 |
ກອງປະຊຸມຄັ້ງນີ້ຈັດຂຶ້ນເພື່ອສະໜັບສະໜູນໂຄງການຕ້ານຂ່າວປອມ ຫຼື “Zero Fake News Campaign” ໂດຍມີເຈົ້າໜ້າທີ່ພາກລັດ, ຜູ້ປະກອບວິຊາຊີບດ້ານສື່ມວນຊົນ, ຜູ້ຊ່ຽວຊານ,ນັກສຶກສາ, ຊາວໜຸ່ມ ແລະ ຜູ້ສ້າງເນື້ອຫາຈາກປະເທດພາກພື້ນແມ່ນ້ຳຂອງເຂົ້າຮ່ວມເພື່ອແລກປ່ຽນທັກສະໃນການຕໍ່ຕ້ານຂ່າວປອມ, ພັດທະນາທັກສະດີຈີຕອນ, ເສີມສ້າງການກວດສອບຂໍ້ມູນຄວາມຈິງແລະ ສົ່ງເສີມການຮ່ວມມືລະດັບສາກົນ.
ໃນກອງປະຊຸມຍັງໄດ້ສະເໜີໃຫ້ຈັດຕັ້ງ “ກອງປະຊຸມຕ້ານຂ່າວປອມ” ສຳລັບຜູ້ມີສ່ວນກ່ຽວຂ້ອງໃນພາກພື້ນເພື່ອພິຈາລະນາກົນໄກທີ່ມີປະສິດທິຜົນ, ການບັງຄັບໃຊ້ກົດໝາຍ ແລະ ທິດທາງໃນອະນາຄົດ ເພື່ອເສີມສ້າງການຕໍ່ຕ້ານຂ່າວປອມໃນພາກພື້ນ, ແລກປ່ຽນປະສົບການລະດັບຊາດ ແລະ ພາກພື້ນໃນການຕໍ່ຕ້ານຂ່າວປອມ; ເສີມສ້າງການຮ່ວມມືລະຫວ່າງປະເທດແມ່ນ້ຳຂອງໃນດ້ານການກວດສອບຂໍ້ມູນຄວາມຈິງ, ການຮູ້ທັນສື່ ແລະ ການສື່ສານໃນວິກິດ; ສົ່ງເສີມວິຊາຊີບຂ່າວຢ່າງຮັບຜິດຊອບສູງ, ການສ້າງເນື້ອຫາດີຈີຕອນຢ່າງມີຈັນຍາບັນ ແລະ ການຮູ້ທັນຂ່າວສານ ໂດຍສະເພາະແມ່ນແພລັດຟອມສື່ສັງຄົມອອນລາຍ; ສົ່ງເສີມໂຄງການ “Zero Fake News” ແລະສົ່ງເສີມການມີສ່ວນຮ່ວມໃນກິດຈະກຳສື່ມວນຊົນການຮັບຮູ້ຂອງສາທາລະນະ.
 |
ນອກຈາກນີ້ ຍັງໄດ້ມີການສົນທະນາຈາກຜູ້ຊ່ຽວຊານດ້ານຂ່າວສານໂດຍເນັ້ນໃນຫົວຂໍ້:
“ຈາກຂ່າວປອມທີ່ແຜ່ລາມໄປສູ່ຄວາມເຊື່ອຖືຂອງສາທາລະນະໃນທົ່ວປະເທດພາກພື້ນແມ່ນ້ຳຂອງເຊັ່ນ: ການຮູ້ທັນສື່, ການເຂົ້າເຖິງຂໍ້ມູນທີ່ເຊື່ອຖືໄດ້, ການກວດສອບຂໍ້ມູນຄວາມຈິງ, ວິຊາຊີບຂ່າວທີ່ຮັບຜິດຊອບ ແລະ ການຮ່ວມມືໃນພາກພື້ນ.
ຂ່າວ: ໄມຕຣີ
ຄໍາເຫັນ