ບົດລາຍງານຂໍ້ມູນໄຟຟ້າກາງປີ ສະບັບຫຼ້າສຸດຂອງ IEA ຄາດຄະເນວ່າ: ຄວາມຕ້ອງການໄຟຟ້າທົ່ວໂລກຈະເພີ່ມຂຶ້ນ 3.6% ໃນປີ 2026 ແລະ 3.8% ໃນປີ 2027, ຫຼັງຈາກເພີ່ມຂຶ້ນ 3% ໃນປີ 2025. ຂະນະທີ່ປະລິມານການໃຊ້ໄຟຟ້າທົ່ວໂລກຄາດວ່າຈະບັນລຸ 30,700 ເຕຣາວັດ (terawatt) - ຊົ່ວໂມງ ໃນປີ 2027, ເພີ່ມຂຶ້ນຈາກ 28,600 ເຕຣາວັດ-ຊົ່ວໂມງ ໃນປີ 2025.
ວິກິດການຕາເວັນອອກກາງໄດ້ເຮັດໃຫ້ຄ່າໃຊ້ຈ່າຍໃນການຜະລິດໄຟຟ້າເພີ່ມຂຶ້ນຊົ່ວຄາວ ແລະ ບາງພາກພື້ນໄດ້ຈັດຕັ້ງປະຕິບັດມາດຕະການປະຢັດພະລັງງານສຸກເສີນ. ຢ່າງໃດກໍຕາມ, ຄວາມຕ້ອງການພະລັງງານທົ່ວໂລກຄາດວ່າຈະເພີ່ມຂຶ້ນໃນອັດຕາທີ່ໄວຂຶ້ນໃນໄລຍະ 2 ປີຂ້າງໜ້າ.
ການຜະລິດໄຟຟ້າຈາກແຫຼ່ງພະລັງງານໝູນວຽນຄາດວ່າຈະເກີນ 8% ໃນປີ 2026 ຊຶ່ງເກີນກວ່າຖ່ານຫີນ ແລະ ກາຍເປັນແຫຼ່ງພະລັງງານສຳລັບຜະລິດໄຟຟ້າທີ່ໃຫຍ່ທີ່ສຸດໃນໂລກ. ຫຼັງຈາກບັນລຸອັດຕາສ່ວນທີ່ໃກ້ຄຽງກັນໃນປີ 2025, ໂດຍອັດຕາສ່ວນຂອງການຜະລິດໄຟຟ້າທົ່ວໂລກຈາກພະລັງງານ ໝູນວຽນຄາດວ່າຈະເພີ່ມຂຶ້ນຈາກ 33% ໃນປີ 2025 ເປັນ 37% ໃນປີ 2027.
ພະລັງງານແສງຕາເວັນ ຈະຍັງຄົງເປັນຕົວຂັບເຄື່ອນການເຕີບໂຕທີ່ໃຫຍ່ທີ່ສຸດໃນການສະໜອງໄຟຟ້າທົ່ວໂລກ, ໂດຍປະລິມານການຜະລິດໄຟຟ້າຈາກພະລັງງານແສງຕາເວັນໃນປີ 2026 ຄາດວ່າຈະເພີ່ມຂຶ້ນປະມານ 600 ເຕຣາວັດ-ຊົ່ວໂມງ ຊຶ່ງໃກ້ຄຽງກັບການຂະຫຍາຍຕົວແບບບໍ່ເຄີຍມີມາກ່ອນໃນປີ 2025.
ຄໍາເຫັນ