"ມັນຮູ້ສຶກດີຫຼາຍ," ນັກທ່ອງທ່ຽວຈາກແຂວງອານຮຸຍ ທາງພາກຕາເວັນອອກຂອງຈີນ ກ່າວໃນຂະນະທີ່ຍ່າງອອກຈາກເຮລິຄອບເຕີ, ພ້ອມທັງກ່າວຕື່ມວ່າ: ການເບິ່ງວິວພູຫິມະຢູຫຼົງ ແລະ ເມືອງບູຮານໄປ່ຊາ (Baisha) ເທິງເຮລິຄອບເຕີ ເປັນປະສົບການທາງສາຍຕາທີ່ງົດງາມ ແລະ ໜ້າປະທັບໃຈຢ່າງຍິ່ງ.
ປັດຈຸບັນ, ນະຄອນລີ່ຈຽງມີສະໜາມບິນສຳລັບກິດຈະກຳການບິນໃນລະດັບຄວາມສູງຕ່ຳ 4 ແຫ່ງ ໂດຍການທ່ອງທ່ຽວທາງອາກາດໃນລະດັບຄວາມສູງຕ່ຳ ໄດ້ກາຍເປັນກິດຈະກຳການທ່ອງທ່ຽວຍອດນິຍົມສຳລັບນັກທ່ອງທ່ຽວໃນພື້ນທີ່ນັ້ນ.
ທີ່ສູນກິດຈະກຳການບິນ Star Flight Camp ໃນເຂດປົກຄອງຕົນເອງຊົນເຜົ່ານາຊີ ຢູ່ຫຼົງ (Yulong Naxi Autonomous County), ປັດຈຸບັນມີແພັກເກດບໍລິການທ່ອງທ່ຽວດ້ວຍການບິນໃນລະດັບຄວາມສູງຕ່ຳ 5 ຮູບແບບ ເພື່ອໃຫ້ນັກທ່ອງທ່ຽວໄດ້ຊົມທັດສະນີຍະພາບຈາກມຸມສູງຂອງພູຫິມະຢູ່ຫຼົງ, ເມືອງບູຮານໄປ່ຊາ (Baisha) ແລະ ເມືອງບູຮານລີ່ຈຽງ.
ໃນແຕ່ລະວັນ, ສູນກິດຈະກຳແຫ່ງນີ້ຮອງຮັບນັກທ່ອງທ່ຽວຢ່າງໜ້ອຍ 50-60 ຄົນ ທີ່ບໍ່ແມ່ນລະດູການທ່ອງທ່ຽວ ແລະ ສູງສຸດເກືອບ 300 ຄົນ ໃນລະດູການທ່ອງທ່ຽວໃນປັດຈຸບັນ.
ປັດຈຸບັນ, ນະຄອນລີ່ຈຽງ ກຳລັງດຶງດູດນັກທ່ອງທ່ຽວທີ່ນິຍົມການພັກຜ່ອນທີ່ເພີ່ມຂຶ້ນເລື້ອຍໆ ດ້ວຍການສະເໜີຜະລິດຕະພັນການທ່ອງທ່ຽວໃໝ່ໆທີ່ຫຼາກຫຼາຍ.
ປັດຈຸບັນ, ການຂີ່ລົດໄຟຊົມວິວທີ່ມຸ່ງໜ້າໄປສູ່ພູຫິມະຢູ່ຫຼົງ ໄດ້ເຂົ້າມາທົດແທນວິທີການເດີນທາງແບບເກົ່າ ແລະ ຊ່ວຍໃຫ້ນັກທ່ອງທ່ຽວເດີນທາງໄປເຖິງສວນທາລະນ້ຳກ້ອນ (Glacier Park) ໂດຍກົງ ພ້ອມກັບຊື່ນຊົມຄວາມງາມຂອງດອກໄມ້ສີສັນສົດໃສ ແລະ ທົ່ງຫຍ້າອັນກວ້າງໃຫຍ່ທີ່ງົດງາມຕະຫຼອດເສັ້ນທາງ.
