ທ່ານ ສຸພາສິນ ວົງສະມາຈາລະພິນຍາ ຜູ້ອໍານວຍການບໍລິສັດ ສະຍາມ ນິວຕຣ້າ (ປະເທດໄທ) ໄດ້ກ່າວວ່າ: ປັດຈຸບັນໂລກເຮົາປ່ຽນແປງໄປຫຼາຍ ຊຶ່ງມີຜົນກະທົບໂດຍກົງກັບວິຖີການໃຊ້ຊິວິດ ຂອງຄົນທົ່ວໂລກ, ບໍ່ວ່າ ຈະເປັນການກິນ, ນອນ, ອອກກຳລັງກາຍ, ຄວາມຄຽດ, ສິ່ງເສບຕິດ ແລະ ຄວາມສຳພັນ, ລ້ວນແຕ່ສົ່ງຜົນໃຫ້ເກີດການເຈັບປ່ວຍໄດ້ງ່າຍຂຶ້ນ ເຊັ່ນ: ໄຂມັນ, ຄວາມດັນ, ເບົາຫວານ, ຫຼອດເລືອດ, ຫົວໃຈ, ສະໝອງ, ມະເຮັງ, ຄໍກິນເລືອດ (ໄທລອຍ), ພູມແພ້, ສະເກັດເງິນ ແລະ ອື່ນໆ ຊຶ່ງພວກເຮົາຄຸ້ນເຄີຍ ແລະ ເວົ້າກັນວ່າ: ພະຍາດ NCD (ໂຣກເຊື່ອມ ທີ່ເກິດຈາກພຶດຕິກຳ ການໃຊ້ຊິວິດ). ອາຫານເປັນສິ່ງທີ່ສຳຄັນທີ່ສຸດ ສຳລັບການມີສຸຂະພາບດີ, ແຕ່ການຜະລິດອາຫານທຸກມື້ນີ້ ພັດເຕັມໄປດ້ວຍຂະບວນການຕ່າງໆ ເພື່ອໃຫ້ຕອບສະໜອງ ກັບຄວາມຕ້ອງການຂອງສັງຄົມ, ບໍ່ວ່າຈະເປັນການລ້ຽງສັດ ກໍຍັງໃຊ້ສານເລັ່ງ, ແລ້ວຍັງຂະບວນການແປຮູບ ເພື່ອໃຫ້ໄດ້ອາຫານຫຼາກຫຼາຍຂຶ້ນ, ການປູກຜັກກໍເຊັ່ນດຽວກັນ, ໃຊ້ສານເຄມີເພື່ອໃຫ້ໄດ້ປະລິມານຫຼາຍຂຶ້ນຊຶ່ງທັງໝົດເຫຼົ່ານີ້ ລ້ວນແຕ່ສົ່ງຜົນກະທົບທີ່ຮ້າຍແຮງທີ່ສຸດ ຕໍ່ສຸຂະພາບຂອງຜູ້ບໍລິໂພກ ຊຶ່ງຜະລິດຕະພັນໃນຮູບແບບອາຫານເປັນຢາ ທີ່ເປັນນໍ້າໝາກໄມ້ຜະລິດ ສະກັດຈາກໝາກໄມ້ສົດ 100% ຈະປະກອບມີ: ຊຸເປີ້ ໂຟແລັກ ແອວຈີ (Super 4 Rac LG), ຄອມຟີ ໂຟແລັກ ໂກຼຣເຈັນ (Glow Gen), ຊຸເປີ້ເຮັສບີ (Super HB) ແລະ ອື່ນໆ.
ເພາະສະນັ້ນ, ເຮັດແນວໃດເຮົາຈະກັບມາແກ້ໄຂສິ່ງຕ່າງໆທີ່ໄດ້ກ່າວມານັ້ນເຊັ່ນ: ການກິນອາຫານທີ່ມີໂພຊະນາການຖືກຕ້ອງ, ມີສານອາຫານທີ່ຊ່ວຍປ້ອງກັນ, ຫຼຸດຜ່ອນຄວາມສ່ຽງທີ່ຈະເປັນພະຍາດ ແລະປິ່ນປົວໃນເວລາດຽວກັນ, ພ້ອມປ່ຽນພຶດຕິກຳ ການກິນ, ນອນ, ອອກກໍາລັງກາຍ, ຄວາມຄຽດ, ບໍ່ໃຊ້ສານເສບຕິດ, ພ້ອມປັບຄວາມສໍາພັນໃຫ້ດີພ້ອມໆກັນ ເພື່ອເຮັດໃຫ້ພວກເຮົາຈະກິນອາຫານເປັນຢາ - ບໍ່ແມ່ນກິນຢາເປັນອາຫານ.
ຂ່າວ: ນິວຕາ
ຄໍາເຫັນ