ໃນວັນທີ 27ກັນຍານີ້, ພະແນກການເງິນແຂວງວຽງຈັນ ໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານວຽກງານຕ້ານການສໍ້ລາດບັງຫຼວງໃຫ້ແກ່ສະມາຊິກພັກ-ພະນັກງານຊຶ່ງມີທ່ານ ວອນ ວໍລະສານ ຫົວໜ້າພະແນກການເງິນແຂວງ, ມີຄະນະຮັບຜິດຊອບການຕ້ານ ແລະ ສອບສວນການສໍ້ລາດບັງຫຼວງຂັ້ນແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ວັນນະກອນ ໄຊຊະນິດ ຫົວໜ້າຂະແໜງຕ້ານ ແລະ ສອບສວນການສໍ້ລາດບັງຫຼວງແຂວງ ກ່າວວ່າ: ກອງປະຊຸມຄັ້ງນີ້ຈັດຂຶ້ນເພື່ອເຮັດໃຫ້ຄະນະພັກ-ຄະນະນຳ, ພະນັກງານ ພະແນກການເງິນແຂວງມີຄວາມເຂົ້າໃຈແຈ້ງກ່ຽວກັບມາດຕະການໃນການສະກັດກັ້ນ ແລະ ການສໍ້ລາດບັງຫຼວງຢ່າງຕັ້ງໜ້າ, ເປັນຕົ້ນມາດຕະການສຶກສາອົບຮົມ, ມາດຕະການທາງດ້ານບໍລິຫານ, ມາດຕະການທາງດ້ານກົດໝາຍ ແລະ ອື່ນໆ. ພ້ອມນີ້ທ່ານໄດ້ຍົກໃຫ້ເຫັນບາງຈຸດສຳຄັນເປັນຕົ້ນແມ່ນ: ບັນຫາເກີດຂຶ້ນຢູ່ບ່ອນໃດບ່ອນນັ້ນຕ້ອງເປັນເຈົ້າການແກ້ໄຂ ແລະ ແກ້ໄຂຢ່າງເດັດຂາດ, ທັນການໂດຍຖືເອົາການສະກັດກັ້ນແຕ່ຫົວທີເປັນຕົ້ນຕໍ ແລະ ເປັນບັນຫາພື້ນຖານຕ້ອງໄດ້ປະຕິບັດຢ່າງເຂັ້ມງວດ.ການສະກັດກັ້ນ ແລະ ຕ້ານການສໍ້ລາດບັງຫຼວງຕ້ອງຕິດພັນກັບການປະຕິບັດນະໂຍບາຍປະຢັດ ແລະ ຕ້ານການຟຸ່ມເຟືອຍເຮັດໃຫ້ການຕ້ານ ແລະ ແກ້ໄຂປະກົດການອາດຍາສິດ, ການສໍ້ລາດບັງຫຼວງກາຍເປັນໜ້າທີ່ ແລະ ຄວາມຮັບຜິດຊອບຂອງພະນັກງານທຸກປະເພດ, ທຸກການຈັດຕັ້ງ ແລະ ທົ່ວສັງຄົມ.ການຕ້ານພະຍາດອາດຍາສິດ ແລະ ການສໍ້ລາດບັງຫຼວງ ຕ້ອງເລີ່ມຈາກຄວາມເປັນແບບຢ່າງຂອງແຕ່ລະຄົນ ເປັນຕົ້ນພະນັກງານນຳພາ-ຄຸ້ມຄອງແຕ່ລະຂັ້ນຕ້ອງຕັ້ງໜ້າ, ມີຄວາມພະຍາຍາມສູງໃນການຈໍາກັດ ແລະ ອັດຊ່ອງວ່າງບໍ່ໃຫ້ເກີດມີປະກົດການອາດຍາສິດ ແລະ ການສໍ້ລາດບັງຫຼວງເຮັດໃຫ້ສະພາບດັ່ງກ່າວທີ່ມີຢູ່ໃນປັດຈຸບັນຫຼຸດໜ້ອຍຖອຍລົງ ແລະ ໄດ້ຮັບການແກ້ໄຂຢ່າງຕັ້ງໜ້າ ແລະ ຕໍ່ເນື່ອງ.
ໂອກາດນີ້, ທ່ານ ວອນ ວໍລະສານ ໄດ້ເນັ້ນໃຫ້ຄະນະພັກ, ຄະນະນຳຂອງພະແນກການເງິນແຂວງທຸກຂັ້ນຈົ່ງເປັນແບບຢ່າງ ແລະ ເປັນເຈົ້າການ ນຳເອົາບັນດາເນື້ອໃນດັ່ງກ່າວໄປຜັນຂະຫຍາຍໃຫ້ສະມາຊິກພັກ, ພະນັກງານຢູ່ໃນຄວາມຮັບຜິດຊອບຂອງຕົນຮັບຮູ້, ກຳແໜ້ນເພື່ອໝູນໃຊ້ເຂົ້າໃນການປະຕິບັດໜ້າທີ່ວຽກງານ ແລະ ປະຕິບັດຕາມເນື້ອໃນດັ່ງກ່າວຢ່າງເຂັ້ມງວດ ເພື່ອເຮັດໃຫ້ການສໍ້ລາດບັງຫຼວງຫຼຸດໜ້ອຍຖອຍລົງເທື່ອລະກ້າວ.
ຂ່າວ: ແກ້ວອຸດົມ
ງານວາງສະແດງອຸປະກອນກໍ່ສ້າງສາກົນ ຊາງຊາ ຄັ້ງທີ IV ປິດລົງດ້ວຍຜົນສຳເລັດຢ່າງຈົບງາມ
ງານວາງສະແດງອຸປະກອນກໍ່ສ້າງສາກົນ ຊາງຊາ (CICEE) ຄັ້ງທີ IV ໄດ້ປິດລົງໃນວັນທີ 18 ພຶດສະພາ ຜ່ານມາ ທີ່ ເມືອງຊາງຊາ ແຂວງຫູໜານ ທາງພາກກາງຂອງ ສປ ຈີນ. ຜູ້ຈັດງານລະບຸວ່າ: ງານວາງສະແດງດັ່ງກ່າວໄດ້ປະສົບຜົນສໍາເລັດໃນການຮ່ວມມືຢ່າງມີປະສິດທິພາບ.
ຄໍາເຫັນ