ການເດີນທາງດ້ວຍລົດໄຟເຊື່ອມຕໍ່ສະຖານທີ່ທ່ອງທ່ຽວທີ່ມີທິວທັດສວຍງາມທີ່ສຳຄັນໃນລີ່ຈຽງ, ລວມທັງເມືອງເກົ່າລີ່ຈຽງ, ເມືອງບູຮານໄປ່ຊາ, ບ້ານນ້ຳຢົກ ແລະ ຮ່ອມພູຕົງບາ. ນັກທ່ອງທ່ຽວສາມາດເພີດເພີນກັບທິວທັດທີ່ຫຼາກຫຼາຍ 4 ລະດູ, ບໍ່ວ່າຈະເປັນທົ່ງຫຍ້າຊຸ່ມນ້ຳ, ທະເລດອກໄມ້, ທະເລສາບສີຟ້າໃສດັ່ງຢົກ, ໜ້າຜາ ແລະ ຮ່ອມພູ ລວມທັງພູຫິມະ ແລະ ສວນສາທາລະນ້ຳກ້ອນອີກດ້ວຍ.
ນອກຈາກນີ້, ການຖ່າຍຮູບແຕ່ງງານໃນສະຖານທີ່ທີ່ສວຍງາມທາງທຳມະຊາດ ແລະ ສະຖານທີ່ທີ່ມີຊື່ສຽງຫຼາຍແຫ່ງກໍເປັນທີ່ນິຍົມໃນເມືອງ Lijiang ພ້ອມກັບການທ່ອງທ່ຽວທີ່ມີກາເຟທ້ອງຖິ່ນເປັນຄູ່ຮ່ວມປະສົບການ ແລະ ການສຳຫຼວດພິພິທະພັນກາເຟໄປ່ຊາ (Baisha Coffee Museum) ທີ່ເຕັມໄປດ້ວຍຄວາມໜ້າສົນໃຈ.
ນອກຈາກເທດສະການດົນຕີພື້ນເມືອງ, ການທ່ອງທ່ຽວພາຍໃຕ້ຫົວຂໍ້ວັດທະນະທຳ ດົງບາ (Dongba) ແລະ ກິດຈະກຳການຕັ້ງແຄ້ມ ແລະ ການຍ່າງປ່າກາງແຈ້ງແລ້ວ ເທດສະການອື່ນໆທີ່ຫາກໍເປີດຕົວໃໝ່ໃນລີ່ຈຽງ ກໍໄດ້ຮັບຄວາມນິຍົມຢ່າງກວ້າງຂວາງຈາກນັກທ່ອງທ່ຽວເຊັ່ນກັນ.
ທ່ານ Yin Liang ຮອງຫົວໜ້າສຳນັກງານບໍລິຫານວັດທະນະທຳ ແລະ ການທ່ອງທ່ຽວນະຄອນລີ່ຈຽງ ກ່າວວ່າ: "ໃນລະດູຮ້ອນປີນີ້, ນະຄອນລີ່ຈຽງກຳລັງຕ້ອນຮັບເພື່ອນມິດສະຫາຍ ແລະ ນັກທ່ອງທ່ຽວຈາກໃກ້ ແລະ ໄກ ໃຫ້ມາສຳຜັດກັບລະດູຮ້ອນອາກາດເຢັນສະບາຍປະມານ 20 ອົງສາເຊ ພ້ອມກັບຄວາມອົບອຸ່ນ ແລະ ນ້ຳໃຈຕ້ອນຮັບອັນຍິ່ງໃຫຍ່ຂອງເມືອງ."
(ຮຽບຮຽງໂດຍ Duan Jing ຈາກ Xinhua Silk Road, duanjing@xinhua.org)
ຄໍາເຫັນ