ຜະລິດຕະພັນອໍຣ່າຟູດ ກິນແລ້ວດີເໝາະສໍາລັບຜູ້ທີ່ຮັກສາສຸຂະພາບ

ໃນໂອກາດເຂົ້າຮ່ວມງານວາງສະແດງຄັ້ງນີ້, ບໍລິສັດອໍຣ່າການຄ້າໄດ້ນໍາເອົາຜະລິດຕະພັນຫຼາຍຢ່າງເຂົ້າມາວາງຂາຍ ຖືເປັນຄັ້ງທຳອິດພາຍໃຕ້ເຄື່ອງໝາຍການຄ້າ: ອໍຣ່າຟູດ ຊຶ່ງຜະລິດຕະພັນສ່ວນໃຫຍ່ເປັນອາຫານ, ເຄື່ອງດື່ມ ໂດຍເລີ່ມຈາກສິນຄ້າຫຼັກທີ່ເປັນໂຕເອກແມັກຄາເດເມຍ ເປັນທັນຍາພຶດເໝາະສໍາລັບຜູ້ທີ່ຮັກສາສຸຂະພາບເຊັ່ນ: ຜູ້ທີ່ເປັນພະຍາດເບົາຫວານ, ຫົວໃຈ, ໄຂມັນ, ຄວາມດັນ ກໍສາມາດຮັບປະທານໄດ້ ບໍ່ມີສ່ວນຜະສົມຂອງນໍ້າຕານ. ນອກນັ້ນ, ຍັງມີທັນຍາພຶດທີ່ມາໃນຮູບແບບຂອງເຂົ້າໜົມມີຫຼາຍລົດຊາດເຊັ່ນ: ມີງາ, ກະທັນ, ເຂົ້າໄລ້ສເບີຣີ, ສາລ່າຍໂຮຍເຂົ້າ ຊຶ່ງມີທັງແບບບົດລະອຽດ ແລະ ບົດຫຍາບ ພ້ອມນັ້ນພວກເຮົາຍັງມີຜະລິດທີ່ພັນທີ່ເຂົ້າມາໃໝ່ເຊັ່ນຂີ້ໝິ້ນຜົງ ເວົ້າລວມແລ້ວພວກເຮົາມີຜະລິດຕະພັນລວມທັງໝົດ 10 ກວ່າລາຍການ ຊຶ່ງເປັນທັນຍາພຶດກິນແລ້ວດີຕໍ່ສຸຂະພາບ.

ທ່ານນາງ ອານຸລັກ ວິລາວົງ ກ່າວໃຫ້ຮູ້ອີກວ່າ: ຈຸດປະສົງໃນການເຂົ້າຮ່ວມງານວາງສະແດງໃນຄັ້ງນີ້ເພື່ອນໍາເອົາຜະລິດຕະພັນມາແນະນໍາໃຫ້ລູກຄ້າໄດ້ຮູ້ຈັກ, ນໍາສະເໜີຜະລິດຕະພັນທີ່ເປັນທັນຍາພຶດກິນແລ້ວດີຕໍ່ສຸຂະພາບ ເໝາະສໍາລັບຄົນທີ່ກຳລັງເບິ່ງແຍງສຸຂະພາບ, ຜະລິດຕະພັນສ່ວນໃຫຍ່ເນັ້ນຂາຍສົ່ງ, ຖ້າພາກສ່ວນໃດ ບໍລິສັດໃດທີ່ຢາກໃຫ້ພວກເຮົາຜະລິດເປັນເຄື່ອງໝາຍຂອງເຂົາເຈົ້າເອງ ແມ່ນພວກເຮົາສາມາດເຮັດໃຫ້ໄດ້, ຜະ ລິດຕະພັນທຸກຢ່າງແມ່ນນໍາເຂົ້າມາແຕ່ປະເທດຫວຽດນາມມາຫຸ້ມຫໍ່ຢູ່ລາວ ຊຶ່ງທາງບໍລິສັດພວກເຮົາໄດ້ຮັບໃບອະນຸຍາດໃຫ້ດຳເນີນທຸລະກິດໃນເດືອນພຶດສະພາຜ່ານມາ, ຖືເປັນບໍລິສັດນ້ອງໃໝ່ ຊຶ່ງມີສຳນັກງານຕັ້ງຢູ່ບ້ານສົມສະຫງ່າ ເມືອງໄຊເສດຖາ ນະຄອນຫຼວງວຽງຈັນ. ປັດຈຸບັນພວກເຮົາກຳລັງທົດລອງຕະຫຼາດ ແລະ ຢູ່ໃນໄລຍະດຳເນີນການຜ່ານອົງການອາຫານ ແລະ ຢາ ກະຊວງສາທາລະນະສຸກ. ຖ້າລູກຄ້າທ່ານໃດສົນໃຈສາມາດຕິດຕໍ່ໄດ້ທີ່ເຟດບຸກ, ຕິກຕັອກ ອໍຣ່າຟູດ ຫຼື ຕິດຕໍ່ທ່ານນາງ ອານຸລັກ ວິລາວົງ ຝ່າຍການຕະຫຼາດໄດ້ທີ່ເບີ 02091651456, ຝ່າຍສິນຄ້າ 02054429566.