ພັນລະຍາປະທານປະເທດຕ້ອນຮັບຄະນະຜູ້ແທນສະຫະພັນແມ່ຍິງກະຊວງການຕ່າງປະເທດສສຫວຽດນາມ

ໃນວັນທີ 17 ທັນວານີ້ ທີ່ທໍານຽບປະທານປະເທດ.
ໂອກາດດັ່ງກ່າວ, ທ່ານນາງນາລີ ສີສຸລິດ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຊົມເຊີຍ ຕໍ່ທ່ານນາງ ຫວູ ທິ ບິກ ຫງ໋ອກ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວໃນຄັ້ງນີ້ ເວົ້າລວມ, ເວົ້າສະເພາະກໍແມ່ນການເຮັດວຽກຮ່ວມກັບ ສະຫະພັນແມ່ຍິງກະຊວງການຕ່າງປະເທດ ແຫ່ງ ສປປ ລາວ ແລະ ສະຫະພັນແມ່ຍິງກະຊວງການຕ່າງປະເທດແຫ່ງ ສສຫວຽດນາມ ຊຶ່ງເປັນບາດກ້າວທີ່ສໍາຄັນໃນການຍົກສູງການພົວພັນຮ່ວມມືຮອບດ້ານ ລະຫວ່າງ ສອງປະເທດ ລາວ-ຫວຽດນາມ ໃຫ້ເລິກເຊິ່ງ, ກວ້າງຂວາງ, ມີໝາກຜົນຍິ່ງໆຂຶ້ນ ທັງເປັນການປະກອບສ່ວນເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ກໍຄື ປະຊາຊົນສອງຊາດ ລາວ-ຫວຽດນາມ. ພ້ອມນີ້, ທ່ານນາງນາລີສີສຸລິດ ກໍໄດ້ເນັ້ນໜັກໃຫ້ສອງກຳລັງປ້ອງກັນຄວາມສະຫງົບ ລາວ-ຫວຽດນາມ ສືບຕໍ່ເສີມຂະຫຍາຍສາຍພົວພັນທີ່ເປັນມູນເຊື້ອສະຫງ່າງາມ ໃຫ້ໝັ້ນຄົງຂະໜົງແກ່ນ, ສືບຕໍ່ຮັດແໜ້ນສາຍພົວພັນແບບພິເສດ-ການຮ່ວມມືຮອບດ້ານ ໃຫ້ເລິກເຊິ່ງກວ້າງຂວາງ; ພ້ອມນີ້ ກໍໄດ້ສະແດງຄວາມຕ້ອນຮັບ, ຊົມເຊີຍ ຕໍ່ ທ່ານນາງ ຫວູ ທິ ບິກ ຫງ໋ອກ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວໃນຄັ້ງນີ້ ຊຶ່ງເປັນການປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ ແລະ ຄວາມສາມັກຄີຮັກແພງສະໜິດສະໜົມແບບພິເສດທີ່ເປັນມູນເຊື້ອ ແລະ ການຮ່ວມມືຮອບດ້ານ ລະຫວ່າງ ສອງພັກ,ສອງລັດ ກໍຄື ສອງປະເທດລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະ ສະຫະພັນແມ່ຍິງກະຊວງການຕ່າງປະເທດ ແຫ່ງ ສປປ ລາວ ແລະ ສະຫະພັນແມ່ຍິງກະຊວງການຕ່າງປະເທດແຫ່ງ ສສຫວຽດນາມ ກໍຄື ປະຊາຊົນທັງສອງປະເທດ ລາວ-ຫວຽດນາມ ທີ່ເຄີຍມີມາແຕ່ດົນນານແລ້ວນັ້ນໃຫ້ນັບມື້ງອກງາມຍິ່ງໆຂຶ້ນ.
ຈາກນັ້ນ, ທ່ານ ນາງ ຫວູ ທິ ບິກ ຫງ໋ອກ ຕາງໜ້າໃຫ້ກັບຄະນະ ສະແດງຄວາມຂອບໃຈຕໍ່ທ່ານນາງນາລີ ສີສຸລິດ ທີ່ໃຫ້ການຕ້ອນຮັບຢ່າງອົບອຸ່ນ, ຈາກນັ້ນ ກໍໄດ້ແຈ້ງຈຸດປະສົງຂອງການມາຢ້ຽມຢາມ ແລະ ເຮັດວຽກໃຫ້ກັບທ່ານ ນາງ ນາລີ ສີສຸລິດ ໄດ້ຮັບຊາບອີກດ້ວຍ.
(ຂ່າວ-ພາບ: ແສງຈັນ)