປປລາວ.
ວາລະສານອາລຸນໃໝ່ ໄປຢ້ຽມຢາມ ແລະ ເຮັດວຽກກັບວາລະສານຊິວສື

ວາລະສານອາລຸນໃໝ່ ໄປຢ້ຽມຢາມ ແລະ ເຮັດວຽກກັບວາລະສານຊິວສື

ເມື່ອຕົ້ນເດືອນກໍລະກົດນີ້, ຄະນະຜູ້ແທນວາລະສານອະລຸນໃໝ່ ຊຶ່ງແມ່ນວາລະສານທິດສະດີ ແລະ ພຶດຕິກຳຂອງພັກປະຊາຊົນ ປະຕິວັດລາວ ນໍາໂດຍສະຫາຍ ວັນລາຕີ ຄໍາວານວົງສາ ກຳມະການຄະນະພັກຄະນະໂຄສະນາອົບຮົມສູນກາງພັກ ຫົວໜ້າບັນນາທິການວາລະສານອະລຸນໃໝ່ ໄດ້ເດີນທາງໄປຢ້ຽມຢາມ ແລະ ແລກປ່ຽນບົດຮຽນກັບວາລະສານຊິວສື ຂອງສູນກາງພັກກອມມູນິດຈີນ ທີ່ນະຄອນຫຼວງປັກກິ່ງ ສປ ຈີນ; ໃຫ້ກຽດຕ້ອນຮັບໂດຍສະຫາຍ ເຊີນຢາງຢົງ ຜູ້ອຳນວຍການວາລະສານຊິວສື ທັງເປັນຫົວໜ້າບັນນາທິການວາລະສານຊິວສື ພ້ອມດ້ວຍຄະນະ.
ຮ່ວມກັນສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ

ຮ່ວມກັນສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ

ສຸພາສິດຈີນ ໄດ້ກ່າວວ່າ: “ພີ່ນ້ອງທີ່ຢູ່ຫ່າງໄກກັນ ບໍ່ດີເທົ່າກັບເພື່ອນບ້ານທີ່ຢູ່ໃກ້ຄຽງກັນ”. ທ່ານ ສີຈີ້ຜິງ ເລຂາທິການໃຫຍ່ ໄດ້ກ່າວເນັ້ນວ່າ: “ປະເທດອ້ອມຂ້າງເປັນບ່ອນເພິ່ງພາອາໄສຂອງຈີນ ແລະ ເປັນພື້ນຖານອັນໜັກແໜ້ນ ໃນການພັດທະນາ”. ນັບແຕ່ກອງປະຊຸມໃຫຍ່ ຄັ້ງທີ XVIII ຂອງພັກກອມມູນິດເປັນຕົ້ນມາ, ຝ່າຍຈີນ ໄດ້ສະເໜີວິໄສທັດ ວຽກງານການຕ່າງປະເທດຂອງຕົນ ຕໍ່ກັບບັນດາປະເທດໃກ້ຄຽງ ຄື: “ສະໜິດສະໜົມ, ຈິງອົກຈິງໃຈ, ໃຫ້ຜົນປະໂຫຍດ, ເອື້ອອາລີ” ແລະ ໄດ້ສະເໜີຂໍ້ລິເລີ່ມ ໃນການສົ່ງເສີມກໍ່ສ້າງປະຊາຄົມຮ່ວມຊາຕາກຳປະເທດອ້ອມຂ້າງ. ຝ່າຍຈີນ ໄດ້ລົງເລິກສ້າງການຮ່ວມມືຢ່າງຮອບດ້ານກັບບັນດາປະເທດອ້ອມຂ້າງ, ເພີ່ມທະວີການແລກປ່ຽນໃນທຸກຂົງເຂດ ໂດຍຖືເອົາການຊີ້ນຳ-ນຳພາຂອງການນຳສູງສຸດຂອງປະເທດ ເພື່ອປົກປ້ອງສັນຕິພາບ, ສະຖຽນລະພາບຂອງພາກພື້ນ ແລະ ສາກົນ.
ຄະນະຜູ້ແທນ ອກສລ ເຂົ້າຢ້ຽມຂໍ່ານັບປະທານສະພາແຫ່ງຊາດຫວຽດນາມ

ຄະນະຜູ້ແທນ ອກສລ ເຂົ້າຢ້ຽມຂໍ່ານັບປະທານສະພາແຫ່ງຊາດຫວຽດນາມ

ສະຫາຍ ວຽງທະວີສອນ ເທບພະຈັນ ກໍາມະການສໍາຮອງສູນກາງພັກ ປະທານອົງການກວດສອບແຫ່ງລັດ(ອກສລ) ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ເຈິນ ແທັງ ເໝີນ ກໍາມະການກົມການເມືອງສູນກາງພັກກອມມູນິດຫວຽດນາມ ປະທານສະພາແຫ່ງຊາດ ສສ ຫວຽດນາມ ໃນໂອກາດເດີນທາງຢ້ຽມຢາມ ແລະ ເຮັດວຽກກັບອົງການກວດສອບແຫ່ງລັດ ສສ ຫວຽດນາມ ໃນລະຫວ່າງທີ 16-20 ກໍລະກົດ ຜ່ານມາ.
ສປສສ ຫວນຄືນມູນເຊື້ອວັນສ້າງຕັ້ງແນວລາວສ້າງຊາດ

ສປສສ ຫວນຄືນມູນເຊື້ອວັນສ້າງຕັ້ງແນວລາວສ້າງຊາດ

ສານປະຊາຊົນສູງສຸດ (ສປສສ) ໄດ້ຈັດກອງປະຊຸມປາຖະກະຖາຫວນຄືນມູນເຊື້ອວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 - 13 ສິງຫາ 2025) ຂຶ້ນໃນວັນທີ 22 ກໍລະກົດ ນີ້ ທີ່ ສປສສ, ໃຫ້ກຽດປາຖະກະຖາ ໂດຍທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ຊຶ່ງມີຮອງປະທານ ສປສສ ພ້ອມດ້ວຍ ພະນັກງານຫຼັກແຫຼ່ງຂອງສານເຂົ້າຮ່ວມ.
ເພີ່ມເຕີມ